Jaceuq 97:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Ya’we Miqyaer-anr gaq-eu nawmaf, yawdoer jeq-anr byae-awq. Aqyawf, aqyawf-euq tsawrshawr deuq-euq nuima saflar-anr hawpir naeq-awr; Aqyawf maf-anr tsawrcawv deuq-euq aqlaf-anr nae bibuq-ir-eu mae.

Akha

¹⁰ Yaw haiˬ jeˬ-ahˇ bye-eu tsawˇ haˬ deuˬ-ahˇ Sahˬpaˬ Miˬyehˇ gaˬ-eu meh. Aˬ yawꞈ-euˬ tsawˇ haˬ deuˬ maˬ ya luˬ ma ya seˇ-iˇ ni, aˬ yawꞈ haw piˇ-eu meh. Haiˬ-eu tsawˇ haˬ deuˬ-euˬ laꞈ-ahˇ, aˬ yawꞈ maꞈ-ahˇ ka kʼoꞈ nehˬ-eu meh.

Jaceuq 97:10 Referans Kwoze

Dawqdaq 8:13

Ya’we Miqyaer-anr guv-eu jeq-aq, yawdoer jeq-anr byae-eu mae. Nuima huiq-eu, janrghae-eu, yawdoer-euq garma hawr-eu, Dawq yurpyawv-eu khaqmae-anr ngar byae-eu ma.

Lormav 12:9

Nawmaf, gaq-eu jeq jaqmyawf maqbi anrni, aqdir gaq-eu jeq bipyeuf-awq. Yawdoer jeq-anr byae-awr, yawmuiq jeq-anr zifdanni nyaeftaeq taq-awq.

Jaceuq 145:20

Ya’we Miqyaer, aqyawf-anr khargaq-eu tsawrhaq-anr hawpir-eu mae; Aerkhawf, tsawrcawv dawqtawv luf-anr aqyawf lavcawv taef-a.

Jaceuq 34:14

Yawdoer jeq-anr byaer-awr yawmuiq jeq mr-awq. Tsaqler dzoerler-eu jeq-anr pov-awr cantae ghae-awq.

2 Teˇsaˬloˇni 3:2

Tsawrhaq dawqtawvluf jan-eu maqngeur-eu mirnae, caepyawq shar-eu tsawrhaq hawr-eu tsawrcawv deuq-euq aqlaf-anr nae nga’maf yabuq-ir ni khawf guiqlanq sharcaw naeqlaf-awq.

Dawqdaq 2:8

Aqyawf, tsaq-awr dawr-eu cankawv-anr lofpir-awr, Aqyawf-euq tsawrshawr deuq-euq garma-anr hawpir-eu mae.

Jaceuq 31:23

Or-oq, nawmaf, Miqyaer-euq tsawrshawr deuq-or! Ya’we Miqyaer-anr gaq-awq! Aqjeq mirnae aernar-aq, Ya’we Miqyaer, sarjax zif-eu tsawrhaq deuq-anr hawpir naeq-awr, Nuima huiq-eu tsawrhaq-anr byanbyan’ni janrkhof naeq-eu mae.

1 Yoˇhaˬ 5:18

Miqyaer-euq zaq tiqghaq-iq iqbax mrmr-aer maqdaef-a laer aqdui siqnya ma. Miqyaer-anr nae daefle-euq tsawrhaq-aq, yawqhar yawqha yawmuiq-aer bosav-eu mirnae, yawcawv ghaq, aqyawf-anr maq toeqciv nya-a.

1 Yoˇhaˬ 4:19

Miqyaer, aqdui-anr jeqhu gaq-euq mirnae, aqdui, aqyawf-anr gaq-eu ma.

1 Beˬtuˆluˆ 1:5

Arsaq saqlar ngae, nawmaf-euq gharduq laeqhmq taq-euq, kakhof-eu jeq byacaevni panmaeq naeqlaf-awr, nawmaf kharjan-eu deuq-anr Miqyaer, aqyawf-euq baoq nae bosav luf-eu mae.

Yaˬkoˆ 2:5

Ngar zawr gaq-eu aqyuif aqnyir deuq-or! Narhaq sher-eq. Miqyaer, mirtsaq-euq khoertav jawr-eu irshaqzaq-anr jan-eu paw smrmuiq muiqlarni, aqyawf maf-anr tserdov-awr aqyawf-anr gaq-eu tsawrhaq jeqbir of-awr, Miqyaer uvlanr-eu lafkhoer bijawr ma laer sarjax dzaqtaq-euq tsawrhaq maqngeur-a lor?

