Jaceuq 97:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqyawf-euq mqmyawf, mirtsaq tanqkhawr-anr yawshaef bi byalar-awr; Mirtsaq hawmawr ngae, yawdzuq dzuq-eu mae.

Akha

⁴ Aˬ yawꞈ-euˬ mˬ jeˬ tsawˬ tehˆ miˇ tsaˬ-ahˇ yaw shehꞈ bya-awˇ, miˇ tsaˬ yaw dzuˬ dzuˬ-eu meh.

Jaceuq 97:4 Referans Kwoze

Jaceuq 77:18

Nawq-euq mqjeq-euq tersar jaqlaer laerzeuv-euq lafkhoer manrluf-awr, Mqmyawf myawf-awr mirtsaq-anr bi byalar-eu uqtaf, Mirtsaq tanqkhawr yawdzuq dzuq-awr nyaenyae-aer jav-eu mae.

Jaceuq 104:32

Aqyawf, mirtsaq tanqkhawr-anr haw ngae, Mirtsaq tanqkhawr yawdzuq dzuqlar-awr; Aqyawf gawqjawq-anr toeqciv ngae, uqkhoeq tanqdov laf-eu mae.

Panmaeq 11:19

Khoerngae, mq-euq khoertav jav-eu Miqyaer-euq uqduq tanqnymr nymrma panlar-awr, aqyawf-euq uqduq tanqnymr nymrma-euq lafkhoer, aqyawf-euq dawqma sarjax bawqkeuv-anr ya’mawr-euq ma. Khoernar-aq, mqmyawf myawf-awr, tersar manr-eu uqtaf, mqjeq jeq-awr mirluv luv-eu uqtaf, uqyaer arsiq khawf ga duidui-eu mae.

Panmaeq 19:11

Ngar, mq pantaq-euq gar ya’mawr-awr hawghaelef ngae, manq manqpyur tiq mawr jawr-awr, manq-anr dziqluf-eu ghaq-aq, sarjax zif-awr, tsaq duidui-eu ghaq laer kur-eu mae. Aqyawf-aq, tsaq-awr dawr-eu lafkhoer yarkhaq dar-awr, guirdeuv deuv-eu mae.

Jaceuq 114:7

Mirtsaq tanqkhawr-or! Ya’we Miqyaer-euq maeqshi yawdzuq dzuq-awq. Yaqkov-euq Miqyaer-euq maeqshi yawdzuq dzuq-awq.

Jaceuq 96:9

Ya’we Miqyaer shawr-awr hawmuiq-eu gar uqduq tanq-awq. Mirtsaq dawqtawvluf, aqyawf-euq maeqshi yawdzuq dzuq-awq.

Jaceuq 77:19

Nawq-euq garma-aq, iqmalavshav-euq lafkhoer jav-awr, Nawq-euq cankawv-aq, huiq-eu ircuf-euq lafkhoer jav-eu mirnae, Nawq nae can-euq aqkuir paeqzar-aq, maq siqlar-a.