Jaceuq 95:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Lar-awq, aqdui awbyav-awr uqduqtanq kar-eur; Aqdui-anr bae-euq ghaq pyeuf-eu Ya’we Miqyaer-euq maeqshi, Pawqtsuif pawqdmqdmq kar-eur.

Akha

⁶ Laˇ-awˬ. Aˬ dui dawˬ tawˆ luꞈ awˆ byaˆ-awˇ, aˬ yawꞈ-ahˇ uˬ duˬ tahˬ kaˇ-euˇ. Aˬ dui-ahˇ beh-euˬ yaw sahˇ Sahˬpaˬ Miˬyehˇ mehˬ shi, pawˬ tsuiꞈ pawˬ dmˬ dmˬ kaˇ-euˇ.

Jaceuq 95:6 Referans Kwoze

Piˇliˇpiˆ 2:10

Mq-euq khoertav, mirtsaq-euq khoertav hawr-eu mirtsaq-euq dawqdan khardaef kharjawr-eu jeq, Yeqsur-euq tsawrmyanr-anr yawqghaq navluf pawqtsuif pawqdmq yadmq taef-a.

Jaceuq 100:3

Ya’we Miqyaer-aq, Miqyaer mae laer siqnya-awq. Aqdui, yawqhar yawqha bae-euq maqngeur, Aqdui-anr bae-euq ghaq-aq, aqyawf mae. Aqdui-aq, aqyawf-euq tsawrhaq hawr-eu, Aqyawf-euq daega-anr jawr-eu yawr pyeuf-eu ma.

Jaceuq 95:1

Lar-awq, aqdui, Ya’we Miqyaer-anr carnaeq ma. Aqdui-anr bibuq-ir naeqlaf-eu logur-anr laqkhaq caertavni gurgaq ma.

Eˇpeˇsu 3:14

Garkawv heudeuq-euq baqda’nae, ngar, aqdui-euq Sanqpaq Yeqsur Kali-euq Aqda Miqyaer-euq maeqshi, pawqtsuif pawqdmq dmq-awr guiqlanq sharluf-eu ma.

1 Gawˇliˬtu 6:20

Aqjeq mirnae aernar-aq, arpoeq bif-awr nawmaf-anr zeurtsaev taq-euq mae. Khoermirnae, Miqyaer-euq pyeuf-eu nawmaf-euq mawrdo hawr-eu saflar-anr nae, Miqyaer-euq yawshaef khanqsaer bi dovlar-awq.

Luˇkaꞈ 22:41

Khoernar-aq, aqyawf, aqyawfmaf jawr-eu gar nae khaqlo darbiq tiq biq kaq-eu gar ir-awr, pawqtsuif pawqdmq dmq-awr guiqlanq shar-eu lafkhoer aer-eu,

1 Beˬtuˆluˆ 4:19

Miqyaer nuima tsaq-eu mirnae shaqzanq daqluf-eu tsawrhaq deuq, sarjax zif-eu mqmir bae-euq Yawsanr ghaq-anr nuima saflar a’naeq-awr, yawmuiq jeq mr-awq.

Yoˇhaˬ 1:3

Yawqjeq navluf, aqyawf-anr ghoe-awr baetaq-euq mae. Khar baetaq-euq yawqjeq navluf-euq lafkhoer, aqyawf-anr maqghoeni baetaq-euq tiqjeq-iq maqjav-a.

Panmaeq 22:17

Khoerngae, muiq-eu Saflar hawr-eu miqshuif aer-eu, “Lar-awq.” Yagaq-euq tsawrhaq deuq khawf, “Lar-awq” laer kur-awq. Ircuf maef-eu tsawrhaq deuq khawf lar-awq. Khar dawrmawf-eu tsawrhaq yawqghaq navluf daef-eu jeq bif-eu ircuf yawqngaef-aer dawrlar-awq.

Gʼaˬkʼehˇ 21:5

Khoergar jawr-eu arsaq saqlar ngae nan, nga’maf ghawq-awr maeqhu paw irghae-euq ma. Aqyawfmaf hawr-eu aqyawf maf-euq zaqmiqzaq deuq hawr-eu zaqdeuq dawqtawvluf khawf, meuq-euq meuqdzer keuvni nga’maf-anr sheuqha le-euq mae. Nga’maf iqmalavshav-euq lawrdzer-anr pawqtsuif pawqdmq dmq-awr guiqlanq shar-euq ma.

Jaceuq 72:9

Bawrtsanq bawrdanr-anr jawr-eu tsawrhaq deuq, aqyawf-euq maeqshi awbyav-awr; Aqyawf-anr muir-eu deuq-aq, khaqlaer-anr ya’myeuf taef-a.

Gʼaˬkʼehˇ 7:60

Khoernar-aq, aqyawf pawqtsuif pawqdmq dmq-awr tersar yawkhav-aer aer-eu, “Sanqpaq Miqyaer-or! Iqbax heu aqyawf maf-euq khoertav taqbi jav.” Aqyawf khoerlof-aer aerghaq-awr yufkhav-euq mae.

Maˬkuˆ 14:35

Khoernar-aq, aqyawf maeqhu paw uicuiv par lejiv-awr, mirtsa awbyav-awr nae, ghaenya nar-aq, aryamq khoer aqyawf-anr nae bidzeur-ir laf laer guiqlanq shar-euq mae.

Maꞈtehˬ 4:2

Aqyawf 40 nan 40 mir byanni dzardzaq sheuq-euq nar-aq, hawq maeflar-euq mae.

Jaceuq 149:2

Aqyawf maf-anr bae-euq ghaq-euq lafkhoer, Irsaqleqlav laqkhaq bicaer luf-ur; Aqyawf maf-euq sanqpaq-euq baqda’nae, Ziroq-euq zaqdeuq bi lurgha bi caergha luf-ur.

Panmaeq 22:8

Ngar-aq, Yorhaq ma. Ngar garkawv heudeuq-anr yagaq-awr ya’mawr-euq ma. Ngar garkawv heudeuq-anr yagaq-awr ya mawrghaq ngae, ngaq-anr bi hawmawr naeqlaf-euq mqtav ghaqkhaer khoerghaq-anr uqduq tanq-eu laer, aqyawf-euq aqkuir-euq dawqpae awbyav-euq ma.

Gʼaˬkʼehˇ 20:36

Khoerngae, Pawrluv khoerlof-aer aerghaq-awr, pawqtsuif pawqdmq dmq-awr nae, aqyawfmaf dawqtawvluf naeq-aer guiqlanq shar-euq mae.

Maꞈtehˬ 4:9

aqyawf, Yeqsur-anr aernaeq-eu, “Nawr pawqtsuif pawqdmq dmq-awr ngaq-anr uqduqtanq nar-aq, heudeuq dawqtawvluf ngar, nawq-anr bifnaeq ma.”

Jaceuq 119:73

Nawq-euq aqlaf nae, ngaq-anr bae-awr taevmuiq naeqlaf-euq mae. Ngar, nawq-euq zanrdawq khofdawq-anr dzawgeuf nya’ni, ngaq-anr ghovshaw nya-eu jeq bifnaeq laf-awq.

Jaceuq 139:13

Aqjeq mirnae aernar-aq, ngaq-euq lafkhoer anr-eu jeq-aq, nawq nae shaev-awr, Ngar, ngaqma-euq uqmav-euq lafkhoer jawr ngae, Nawr, ngaq-anr dzeuf-euq mae.