Panmaeq 13:8

Mqbae mirbae bae ngae nae, bisaef-euq Yawrzaq-euq Daef-eu jeq bif-eu sanqbof-euq lafkhoer, tsawrmyanr maq bofanr taq-euq mirtsaq-euq khoertav jawr-eu tsawrhaq dawqtawvluf, jeqzaq heumawr-anr uqduqtanq taef-a.

Yaˬkoˆ 1:12

Tsermr haw-eu jeq-anr yadaq ngae, daqcoer orcoer-eu tsawrhaq guiqlanq huiq-eu mae. Aqjeq mirnae aernar-aq, aqyawf daqdzeur ordzeurghaq ngae, daef-eu jeq-euq shuir uqkhov za taef-a. Shuir uqkhov khoer-aq, aqyawf-anr gaq-eu tsawrhaq deuq-anr bif ma laer Miqyaer nae sarjax dzaqtaq-euq shuir uqkhov mae.

1 Gawˇliˬtu 8:3

Aerkhawf, tsawrhaq tiq ghaq, Miqyaer-anr gaq nar-aq, Miqyaer, aqyawf-anr siqnya mae.

Dawqdaq 3:7

Yawqhar yawqha tsawrganr anr-eu ma laer taqnoeq. Ya’we Miqyaer-anr guv-awr, yawdoer jeq-anr garjaw jaw-awq.

Jaceuq 125:3

Tsaq-awr dawr-eu tsawrhaq deuq-euq mirkhanq-anr, Tsawrcawv-euq shmr gawqyoeq maqya naq-ar. Maqngeur nar-aq, tsaq-awr dawr-eu tsawrhaq deuq, Aqyawf maf-euq aqlaf cawqdov-awr yawlaeq yawca jeq mr taef-a.

Jaceuq 119:163

Ngar, jaqmyawf myawf-eu jeq-anr nuidav dav-awr byae-eu ma. Aerkhawf, ngar, nawq-euq zanrdawq-anr gaq-eu ma.

Jaceuq 91:14

“Aqyawf, ngaq-anr gaq-eu mirnae, ngar, aqyawf-anr bibuq-ir ma. Aqyawf, ngaq-euq tsawrmyanr siqnya-eu mirnae, Ngar, aqyawf-anr yawgor-anr bijawr ma.

1 Beˬtuˆluˆ 1:8

Nawmaf, aqyawf-anr maq mawrhaw-euq khawf, aqyawf-anr gaqluf-eu mae. Nymq-mr nawmaf, aqyawf-anr maqya mawr khawf, aqyawf-anr jan-eu mirnae, yawshaef khanqsaer byan-awr, maq aernya paq-aer laqkhaq caer-eu jeq-euq lafkhoer, nawmaf laqkhaqcaer luf-eu mae.

Lormav 7:24

Ngar-aq, ghawqshar shaq-aer ghaelar paq-aer ghae-eu tsawrhaq tiq ghaq mir-a. Shir-eu gar sheuqghae luf-eu mawrdo heu-anr nae, ngaq-anr aqsur ghaq bibuq-ir nya-eu la?

Lormav 7:15

Aqjeq mirnae aernar-aq, ngar mrluf-eu deuq-anr ngar maq ghovshawnya nya. Ngar mrmawf-eu deuq-anr ngar maqmr-aer, ngar byae-eu deuq-anr ngar mrluf-eu mir-a.

Jaceuq 119:104

Ngar, nawq-euq maeqdawq-euq baqda’nae, ghovshawnya lar-euq mirnae, Ngar, maqtsaq maqdawr-eu garma yawqkanr navluf-anr byae nya.

Jaceuq 101:3

Ngar, ngaq-euq myavnuiv-euq maeqshi yawdoer jeq maqbi jav. Ngar, garbanq banq-ir-euq deuq mr-eu jeq-anr byae-eu ma. Ngaq-anr heulof-aer ghae-eu tiqjeq-iq maqbi myanqlar.

Jaceuq 36:4

Aqyawf yufzar-anr jawr-awr nae yawcawv jeq tov-awr; Aqyawf maqmuiq-eu garma-anr can’ghae-eu mae. Aqyawf yawdoer jeq-anr nuidav maqdav-a.

Jaceuq 121:7

Yawdoer jeq dawqtawv luf-anr nae, Ya’we Miqyaer, nawq-anr hawpir naeqlaf-awr; Aqyawf, nawq-euq nuima saflar-anr hawpir naeqlaf taef-a.