Jaceuq 94:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Tsawrhaqzaq-euq ghanrcae nuinoeq maqbaw-eu deuq-or! Ghovshaw lar-awq. Aqdzawq argan deuq-or! Nawmaf aqmyan ganrlar-eu laer ghae-eu le?

Akha

⁸ Ngaˬ-euˬ tsawˇ haˬ deuˬ-oˇ, naw maꞈ aˇ naˆ naˆ-ehˇ laꞈ-i te. Aˬ myah siˬ laˇ gahˇ laˇ-eu gʼeh te.

Jaceuq 94:8 Referans Kwoze

Jaceuq 92:6

Nuinoeq maqbaw-eu tsawrhaq-aq, maq siqnya-aer; Aqdzawq argan-aq, maq ghovshaw nya-a.

Tiˇtuˆ 3:3

Aqjeq mirnae aernar-aq, dzeurlaf ngae aqdui khawf, aqdzawq argan gan-awr, aerdawq maq narhaq-eu uqtaf, maershuir-anr tawvler-awr, nuikhanr hawr-eu lurgha caergha-eu ghawqmya jeq-euq zaqkhav geuf-euq, muir-eu hawr-eu myavnav nav-eu lafkhoer daef-awr, aqcawq, aqdui-anr byae-eu uqtaf, aqdui khawf tiqghaq tirghaq byae-euq ma.

Jaceuq 49:10

Aqdzawq argan hawr-eu dawrga deuq zir jir-eu lof-aer, Tsawrganr anr-eu deuq khawf shir-awr, yawqha-euq pyurshuir myawqganq, Aqcawq-anr taqyaf-eu gar, aqyawf mawrluf-eu mae.

Lormav 3:11

Ghovshaw nya-eu tsawrhaq tiqghaq-iq maqjawr-aer, Miqyaer-anr sharpov-eu tsawrhaq khawf tiq ghaq taef-aer khawf maqjawr-a.

Dawqdaq 12:1

Maeqdawq tsovdawq-anr gaq-eu tsawrhaq-aq, Siqnya-eu tsawrganr-anr gaq-eu mae. Aerkhawf, maeqpar-eu jeq-anr byae-eu tsawrhaq-aq, Yawlaf dawrga mae.

Dawqdaq 8:5

Maqdzaw-euq zaqdeuq-or! Noeqdanr doenya lar-awq. Aqdzawq argan deuq-or! Nuima ghovshawnya lar-awq.

Jaceuq 73:22

Ngar-aq, tiqjeq-iq maq siqnya-eu dawrga lof-aer pyeuf-ir-awr; Nawq-euq maeqshi, jeqzaq tiq mawr lof-aer pyeuf-ir-euq mir-a.

Dawqdaq 1:22

“Maqdzaw-euq zaqdeuq-or! Aqmyan keuvni maqsiq maqnya-eu jeq-anr gaq-eu laer ghae-eu le? Aqjaf jaf-eu deuq khawf, aqmyan keuvni aqjaf jaf-eu gar laqkhaq caer-awr, Aqdzawq argan deuq khawf, aqmyan keuvni siqnya-eu tsawrganr-anr byae-eu laer ghae-eu le?