Jaceuq 96:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Tsawrjeuq tsawrca deuq-euq ghanrcae heulof-aer aer-awq, “Ya’we Miqyaer uvlanrluf mae. Mirtsaq tanqkhawr khawf, maq jivlar paq-aer zifdanni lavzif taq-awr; Aqyawf, tsawrhaqzaq-anr tsaq-awr dawr-eu lafkhoer yarkhaqdar taef-a.”

Akha

¹⁰ Sahˬpaˬ Miˬyehˇ uˆ lahˇ luꞈ-eu gaˇ kawˆ, miˇ tsaˬ tahˬ kʼawˇ-ahˇ aˬ yawꞈ ziꞈ dah ni ciˬ tsaˬ taˬ-awˇ, maˬ luˆ laˇ nya-eu gaˇ kawˆ hawˇ-eu, tsawˇ haˬ zaˬ-ahˇ aˬ yawꞈ dawˇ coe ni yaˇ kʼaˬ daˇ-eu gaˇ kawˆ deuˬ, tsawˇ jeuˬ dawˬ tawˆ luꞈ-ahˇ ja mehˬ nehˬ-awˬ.

Jaceuq 96:10 Referans Kwoze

Jaceuq 93:1

Ya’we Miqyaer uvlanrluf mae. Aqyawf-aq, yawbya jaqlaq dmluf-eu mae. Ya’we Miqyaer-aq, aqyawf-euq ghaq maeqtsoeq lof-aer dmdav-awr, Jofpaf paftaq-euq mae. Yawduq bawni, mqmir-aq, lavzif taq-euq mirnae maq lavluv nya-a.

Jaceuq 67:4

Nawr, mirtsaq-euq khoertav jawr-eu tsawrjeuq tsawrca-anr uvlanr-awr, Tsaq-awr dawr-eu lafkhoer tsawrhaqzaq-anr yarkhaq dar-eu mirnae, Tsawrjeuq tsawrca deuq laqkhaq caer-eu cardawq car-awr lurgha caergha luf-ur. Sela.

Jaceuq 9:8

Aqyawf, mirtsaqzaq-anr tsaq-awr dawr-eu lafkhoer yarkhaq dar-awr, Tsawrhaqzaq-anr yarkhaqdar ngae, aqyawf dawrcoeni dar-eu mae.

Gʼaˬkʼehˇ 17:31

Aqjeq mirnae aernar-aq, aqyawf nae aryaq biftaq-euq ghaq-anr ghoe-awr, mirtsaqzaq-anr tsaq-awr dawr-eu lafkhoer aqyawf yarkhaq dar-eu laer nanpax paxtaq-euq mae. Aqyawf-anr shir-euq gar nae bi ghofdaef lar-euq gar ghoe-awr, Miqyaer nae khoerghaq-anr aryaq biftaq-euq mae laer tsawrhaqzaq dawqtawv luf-anr yawduq baw-eu jeq bifnaeq-euq mae.”

Jaceuq 98:9

Aqjeq mirnae aernar-aq, aqyawf, mirtsaq-anr yarkhaq dar-eu laer oeluf-eu mae. Aqyawf, mirtsaq tanqkhawr-anr tsaq-awr dawr-eu lafkhoer dar-awr, Tsawrhaqzaq-anr tiqkawv dini dar taef-a.

Panmaeq 19:11

Ngar, mq pantaq-euq gar ya’mawr-awr hawghaelef ngae, manq manqpyur tiq mawr jawr-awr, manq-anr dziqluf-eu ghaq-aq, sarjax zif-awr, tsaq duidui-eu ghaq laer kur-eu mae. Aqyawf-aq, tsaq-awr dawr-eu lafkhoer yarkhaq dar-awr, guirdeuv deuv-eu mae.

Panmaeq 19:6

Khoeruqtaf, ngar, tsawrhaq armaf mafma-euq tersar lof-aer dur-awr, lawrgawv gawvma-euq tersar hawr-eu mqjeq yawkhav-aer jeq-eu tersar lof-aer khawf dur-eu tersar heulof-aer aer-eu gar yagaq-euq ma, “Haleluya! Baoq huiq duidui-eu Sanqpaq Miqyaer uvlanrluf mae.

Panmaeq 11:15

Khoernar-aq, mqtav ghaqkhaer shif ghaq tiqghaq darhae baw ngae, mq-euq khoertav ghawqmya jeq-euq tersar yawkhav-aer aer-eu, “Mirtsaq-anr uvlanr-eu baoq-aq, aqdui-euq Sanqpaq Miqyaer hawr-eu aqyawf-euq Kali-euq pyeuflar-euq mae. Aqyawf mqmaq maqbyav yarzir uvlanr taef-a.”

