Jaceuq 91:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Ngar, Ya’we Miqyaer-euq garkawv heulof-aer aer ma, “Aqyawf-aq, ngaq-euq caevzafduq, ngaq-euq lanrlof hawr-eu, Ngaq-euq Miqyaer mae. Ngar, aqyawf-anr ghoe ma.”

Akha

² aˬ yawꞈ-ahˇ heu loꞈ-ehˇ ehˇ nya meh. “Nawˇ-aˬ, ngaˬ-ahˇ ngehˬ gʼeh haw piˇ-eu gʼaˬ meh. Nawˇ-aˬ ngaˬ-euˬ Miˬyehˇ meh. Nawˬ-ahˇ ngaˇ gʼoe-eu ma.”

Jaceuq 91:2 Referans Kwoze

Jaceuq 18:2

Ya’we Miqyaer-aq, ngaq-euq logur, ngaq-euq lanrlof nymrzif hawr-eu ngaq-anr bibuq-ir-eu ghaq pyeuf-awr, Ngaq-euq Miqyaer, ngaq-euq logur hawr-eu ngar ghoeduq pyeuf-eu uqtaf, Ngaq-euq daeqdaqduq, ngaq-anr kakhof-eu uqcoer hawr-eu ngaq-euq zifduq pyeuf-eu mae.

Dawqdaq 18:10

Ya’we Miqyaer-euq tsawrmyanr-aq, Zifdanni ghae-eu lofpir-eu nymrgor pyeuf-awr, Tsaq-awr dawr-eu tsawrhaq deuq caevzafler ngae, Yabuq-ir-eu mae.

Jaceuq 142:5

Ya’we Miqyaer-or! Ngar, nawq-anr gurgaq-eu ma. Ngar heulof-aer aer ma: “Nawr-aq, ngaq-euq caevzafduq pyeuf-awr, Yawdaefzaq jawr-eu mirtsaq-euq khoertav, ngaq-euq shaqbymr ma.

Jaceuq 46:1

Miqyaer-aq, aqdui-euq caevzafduq hawr-eu aqdui-euq ghaq pyeuf-awr, Gardzaq garkawv khar keuvle ngae, cawba naeqlaf-eu ghaq mae.

Jaceuq 71:3

Ngar aqmyanluf jawrlar nya-eu, Ngaq-euq gharduq ghaq khav-eu caevzafduq pyeufnaeq laf-awq. Nawr, ngaq-anr kakhof-eu gharduq khaerdawq bifdzeur-euq mae. Aqjeq mirnae aernar-aq, nawr-aq, ngaq-euq logur hawr-eu ngaq-euq lanrlof pyeuf-eu mae.

Jaceuq 14:6

Nawr, irshaqzaq-euq maeqbawq daq biga-ir-eu laer ghae-eu khawf, Ya’we Miqyaer-aq, aqyawf maf-euq caevzafduq pyeuf-eu mae.

Jaceuq 91:9

Nawr, Ya’we Miqyaer-anr nawq-euq caevzafduq bipyeuf-awr, Gor duidui-eu ghaq-anr, nawq-euq jawrduq khawf bipyeuf-euq mirnae;

HeˬByehˇ 11:16

Aerkhawf, nymq-mr aqyawfmaf geufmawf-eu mirkhanq-aq, khoernav maqtser muiqdzaeq-eu mq-euq khoertav jav-eu mirkhanq mae. Khoermirnae, tsawrhaq khoerdeuq, Miqyaer-anr aqyawf maf-euq Miqyaer ma laer aer-eu gar Miqyaer maq shafdawr-a. Aqjeq mirnae aernar-aq, Miqyaer, aqyawf maf-euq gharduq meuq tiq meuq laeqhmq taq-euq mae.

Jaceuq 48:14

Aqjeq mirnae aernar-aq, Miqyaer heughaq-aq, Li-eu maqbawni, mqmaq maqbyav yarzir aqdui-euq Miqyaer pyeuf-eu mae. Aqyawf, aqdui-anr shir ngae keuvni sheuqghae naeqlaf taef-a.

Luˇkaꞈ 20:38

Miqyaer-aq, shir-euq tsawrhaq-euq Miqyaer maqngeur-a. Daefluf-eu tsawrhaq-euq Miqyaer mae. Aqjeq mirnae aernar-aq, aqyawf-euq maeqshi tsawrhaq dawqtawvluf yawdaef mae.”

Jaceuq 43:4

Khoernar-aq, huiq duidui-eu ngaq-euq laqkhaq caerduq pyeuf-eu Miqyaer jawr-eu, Miqyaer-euq lawrduq-anr ngar le ma. Ngaq-euq Miqyaer pyeuf-eu Miqyaer-or, Ngar, deur-mq diq-awr nawq-anr jaceuq ma.

Jaceuq 18:3

Ngar, jaceuq paq-aer geux-eu Ya’we Miqyaer-anr kur ngae, Ngaq-anr muir-eu deuq-anr nae yabuq-ir taef-a.

Jaceuq 25:2

Ngaq-euq Miqyaer-or! Ngar, nawq-anr ghoe ma. Ngaq-anr taqbi shafdawr-ir naeqlaf; Ngaq-anr muir-eu deuq ngaq-anr taqbi ghaqlar naeqlaf.

Jaceuq 31:15

Ngaq-euq arnan aryamq-aq, nawq-euq aqlaf-euq lafkhoer jav-eu mae. Ngaq-anr muir-eu deuq-euq aqlaf-anr nae hawr-eu, Ngaq-anr khaeq-awr khav-eu deuq-anr nae bibuq-ir naeqlaf-awq.

Jaceuq 46:2

Teumirnae, mirtsaq tanqkhawr parlar-awr, Gawqjawq deuq iqmalavshav-euq ghanrcae bi yurghae-euq khawf, aqdui maqguv.

Jaceuq 61:5

Aqjeq mirnae aernar-aq, Miqyaer-or! Nawr, ngaq nae kamq-euq dawq gaq-awr; Nawr, nawq-euq tsawrmyanr-anr guv-eu deuq-anr of-eu jeqbir, Ngaq-anr bifnaeq laf-euq mae.

Jaceuq 142:6

Ngar gur-eu gar narhaq naeqlaf-awq. Aqjeq mirnae aernar-aq, Ngar ardzaeq-aer aw-eu gar bi gheuka taq-euq nya; Ngaq-anr khaeq-awr khav-eu deuq-anr nae bibuq-ir naeqlaf-awq. Aqjeq mirnae aernar-aq, Aqyawfmaf, ngaq-euq navmaqtser ghaq khavdzaeq-eu mae.