Jaceuq 92:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ya’we Miqyaer-or! Nawq-euq guiqlanq-anr jaceuq-eu arnavni muiq-eu nga. Gor duidui-eu ghaq-or! Nawq-euq tsawrmyanr-anr car-awr jaceuq-eu arnavni jaq-eu nga.

Akha

¹ Sahˬpaˬ Miˬyehˇ-oˇ, nawˬ-euˬ guiˬ lahˬ-ahˇ ja ceuˬ-eu jeˬ aˇ naˆ ni muiˬ-eu nga. Huiˬ dui mahˇ dui dui-eu Miˬyehˇ-oˇ, nawˬ-ahˇ taˬ huiˬ taˬ mahˇ-eu caˇ dawˬ caˇ-eu jeˬ aˇ naˆ ni jaˬ-eu nga.

Jaceuq 92:1 Referans Kwoze

Jaceuq 147:1

Haleluya! Aqdui-euq Miqyaer-anr car-awr jaceuq-eu-aq yawmuiq mae. Jaceuq-eu-aq, tsaqler-awr nuikhanr shirlar-eu mae.

Jaceuq 107:1

Ya’we Miqyaer-euq guiqlanq-anr jaceuq-awq. Aqjeq mirnae aernar-aq, aqyawf-aq yawmuiq mae. Aqyawf-euq ghawqshaq gaq-eu jeq mqmaq maqbyav yarzir zif-eu mae.

Eˇpeˇsu 5:19

Nawmaf, tiqghaq tirghaq ngaeqcawq ngae, jaceuq-eu dawq, jaceuq-eu cardawq hawr-eu saflar paw-euq cardawq nae ngaeqcawq-awq. Nuima-euq lafkhoer keuvni carcar-aer Sanqpaq Miqyaer-anr jaceuq-awq.

Jaceuq 135:3

Ya’we Miqyaer-aq yawmuiq mirnae, Ya’we Miqyaer-anr jaceuq-awq; Aqyawf nuikhanr shir-eu mirnae, Car-awr aqyawf-euq tsawrmyanr-anr jaceuq-awq.

Jaceuq 33:1

Tsaq-awr dawr-eu tsawrhaq deuq-or! Ya’we Miqyaer-euq lafkhoer laqkhaq caer-awq. Dawrcoeni ghae-eu tsawrhaq, aqyawf-anr jaceuq-eu tsaq mae.

Jaceuq 73:28

Aerkhawf, Sanqpaq Miqyaer-euq dawqpae jawr-eu-aq, Ngaq-euq gharduq yawmuiq mir-a. Ngar, nawq nae mr-euq gardeuq dawqtawv luf-euq garkawv dawqdzawr mrni; Ngar, Sanqpaq Miqyaer pyeuf-eu Ya’we Miqyaer-anr ngaq-euq caevzafduq bipyeuf-euq ma.

Jaceuq 107:8

Ya’we Miqyaer-aq, muiq-awr tsawrhaqzaq-euq gharduq, Zanqler paq-aer ghae-eu gardeuq mr-euq mirnae; Tsawrhaqzaq, aqyawf-euq guiqlanq-anr jaceuq-eu tsaq mae.

Jaceuq 52:9

Heu-anr nawq nae mr-euq mirnae, ngar, nawq-anr li-eu maqbawni jaceuq ma; Nawq-euq tsawrshawr deuq jawr-eu maeqshi, Ngar, nawq-euq tsawrmyanr-anr dawq ma; Aqjeq mirnae aernar-aq, heulof-aer janr-eu-aq, yawmuiq mae.

Jaceuq 107:15

Ya’we Miqyaer-aq, muiq-awr tsawrhaqzaq-euq gharduq, Zanqler paq-aer ghae-eu gardeuq mr-euq mirnae; Tsawrhaqzaq, aqyawf-euq guiqlanq-anr jaceuq-eu tsaq mae.

Jaceuq 54:6

Ya’we Miqyaer-or! Ngar, nawq-euq tsawrmyanr-anr jaceuq ma; Ngar nuima keuv-awr nawq-anr laqkhaq tiqcaer lawrnaeq ma. Aqjeq mirnae aernar-aq, heulof-aer mr-eu-aq, yawmuiq mae.

Jaceuq 92:8

Aerkhawf, Ya’we Miqyaer-or, Nawr-aq, mqmaq maqbyav yarzir, yawgor-anr jawr-eu mae.

Jaceuq 50:23

Jaceuq-eu jeq kharlawr-eu ghaq-aq, Ngaq-anr ciqhuiq ciqmanr-eu mae; Yawqha yawmuiq-aer daefni laeqhmq-awr daeftsaq daeftsanr-eu tsawrhaq-anr, Miqyaer-euq kakhof-eu jeq-anr ngar bimawr ma.”

Jaceuq 82:6

Ngar aer-eu, “Nawmaf-aq, miqyaer deuq mae. Nawmaf yawqghaq navluf gor duidui-eu ghaq-euq zaqdeuq taef mae.

HeˬByehˇ 13:15

Khoermirnae, aqdui, Yeqsur-anr ghoe-awr, aqmyanluf Miqyaer-anr jaceuq-eu lawr-eu jeq lawrnaeq kar-eur. Khoer-aq, aqyawf-euq tsawrmyanr-anr jaceuq-eu laer aqdui-euq maeqluq-anr nae siqle-eu arsiq mae.

HeˬByehˇ 4:9

Khoermirnae, Miqyaer-euq tsawrhaq deuq-euq gharduq, ghaqnaq naq-eu arnan tiqnan parjav-eu mae.