HeˬByehˇ 1:3

Aqyawf-aq, Miqyaer-euq yawshaef khanqsaer-euq yawshaef pyeuf-awr, Miqyaer-euq shaevdzeuf byan-eu ghaq pyeuf-eu mae. Aqyawf, aqyawf-euq baoq anr-eu dawq-anr ghoe-awr, dawqtawv luf-anr hawlanr lavsav luf-eu mae. Aqyawf, aqyawf-euq mawrdo nae aqdui-euq iqbax-anr tsiqshawr ghaq-awr, yawgor-anr khanqsaer huiq-eu Ghaq-euq armar paw nuirluf-eu mae.

Gaˬlaˬtiˆ 1:16

aqyawf-euq Zaqyo-euq garkawv aqcawq tsawrjeuq tsawrca-anr dawqmaeq bimaeq-ir-eu, aqyawf nuima tsaq-eu lof-aer aqyawf-euq Zaqyo-euq garkawv, ngaq-euq nuima-euq lafkhoer panmaeq naeqlaf-euq mae. Khoerngae, shiqshaq piluf-eu tiqghaq naeq-aer-iq ngar maq bawqdzaq-aq.

Jaceuq 126:2

Khoermirnae, aqdui-euq maeqlar dawqcar car-awr, Aqdui-euq khaqmae tiqbyanni, maq naqler-aer uir-euq ma. Khoerngae, mirkhanq tsawrjeuq deuq aer-eu, “Ya’we Miqyaer nae, aqyawf maf-euq gharduq huiq-eu jeq mr-euq ngar-a.”

Jaceuq 96:13

Aqjeq mirnae aernar-aq, aqyawf oeluf-eu mae. Aqjeq mirnae aernar-aq, aqyawf, mirtsaq-anr yarkhaq dar-eu laer oeluf-eu mae. Aqyawf, mirtsaq tanqkhawr-anr tsaq-awr dawr-eu lafkhoer yarkhaq dar-awr; Tsawrhaqzaq-anr aqyawf-euq yawtsaq yawdawr nae dar taef-a.

Jaceuq 58:11

Khoer-euq baqda’nae, tsawrhaqzaq heulof-aer aer taef-a, “Tsaq-awr dawr-eu tsawrhaq deuq-euq gharduq, aqdir mrpoeq lafsawq jav-eu ngar-a; Mirtsaq tanqkhawr-anr yarkhaq dar-eu Miqyaer aqdir jawr-eu ngar-a.”

Jaceuq 46:10

Ciqcurni jawr-awr, ngar-aq, Miqyaer nga laer siqnya-awq; Tsawrjeuq tsawrca deuq, ngaq-anr ciqpoeq ciqgor taef-a; Mirtsaq-euq khoertav ngaq-anr ciqpoeq ciqgor taef-a.

Jaceuq 18:49

Khoermirnae, Ya’we Miqyaer-or! Ngar, nawq-anr guiqlanqhuiq ma laer aer-eu ma; Mirkhanq tsawrjeuq deuq-euq ghanrcae, Nawq-euq tsawrmyanr-anr car-awr jaceuq-eu ma.

Gawˇlawˇsehˇ 2:7

Nawmaf, aqyawf-euq lafkhoer duqcir ka’naf ghae-awr, tsovgordav lef-awq. Guiqlanq-anr jaceuq-eu jeq byankhar luf-eu lafkhoer, nawmaf nae yadzaw-euq lof-aer, jan-eu jeq-euq lafkhoer zifdanni jawr-awq.

Jaceuq 59:13

Nuima paer-eu lafkhoer aqyawf maf-anr puivdzaqjir naeq-awq; Aqyawf maf-anr maqbi dzerlarni puivdzaqjir naeq-awq. Khoerngae, Miqyaer-aq, Yaqkov-anr mqdzer mirdzer-anr keuvni uvlanr luf-eu nga laer aqyawf maf-anr bi siqnya-awq. Sela.

Maꞈtehˬ 3:2

“Noeqpov noeqpar-awq. Aqjeq mirnae aernar-aq, mqtav mirkhanq keuvle shaw-iq mae.”

Jaceuq 46:6

Tsawrjeuq tsawrca deuq tsawqzur lar-awr, mirkhanq deuq nyaenyae-aer ghaelar taq-euq mae. Miqyaer, aqyawf-euq tersar ngaeqdovlef ngae, mirtsaq tanqkhawr guir-ir-eu mae.

Jaceuq 7:9

Tsawrcawv-euq yawdoer jeq arsaq bisaq-awr, Dawr-awr tsaq-eu deuq-anr lavzif naeq-awq. Aqjeq mirnae aernar-aq, tsaq-awr dawr-eu Miqyaer-aq, nuima hawr-eu nuinoeq-anr tsermr haw-eu mae.

Jaceuq 9:9

Ya’we Miqyaer-aq, bikhaeq bikhav-euq deuq-euq gharduq, caevzafduq khawf pyeuf-awr, Shaq-awr zanq-eu jeq keuvle-eu yamq-anr, caevzafler nya-eu mae.