Jaceuq 97:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Mqdmr hawr-eu yawzanr, aqyawf-euq tiqjawq javluf-eu mae. Tsaq-awr dawr-eu jeq hawr-eu dawr-awr tsaq-eu jeq-aq, Aqyawf-euq nuirmanq-euq dawqpaeq duqpur mae.

Akha

² Mˬ dmˇ hawˇ-eu zahˇ tsui ni gʼeh-eu jeˬ, aˬ yawꞈ-ahˇ jawˬ lahˇ taˬ-euˬ meh. Yaw tsaˬ yaw dawˇ yaw muiˬ yaw jaˬ laꞈ kʼoeˇ, aˬ yawꞈ uˆ lahˇ luꞈ-eu meh.

Jaceuq 97:2 Referans Kwoze

Jaceuq 89:14

Tsaq-awr dawr-eu jeq hawr-eu dawr-awr tsaq-eu jeq-aq, Nawq-euq nuirmanq-euq dawqpaeq duqpur mae. Ghawqshaq gaq-eu jeq hawr-eu yawtsaq yawdawr-aq, Nawq-euq maeqshi canluf-eu mae.

Dawqdaq 16:12

Sanqpaq deuq-aq, yawcawv jeq mr-eu gar nuidav dav-eu mae. Aqjeq mirnae aernar-aq, tsaq-awr dawr-eu jeq-euq baqda’nae, nuirmanq zifnya-eu mae.

Jaceuq 99:4

Sanqpaq-euq ghaq-aq, yawdawr yawtsaq-anr gaq-awr, Nawq nae tiqkawv dini dar-eu jeq lavzif taq-euq mae. Nawr, Yaqkov-euq lafkhoer tsaq-awr dawr-eu jeq, Hawr-eu dawr-awr tsaq-eu jeq mryaf-euq mae.

Lormav 11:33

Miqyaer-euq sanr duidui-eu zaqsiq tsawrganr hawr-eu siqnya-eu tsawrganr arnavni naf-eu nga! Aqyawf yarkhaq dar-eu jeq-anr tiqghaq-iq maq noeqdov coer-a. Aqyawf-euq garma-anr tiqghaq-iq maq cawmawrduq nya-a!

Jaceuq 77:19

Nawq-euq garma-aq, iqmalavshav-euq lafkhoer jav-awr, Nawq-euq cankawv-aq, huiq-eu ircuf-euq lafkhoer jav-eu mirnae, Nawq nae can-euq aqkuir paeqzar-aq, maq siqlar-a.

Jaceuq 89:15

Laqkhaq caerlar-eu tersar siqnya-eu tsawrhaq-aq, Guiqlanq huiq-eu mae. Ya’we Miqyaer-or! Aqyawfmaf, Nawq-euq myavpyawq-euq yawshaef-euq lafkhoer canluf-eu mae.