Jaceuq 94:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqdui-anr naqbawr baetsof naeqlaf-euq ghaq maq gaqnya-eu la lor? Aqdui-anr myavnuiv baetsof naeqlaf-euq ghaq maq mawrnya-eu la laq?

Akha

⁹ Aˬ dui-ahˇ naˬ bawˇ beh tsoꞈ nehˬ laꞈ-euˬ Miˬyehˇ maˬ gaˬ nya taˬ loˇ. Aˬ dui-ahˇ myaˆ nuiˆ beh dahˇ nehˬ laꞈ-euˬ gʼaˬ maˬ mawˇ nya ta loˇ.

Jaceuq 94:9 Referans Kwoze

Dawqdaq 20:12

Gaqnya-eu naqbawr hawr-eu mawrnya-eu myavnuiv, Heu nyiq jeq luf, Ya’we Miqyaer nae bae-euq mae.

Jaceuq 44:21

Miqyaer maq hawmawr-aer jav taef-a laq? Aqjeq mirnae aernar-aq, aqyawf nuima-euq lafkhoer zaftaq-euq jeq khawf siqnya-eu mae.

Jaceuq 11:4

Ya’we Miqyaer-aq, aqyawf-euq shawr-eu uqduq tanqnymr nymrma-euq lafkhoer jawrluf-eu mae. Ya’we Miqyaer-euq nuirmanq-aq, mqtav mirkhanq-anr jav-awr, Aqyawf-euq myavnuiv hawluf-eu lafkhoer, Aqyawf-euq myavnuiv khovtaev tsawrhaq-euq zaqyo-anr tsermr luf-eu mae.

Jaceuq 17:3

Nawr, ngaq-euq nuima-anr pyaevtserhaw ngae, Uqcif paw ngar jawr-eu gar oe-awr, Ngaq-anr tsermrhaw ngae, maqtsaq-eu jeq anr-eu maqmawr-aq. Ngar, ngaq-euq khaqmae nae yawbanq yawlaeq jeq maqngaeq laer noeqtsov taq-euq ma.

Dawqdaq 20:1

Jirbaq-aq, aqjaf bi dovlar-awr, Dawryaef-eu jeq-aq, ngaeqdzaq-eu jeq bi dovlar-eu mae. Tsawrganr maqanr-eu tsawrhaq-aq, Jirbaq nae bi sheuqbanq ghae-eu mae.

Jaceuq 34:16

Ya’we Miqyaer-euq myavpyawq-aq, yawdoer jeq mr-eu deuq-anr lavtsoeq-awr, Mirtsaq-euq khoertav aqyawf maf-anr maqbi noeqkeuvni deuvtsaev dzae-eu mae.

1 Gawˇliˬtu 12:17

Mawrdo dolan-aer myavnuiv taef law nar-aq, tersar aqjeq nae narhaq-eu? Mawrdo dolan-aer naqbawr taef law nar-aq, yawsaf aqjeq nae baeflaf-eu?