Jaceuq 92:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqjeq mirnae aernar-aq, Ya’we Miqyaer-or, Nawr, nawq nae mr-euq gardeuq nae, Ngaq-anr laqkhaq bicaer naeqlaf-euq mae. Nawq-euq aqlaf nae mr-euq gardeuq-euq baqda’nae, ngar ghaqler ma.

Akha

⁴ Sahˬpaˬ Miˬyehˇ-oˇ, nawˬ neh mˇ-euˬ huiˬ-eu gaˇ deuˬ, ngaˬ-ahˇ laˬ kʼaˬ bi cehˇ laꞈ-euˬ meh. Nawˬ neh mˇ-euˬ gaˇ baˬ da neh, ngaˇ laˬ kʼaˬ cehˇ-awˇ caˇ-eu ma.

Jaceuq 92:4 Referans Kwoze

2 Gawˇliˬtu 2:14

Aerkhawf, Miqyaer-anr jaceuq ma. Aqyawf, aqmyanluf Kali-anr ghoe-awr ghaqler-eu lafkhoer, aqdui-anr sheuqghae naeqlaf luf-eu mae. Kali-anr siqnya-eu tsawrganr-euq baqda’nae dovlar-eu yawsaw jeq, Miqyaer, aqdui-anr ghoe-awr yawqgar navluf bi sawkeuv-ir luf-eu mae.

Jaceuq 8:6

Nawr, nawq-euq aqlaf-euq lafzar deuq-anr, aqyawf nae bi uvlanr-awr, Nawr, yawqjeq navluf aqyawf-euq aqkuir-euq uqmov bijav-euq mae.

Luˇkaꞈ 1:47

Ngaq-euq saflar, ngaq-anr Kakhof-eu ghaq Miqyaer baqda’nae laqkhaqcaer nya.

Jaceuq 126:3

Ya’we Miqyaer, aqdui-euq gharduq zawr huiq-eu jeq mr-euq mae. Aqdui laqkhaq arnavni caer paq-aer ghae-eu nga.

Yoˇhaˬ 16:22

Khoerlof-aer durni, nymq-mr nawmaf noeqshaq luf-eu ngar-a. Aerkhawf, ngar, nawmaf-anr parya mawr ngae, nawmaf-euq nuima laqkhaq caerlar taef-a. Nawmaf laqkhaq caer-eu gar, laqkhaq maqbi caerni tiqghaq-iq maq yurgeuf nya-ar.

Panmaeq 18:20

“Mqtav mirkhanq-or! Meuq heumeuq byov-ir-euq mirnae laqkhaq caer-awq. Nawmaf, shawr-eu ghaqkhaer hawr-eu Miqyaer gharduq ngaeqdan-eu deuq khawf laqkhaq caer-awq. Aqjeq mirnae aernar-aq, nawmaf-euq gharduq Miqyaer, aqyawf-anr janrkhof naeq-euq mae!”

Jaceuq 143:5

Ngar, arhu-euq arnan aryamq-anr noeqmawr-awr, Ngar, nawq nae mr-euq gardeuq dawqtawv luf-euq garkawv dzardziv dziv-eu lafkhoer, Ngar, nawq-euq aqlaf nae gar mr-euq garkawv sharnoeq sharsawx luf-eu ma.

Jaceuq 104:31

Ya’we Miqyaer-euq yawshaef khanqsaer, Mqmaq maqbyav yarzir gmq-awr, Ya’we Miqyaer, aqyawf nae mrtaq-euq gardeuq-anr laqkhaqcaer luf-ur.

Jaceuq 90:16

Nawq-euq kuirlaf zaqkhav-anr nawq-euq gar bi mawrle naeqlaf-awr; Aqyawf maf-euq zaqdeuq-anr nawq-euq yawshaef khanqsaer bimawr-awq.

Jaceuq 64:10

Tsaq-awr dawr-eu tsawrhaq-aq, Ya’we Miqyaer-euq lafkhoer, Laqkhaq caer-awr, aqyawf-anr ghoe taef-a. Nuima-euq lafkhoer dawrcoeni ghae-eu tsawrhaq dawqtawvluf, Aqyawf-anr jaceuq taef-a.

Jaceuq 104:34

Ngar dzardziv dziv-eu jeq, aqyawf nuikhanr shir-eu jeq pyeuf luf-ur! Ngar, Ya’we Miqyaer-euq lafkhoer laqkhaqcaer ma.

Jaceuq 33:2

Deur-mq cuq diq-awr Ya’we Miqyaer-anr jaceuq-awq! Tser cav tsof-eu deur-mq ma, diqdiq-aer car-awr aqyawf-anr jaceuq-awq.