Jaceuq 96:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Tsawrhaqzaq-euq tsawrpaq tsawrca deuq-or, Ya’we Miqyaer-anr a’naeq-awq! Ghaq hawr-eu yawshaef khanqsaer, Ya’we Miqyaer-anr a’naeq-awq.

Akha

⁷ Miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ, Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ-euˬ baoˬ yaw shehꞈ kʼahˬ sehˇ-ahˇ ciˬ huiˬ ciˬ mahˇ-awˬ.

Jaceuq 96:7 Referans Kwoze

Panmaeq 19:1

Khoernar-aq, ngar, mq-euq khoertav tsawrhaq armaf mafma-euq tersar yawkhav-aer heulof-aer aer-eu gar yagaq-euq ma: “Haleluya! Kakhof-eu jeq, yawshaef khanqsaer, taqhuiq taqmanr-eu jeq hawr-eu baoq, aqdui-euq Miqyaer-euq pyeuf-eu mae.

Maꞈtehˬ 6:13

Iqbax murjur jur-eu maeqnan nga’maf-anr taqbi ir laf. Yawdoer jeq-anr nae nga’maf-anr bidzeur-ir laf. Uvlanr-eu jeq, baoq hawr-eu yawshaef khanqsaer dawqtawvluf, mqmaq maqbyav yarzir nawq-euq mae. Aqmeq.

Panmaeq 5:9

Aqyawfmaf cardawq yawshuif heulof-aer car-eu mae: “Nawr-aq, yovtaq-euq sanqbof teuyov yur-awr, Jmq diqtaq-euq gheudzae-eu geux-eu mae. Aqjeq mirnae aernar-aq, nawr saef-euq gar yadaq-awr, Nawq-euq shiq nae yawqjeq navluf-euq arjeuq arca, dawqngaeq dawqbav, tsawrhaq hawr-eu tsawrjeuq tsawrca-anr, kakhof-awr Miqyaer-anr bi gawflar naeqlaf-euq mae.

Jaceuq 22:27

Mirtsaq-euq mirdzer yawqdzer navluf, Ya’we Miqyaer-anr noeqkeuv lar-awr, aqyawf jawr-eu paw ghofkhoflar taef-a. Mirkhanq-euq tsawrjeuq-euq zawfjir dawqtawvluf khawf, nawq-euq maeqshi uqduq tanqlar taef-a.

Panmaeq 7:12

aer-eu, “Aqmeq. Jaceuq-eu jeq hawr-eu yawshaef khanqsaer, Zaqsiq tsawrganr hawr-eu guiqlanq-anr jaceuq-eu jeq, Taqhuiq taqmanr-eu jeq, baoq hawr-eu ghaq dawqtawvluf, Mqmaq maqbyav yarzir, aqdui-euq Miqyaer-anr of luf-ur. Aqmeq.”

Panmaeq 5:13

Khoernar-aq, ngar, mq-euq khoertav hawr-eu mirtsaq-euq khoertav, mirtsaq-euq dawqdan hawr-eu iqmalavshav-euq lafkhoer, khardaef kharjawr-eu jeq, heulof-aer aer-eu gar yagaq-euq ma, “Jaceuq-eu jeq hawr-eu taqhuiq taqmanr-eu jeq, Yawshaef khanqsaer hawr-eu baoq dawqtawvluf, Li-eu maqbawni, nuirmanq-anr nuirluf-eu ghaq-anr hawr-eu Yawrzaq-anr of luf-ur.”

Panmaeq 19:6

Khoeruqtaf, ngar, tsawrhaq armaf mafma-euq tersar lof-aer dur-awr, lawrgawv gawvma-euq tersar hawr-eu mqjeq yawkhav-aer jeq-eu tersar lof-aer khawf dur-eu tersar heulof-aer aer-eu gar yagaq-euq ma, “Haleluya! Baoq huiq duidui-eu Sanqpaq Miqyaer uvlanrluf mae.

Panmaeq 14:7

Aqyawf, tersar yawkhav khav-aer aer-eu, “Miqyaer-anr guv-awr, aqyawf-anr ciqhuiq ciqmanr-awq. Aqjeq mirnae aernar-aq, aqyawf yarkhaq dar-eu aryamq keuvle-euq mae. Mq hawr-eu mir, iqmalavshav hawr-eu ircuf irbyoe deuq-anr bae-euq ghaq-anr uqduq tanq-awq.”

1 Beˬtuˆluˆ 5:11

Yawshaef khanqsaer hawr-eu uvlanr-eu baoq dawqtawvluf, arsaq saq-eu maqbawni aqyawf-euq mae. Aqmeq.

Luˇkaꞈ 2:14

“Gor duidui-eu gar jawr-eu Miqyaer-euq yawshaef khanqsaer huiq luf-ur! Mirtsaq-euq khoertav, aqyawf nuikhanr shir-eu tsawrhaq deuq nuisar of luf-ur!”