Jaceuq 92:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Ya’we Miqyaer-or! Nawq nae mr-euq gardeuq arnavni huiq-eu nga! Nawq-euq nuinoeq-aq naf duidui nga.

Akha

⁵ Sahˬpaˬ Miˬyehˇ-oˇ, nawˬ neh mˇ-euˬ gaˇ deuˬ aˇ naˆ ni huiˬ-eu nga. Nawˬ-euˬ nui noeˬ aˇ naˆ ni naꞈ-eu nga.

Jaceuq 92:5 Referans Kwoze

Jaceuq 40:5

Ngaq-euq Miqyaer pyeuf-eu Ya’we Miqyaer-or, Nawq nae mr-euq zanqler paq-aer muiq-eu jeq, Ghawqmya’ni myaq-eu mae. Nga’maf-euq gharduq, nawq-euq nuinoeq teu-aq, Tiqjeq sair tiqjeq gui ngae maq guijir coer-a. Ngar dzawr-awr ngaeq-eu lawnmr khawf, Ardzaeq-aer myaq-eu mirnae maq sawxdovjir coer-a.

Jaceuq 139:17

Miqyaer-or! Nawr, ngaq-euq gharduq sharnoeq naeqlaf-eu jeq poeq-eu gar nae-aq; Kharngeur-eu jeq sawxluiv ngae, arnavni huiq-eu nga!

1 Gawˇliˬtu 2:10

Miqyaer-aq, aqyawf-euq Saflar-anr ghoe-awr, heudeuq aqdui-anr panmaeq naeqlaf-euq mae. Aqjeq mirnae aernar-aq, muiq-eu Saflar-aq, yawqjeq navluf-anr povtser haw-awr, Miqyaer-anr taf-eu naf duidui-eu jeq-anr khawf povtser dov-eu mae.

Jaceuq 111:2

Ya’we Miqyaer nae mr-euq gardeuq-aq, huiq-awr manr-eu mae. Khoer-anr nuikhanr shir-eu tsawrhaq dawqtawvluf dzawsawx mr-eu mae.

Panmaeq 15:3

Aqyawfmaf, Miqyaer-euq ghaqzaq ghaqkhaer pyeuf-eu Morseq-euq cardawq hawr-eu Yawrzaq-euq cardawq heulof-aer car-eu mae: “Baoq huiq duidui-eu Sanqpaq Miqyaer-or! Nawq nae mr-awr shar-euq deuq-aq, huiq duidui-awr, zanqler paq-aer ghae-eu mae. Tsawrshawr deuq-euq Sanqpaq-or! Nawq-euq garma-aq, dawr-awr tsaq-eu hawr-eu tsaq-awr dawr-eu mae.

Jaceuq 104:24

Ya’we Miqyaer-or! Nawq nae mrtaq-euq jeq armyavni myaq-eu nga! Zaqsiq tsawrganr-euq lafkhoer, nawr khoerdeuq dawqtawv luf-anr bae-awr; Mirtsaq tanqkhawr-aq, nawq-euq myawqganq deuq byanluf-eu mae.

Jaceuq 66:3

Miqyaer-anr heulof-aer aernaeq-awq, “Nawq nae mr-euq gardeuq yawzeu arnavni bawlar paq-aer ghae-eu nga. Nawq-euq baoq huiqdui manr duidui-eu mirnae, Nawq-anr muir-eu deuq, nawq-euq uqmov jawrlar taef-a.

Jaceuq 36:6

Nawq-euq tsaq-awr dawr-eu jeq-aq, Zawr huiq-eu gawqjawq deuq lof-aer dur-awr; Nawr yarkhaq dar-eu jeq-aq, zawr naf-eu mae; Ya’we Miqyaer-or! Tsawrhaqzaq hawr-eu jeqzaq deuq-anr, Nawr, ngaeqghae luf-eu mae.

Jaceuq 64:6

Aqyawfmaf yawlaeq jeq tov-awr aer-eu, “Aqdui maf-euq bawqtov-aq, aerkhar maqza-eu bawqtov mae.” Tsawrhaq-euq nuima hawr-eu lafkhoer paw-euq nuinoeq, Heu nyiq jeqluf yawnaf mae.