Jaceuq 95:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aqjeq mirnae aernar-aq, aqyawf-aq, aqdui-euq Miqyaer mae. Aqdui-aq, aqyawf-euq daega-anr jawrluf-eu tsawrhaq pyeuf-awr, Aqyawf-euq aqlaf-euq yawrmaf ma. Iqnan, nawmaf, aqyawf-euq tersar-anr yagaq-euq ngeur nar-aq.

Akha

⁷ Aˬ yawꞈ-aˬ, aˬ dui-euˬ Miˬyehˇ meh. Aˬ dui-aˬ, aˬ yawꞈ haw piˇ luꞈ-eu tsawˇ haˬ deuˬ pyeuꞈ-awˇ, aˬ yawꞈ bi dzaˬ bi dawˇ luꞈ-eu yawˇ yawˇ maꞈ ma. Iˬ nah aˬ yawꞈ ehˇ gaˇ naˇ haˬ sheˇ.

Jaceuq 95:7 Referans Kwoze

HeˬByehˇ 4:7

Khoermirnae, “Iqnan” laer aernya-eu arnan tiq nan-euq gharduq, Miqyaer nae nanpax paxtaq-euq khoer, aryamq myanrlar ngae, Daqbir-anr ghoe-awr heulof-aer aertaq-euq mae, “Iqnan, nawmaf, aqyawf-euq tersar-anr yagaq-euq ngeur nar-aq, nuima taqghanr.” (Jc 95:7-8)

HeˬByehˇ 3:15

Yaerbof aer-eu, “Iqnan, nawmaf, aqyawf-euq tersar-anr yagaq-euq ngeur nar-aq, Aqyawf-anr puiq ngae lof-aer nawmaf-euq nuima taqghanr.” (Jc 95:7-8)

Panmaeq 3:20

Narhaq sher-eq, ngar larghov-anr yawf-awr khovluf ma. Aqsur ghaq maqkaq, ngaq-euq tersar gaq-awr, larghov pannaeqlaf nar-aq, ngar, aqyawf jawr-eu gar urler-awr, ngar, aqyawf naeq-aer dzaqtaf dawrtaf ma. Aqyawf khawf ngaq naeq-aer dzaqtaf dawrtaf taef-a.

Jaceuq 48:14

Aqjeq mirnae aernar-aq, Miqyaer heughaq-aq, Li-eu maqbawni, mqmaq maqbyav yarzir aqdui-euq Miqyaer pyeuf-eu mae. Aqyawf, aqdui-anr shir ngae keuvni sheuqghae naeqlaf taef-a.

1 Beˬtuˆluˆ 2:25

Yawbae, nawmaf-aq, garbanq banq-euq yawr-anr dur-eu mae. Aerkhawf, nymq-mr nawmaf-aq, nawmaf-euq nuima saflar-anr hawpir-eu ghaq hawr-eu yawr bo-eu ghaq jawr-eu gar ghofkhof lar-euq mae.

Jaceuq 74:1

Miqyaer-or! Aqjeq mirnae nawr, nga’maf-anr li-eu maqbawni taedzae naeqlaf-eu le? Aqjeq mirnae, nawr, nawq-euq daega-euq yawrmaf-anr nuima paersaef-eu le?

Gʼaˬkʼehˇ 20:28

Yawshawr Saflar, nawmaf-anr armaf-euq lafkhoer nae tserdov-awr aqyuif aqtsu bigeuf-euq mirnae, nawmaf yawqhar yawqha yanryanr-aer daef-awr, armaf maflan-euq gharduq khawf yanr-awq. Aqyawf-euq shiq nae zeurkhof taq-euq Sanqpaq Miqyaer-euq Kalizaq armur-anr bosav-awq.

Jaceuq 23:1

Ya’we Miqyaer, ngaq-anr yawr bo-eu lof-aer, bosav luf-eu mae; Ngar tiqjeq-iq maqnym.

HeˬByehˇ 11:16

Aerkhawf, nymq-mr aqyawfmaf geufmawf-eu mirkhanq-aq, khoernav maqtser muiqdzaeq-eu mq-euq khoertav jav-eu mirkhanq mae. Khoermirnae, tsawrhaq khoerdeuq, Miqyaer-anr aqyawf maf-euq Miqyaer ma laer aer-eu gar Miqyaer maq shafdawr-a. Aqjeq mirnae aernar-aq, Miqyaer, aqyawf maf-euq gharduq meuq tiq meuq laeqhmq taq-euq mae.

HeˬByehˇ 3:13

Nawmaf-euq lafkhoer tiqghaq-iq iqbax maershuir shuir-eu baqda’nae nuima maqya ghanr-ir ni, “Iqnan” laer kur-eu aryamq-euq lafkhoer, nan-anr nae tiqghaq tirghaq, ghaq bif-awq.

Maꞈtehˬ 17:5

Beqtuvluv, dawq ngaeqluf ngae, yawshaef bya-eu mqdmr tiq tsanq aqyawf maf-anr uvtaeq le-awr, mqdmr-anr nae dawq ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma. Nawmaf, aqyawf-euq dawq narhaq geuf-awq.”

Jaceuq 115:3

Aerkhawf, aqdui-euq Miqyaer-aq, mq-euq khoertav jawr-awr; Aqyawf nuikhanr shir-eu jeq mr-eu mae.

Jaceuq 79:13

Khoerngae, nawq-euq daega-anr jawr-eu yawr, Nawq-euq tsawrhaq pyeuf-eu nga’maf, Nawq-euq guiqlanq-anr li-eu maqbawni jaceuq-awr, Yawqzir navluf nawq-anr jaceuq-eu jeq bi mawryaf ma.

Jaceuq 100:3

Ya’we Miqyaer-aq, Miqyaer mae laer siqnya-awq. Aqdui, yawqhar yawqha bae-euq maqngeur, Aqdui-anr bae-euq ghaq-aq, aqyawf mae. Aqdui-aq, aqyawf-euq tsawrhaq hawr-eu, Aqyawf-euq daega-anr jawr-eu yawr pyeuf-eu ma.

Jaceuq 67:6

Khoernar-aq, mirtsaq tanqkhawr dzaqla ghovcaer bi keuvle-eu mae. Aqdui-euq Miqyaer pyeuf-eu Miqyaer, aqdui-anr guiqlanq bifnaeqlaf taef-a.

Dawqdaq 8:6

Narhaq sher-eq! Aqjeq mirnae aernar-aq, Ngar poeq duidui-eu jeq ngaeq-eu laer ghae-awr, Ngaq-euq maeqluq ghawrnga ngae, Dawrcoeni ghae-eu jeq dovle taef-a.