Jaceuq 92:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Hawde-eq, Ya’we Miqyaer-or, Nawq-anr muir-eu deuq-anr hawde-eq! Nawq-anr muir-eu deuq yacawv-ir taef-a. Yawlaeq yawca jeq mr-eu deuq, dawqtawvluf yabi taebyavjir taef-a.

Akha

⁹ Nawˬ-ahˇ muiˇ-eu deuˬ ya shiˇ jiˇ-awˇ, haiˬ-eu tsawˇ haˬ dawˬ tawˆ luꞈ ya smˬ-iˇ jiˇ tehꞈ-a lehˇ nga maꞈ siˬ nya ma.

Jaceuq 92:9 Referans Kwoze

Jaceuq 37:20

Aerkhawf, tsawrcawv-aq, yacawv-ir taef-a; Ya’we Miqyaer-anr muir-eu deuq-aq, Poqmuiq haw-euq aryaev lof-aer yabyov-ir-awr, Aqyawfmaf uqkhoeq lof-aer yabyov-ir jir taef-a.

Jaceuq 89:10

Nawr, bisaef-euq tiq ghaq-anr lof-aer, Laqhar-anr diqpav diqshavjir naeq-euq mae. Nawr, nawq-anr muir-eu deuq-anr, Nawq-euq ghaq khav-eu lafdu nae taebyavjir naeq-euq mae.

Luˇkaꞈ 21:24

Aqyawfmaf, micaer khaeq-anr yashir taef-a. Aqyawfmaf, mirkhanq yawqkhanq navluf-anr zaqkhav lof-aer yabi nyaefghae taef-a. Aqcawq tsawrjeuq tsawrca deuq, aqyawf maf-euq aryamq byanlar ngae keuvni, Yeqlursaqlaeq-anr nawqtaeqtaq taef-a.”

Luˇkaꞈ 19:27

Khoeruqtaf, ngaq-anr muir-awr, ngaq-anr aqyawf maf-euq khoertav maqbi uvlanr mawf-eu deuq-anr sheuqlaf-awr ngaq-euq maeqshi saef-awq.’ ”

Maꞈtehˬ 7:23

Khoerngae, ngar, aqyawf maf-anr heulof-aer aernaeq ma, ‘Zanrdawq-anr leur-eu jeq mr-eu tsawrhaq-or! Ngar, nawmaf-anr maq siqnya nya. Ngar jawr-eu gar nae dov-ir-awq.’

Jaceuq 73:27

Hawsher-eq, nawq-anr nae garmanr kaq-eu gar jawr-eu deuq yacawv-ir taef-a. Nawq-anr sarjax maqzif-aer khar byaerdzae-euq tsawrhaq dawqtawv luf-anr, Nawr lavcawv-eu mae.

Jaceuq 68:30

Artof yar-anr jawr-eu bawrtsanq-euq jeqzaq yawghae-anr lmqguv naeq-awr, Mawrnerzaq sheuq-awr can-eu mawrgaw baqmaf-anr dur-eu, Tsawrjeuq khoerdeuq-anr khawf lmqguv naeq-awq. Aqcawq-anr pyur tafdzaq mawf-eu deuq-anr aqkuir-euq uqmov nawqpyaev naeq-awr, Guirdeuv deuv-eu gar laqkhaq caer-eu tsawrhaq deuq-anr taebyav naeq-awq.

Jaceuq 59:11

Ngaqha-euq daeqdaqduq pyeuf-eu Sanqpaq Miqyaer-or! Aqyawf maf-anr taqsaef, ngaq-euq tsawrhaq, aqyawf maf-anr ngaer-eu baw-mr; Nawq-euq baoq nae, aqyawf maf-anr gheuka-awr taebyavjir naeq-awq.

Jaceuq 1:4

Tsawrcawv-aq, khoerlof-aer maqghae-aer, Jaqlaer nae yabi bawdzae ghae-eu khaqpuiq-anr dur-eu mae.

Jaceuq 97:9

Aqjeq mirnae aernar-aq, Ya’we Miqyaer-or, Nawr-aq, mirtsaq dawqtawv luf-euq khoertav gor duidui-eu ghaq mae. Nawr-aq, miqyaer dawqtawvluf navmaqtser, huiqdzaeq gordzaeq-eu mae.

Jaceuq 102:13

Nawr turlar-awr Ziroq-anr ghawqshaq gaqnaeq taef-a. Aqjeq mirnae aernar-aq, ghawqshaq gaq-eu aryamq tsaqlar-awr, Nanpax paxtaq-euq aryamq keuvlar-euq mae.

Jaceuq 102:25

Arhuba nae nawr, mirtsaq tanqkhawr-euq dawqpaeq duqpur ciqtsaq taq-awr; Mqdeuq khawf nawq-euq lafzar pyeuf-eu mae.