Jaceuq 96:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Aqjeq mirnae aernar-aq, aqyawf oeluf-eu mae. Aqjeq mirnae aernar-aq, aqyawf, mirtsaq-anr yarkhaq dar-eu laer oeluf-eu mae. Aqyawf, mirtsaq tanqkhawr-anr tsaq-awr dawr-eu lafkhoer yarkhaq dar-awr; Tsawrhaqzaq-anr aqyawf-euq yawtsaq yawdawr nae dar taef-a.

Akha

¹³ Sahˬpaˬ Miˬyehˇ miˇ tsaˬ-ahˇ uˆ lahˇ le ngeh, kʼoeˇ loꞈ-ehˇ guˇ tehꞈ-a. Miˇ tsaˬ zaˬ dawˬ tawˆ luꞈ-ahˇ yaw tsaˬ yaw dawˇ laꞈ kʼoeˇ uˆ lahˇ-awˇ, dawˇ coe ni yaˇ kʼaˬ daˇ nehˬ tehꞈ-a.

Jaceuq 96:13 Referans Kwoze

Panmaeq 19:11

Ngar, mq pantaq-euq gar ya’mawr-awr hawghaelef ngae, manq manqpyur tiq mawr jawr-awr, manq-anr dziqluf-eu ghaq-aq, sarjax zif-awr, tsaq duidui-eu ghaq laer kur-eu mae. Aqyawf-aq, tsaq-awr dawr-eu lafkhoer yarkhaq dar-awr, guirdeuv deuv-eu mae.

2 Tiˆmoˇseˬ 4:8

Nymq-mr tsaq-awr dawr-eu uqdzanq ngaq-euq gharduq laeqhmq taq-euq mae. Arnan khoernan keuvle ngae, tsaq-awr dawr-eu lafkhoer yarkhaq dar-eu ghaq pyeuf-eu Sanqpaq Yeqsur-aq, uqkhov khoersiq ngaq-anr bifnaeqlaf taef-a. Ngaq-anr taef-aer maqngeur-eu aqyawf zafka le-eu gar gaq-eu tsawrhaq yawqghaq navluf-anr khawf bifnaeq taef-a.

Tiˇtuˆ 2:13

Aqdui-euq huiqdui manr duidui-eu Miqyaer pyeuf-eu, Kakhof-eu ghaq Yeqsur Kali-euq yawshaef khanqsaer dovle-eu gar, aqdui laqkhaq caertavni noeqtmq luf-eu ma.

Jaceuq 98:9

Aqjeq mirnae aernar-aq, aqyawf, mirtsaq-anr yarkhaq dar-eu laer oeluf-eu mae. Aqyawf, mirtsaq tanqkhawr-anr tsaq-awr dawr-eu lafkhoer dar-awr, Tsawrhaqzaq-anr tiqkawv dini dar taef-a.

Jaceuq 96:10

Tsawrjeuq tsawrca deuq-euq ghanrcae heulof-aer aer-awq, “Ya’we Miqyaer uvlanrluf mae. Mirtsaq tanqkhawr khawf, maq jivlar paq-aer zifdanni lavzif taq-awr; Aqyawf, tsawrhaqzaq-anr tsaq-awr dawr-eu lafkhoer yarkhaqdar taef-a.”

Jaceuq 67:4

Nawr, mirtsaq-euq khoertav jawr-eu tsawrjeuq tsawrca-anr uvlanr-awr, Tsaq-awr dawr-eu lafkhoer tsawrhaqzaq-anr yarkhaq dar-eu mirnae, Tsawrjeuq tsawrca deuq laqkhaq caer-eu cardawq car-awr lurgha caergha luf-ur. Sela.

Panmaeq 22:10

Khoernar-aq, aqyawf, ngaq-anr aernaeq laf-eu, “Sanqbof heudmq-euq lafkhoer boftaq-euq, Miqyaer gharduq ngaeqdan-eu dawq heudeuq-anr jmq taqdiq. Aqjeq mirnae aernar-aq, aryamq paelar-euq mae.

Panmaeq 11:18

Mirkhanq-euq tsawrjeuq nuima paerlar-awr, Nawq-euq nuima paer-eu jeq khawf keuvle-euq mae. Shir-euq tsawrhaq deuq-anr yarkhaq dar-eu aryamq khawf keuvle-euq mae. Nawq-euq ghaqzaq ghaqkhaer pyeuf-eu, Miqyaer gharduq ngaeqdan-eu tsawrhaq deuq hawr-eu, Nawq-euq tsawrmyanr-anr yawzeu baw-eu huiqzaq nyirzaq dawqtawv luf-anr mrpoeq lafsawq bif-eu aryamq keuvle-euq mae. Mirtsaq-anr lavcawv-eu deuq-anr nawr lavcawv-eu aryamq khawf keuvle-euq mae.”

2 Teˇsaˬloˇni 1:10

Khoerngae nan, Sanqpaq Yeqsur zafka le-awr, aqyawf-euq tsawrshawr deuq, aqyawf-anr ciqhuiq ciqmanr-awr, aqyawf-anr jan-eu tsawrhaq dawqtawvluf, aqyawf-anr jaceuq taef-a. Aqjeq mirnae aernar-aq, nga’maf nae nawmaf-euq ghanrcae sarkir kamq-euq gar nawmaf jan-eu mae.

Jaceuq 7:9

Tsawrcawv-euq yawdoer jeq arsaq bisaq-awr, Dawr-awr tsaq-eu deuq-anr lavzif naeq-awq. Aqjeq mirnae aernar-aq, tsaq-awr dawr-eu Miqyaer-aq, nuima hawr-eu nuinoeq-anr tsermr haw-eu mae.

Jaceuq 50:3

Aqdui-euq Miqyaer oe taef-a, ciqcurni maq jawrbyov-ar. Aqyawf-euq maeqshi miqdzaq dofnyaev taq-awr, Aqyawf-euq tiqjawq, jaqlaer laerma yawkhav-aer baw-eu mae.