Jaceuq 91:15 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Aqyawf, ngaq-anr kur ngae, Ngar, aqyawf-anr ngaeqkhofnaeq ma. Aqyawf-anr gardzaq garkawv keuvle ngae, Ngar, aqyawf naeq-aer jawr ma. Ngar, aqyawf-anr bibuq-ir-awr taqhuiq taqmanrnaeq ma.

Akha

¹⁵ Aˬ yawꞈ maꞈ ngaˬ-ahˇ kuˇ ngeh ngaˇ naˇ haˬ nehˬ ma. Aˬ yawꞈ maꞈ shaˬ ngeh zahˬ ngeh ngaˇ aˬ yawꞈ maꞈ nehˬ-ehˇ jawˇ-awˇ, ka kʼoꞈ-awˇ ciˬ huiˬ ciˬ mahˇ nehˬ ma.

Jaceuq 91:15 Referans Kwoze

Jaceuq 50:15

Gardzaq garkawv keuvle ngae nan, ngaq-anr kur-awq. Ngar, nawq-anr bibuq-ir-awr, nawr, ngaq-anr jaceuq taef-a.”

Jaceuq 138:7

Ngar gardzaq garkawv-euq ghanrcae canluf khawf, Nawr, ngaq-anr tiq pov par lavdaef naeqlaf taef-a; Nawr, nawq-euq aqlaf cawqja-awr nae, ngaq-anr muir-eu deuq-euq nuima paer-eu gar caekhofnaeq taef-a. Khoernar-aq, nawq-euq armar laf, ngaq-anr bibuq-ir naeqlaf taef-a.

Yoˇhaˬ 12:26

Tsawrhaq tiqghaqnav ngaq-euq kuirlaf zaqkhav geufmawf nar-aq, ngaq-euq maeqnan ya cantae-eu mae. Ngar aqgeugar jawr nar-aq, ngaq-euq kuirlaf zaqkhav khawf khoergar yajawr-eu mae. Tsawrhaq tiqghaqnav ngaq-euq kuirlaf zaqkhav geuf nar-aq, ngaqDa, aqyawf-anr taqhuiq taqmanrnaeq taef-a.”

Jaceuq 10:17

Ya’we Miqyaer-or! Nawr, yawshaqzaq geufmawf-eu jeq-anr yagaq-euq mae. Nawr, aqyawf maf-euq nuima laeqhmq-awr, nawq-euq naqbawr ciqkhmr-awr narhaq naeq-eu mae.

HeˬByehˇ 5:7

Kali shiqshaq pi-awr daefluf ngae, aqyawf-anr shir-eu jeq-anr nae bibuq-ir nya-eu Miqyaer-anr, tersar yawkhav-aer gurgur-aer myavbir dov-eu lafkhoer, guiqlanq shar-awr tanqshar duidui-euq mae. Aqyawf, Miqyaer-anr yawzeu baw-eu lafkhoer guv-eu mirnae, Miqyaer, aqyawf-euq shardawq-anr narhaq-euq mae.

Jaceuq 23:4

Ngar, shir-eu narshmr-euq ghaqlawq-anr ya cantsaev ghae-eu khawf; Nawr, ngaq naeq-aer jawr-eu mirnae, ngar yawdoer jeq keuvle-eu gar maqguv; Nawq-euq ganqkawq hawr-eu nawq-euq gawqyoeq, Ngaq-euq nuima lavsar naeqlaf-eu mae.

1 Beˬtuˆluˆ 1:21

Miqyaer, aqyawf-anr shir-euq gar nae bi ghofdaef lar-awr, yawshaef khanqsaer bifnaeq-euq mirnae, nawmaf-euq jan-eu jeq hawr-eu noeqtmq-eu jeq, Miqyaer-euq lafkhoer anr-eu mae. Nawmaf-aq, Kali-euq baqda’nae Miqyaer-anr janluf-eu mae.

Maꞈtehˬ 28:20

Ngaq nae nawmaf-anr biftaq-euq dawq yawqdawq navluf-anr aqyawfmaf narhaq geufni maeqnaeq tsovnaeq-awq. Mirtsaq heu arsaqsaq ngae keuvni, ngar, nawmaf naeq-aer aqmyanluf jawr ma.” Aqmeq.

1 Beˬtuˆluˆ 5:4

Yawr bo-eu uqdzan ghaq dovle ngae, nawmaf-aq, maqnyoeq maqkov-ir nya-eu shuir uqkhov za taef-a.

Yoˇhaˬ 16:32

Nawmaf caevbyav jir-awr, yawqha-euq jawrduq-anr caevghof jir-awr, ngaq-anr taef-aer byaerdzae yaf-eu aryamq keuvle luf-eu mae. Nymq-mr nae keuvle-euq mae. Aerkhawf, ngar-aq, ngar tiq ghaq taef-aer jawr-eu maqngeur, Aqda, ngaq naeq-aer jawrluf-eu mae.

Jaceuq 37:40

Ya’we Miqyaer, aqyawf maf-anr cawba-awr aqyawf maf-anr bibuq-ir taef-a; Aqyawfmaf, Miqyaer-euq lafkhoer caevzaf-eu mirnae, Aqyawf, aqyawf maf-anr tsawrcawv-anr nae kakhof-awr bibuq-ir taef-a.

1 Beˬtuˆluˆ 3:22

Yeqsur mq-euq khoertav ghofdav ler-awr, Miqyaer-euq armar paw nuirluf-eu mae. Mqtav ghaqkhaer deuq, aryaq jav-eu deuq, baoq huiq-eu deuq, dawqtawvluf, aqyawf-euq lafov jawrluf-eu mae.

2 Tiˆmoˇseˬ 4:17

Tsawrhaq dawqtawvluf, ngaq-anr byaerdzae naeqlaf-euq khawf, ngar guiqlanqdawq tiqbyanni maeqnaeq-awr, aqcawq tsawrjeuq tsawrca dawqtawvluf yagaqni, Sanqpaq Yeqsur, ngaq naeq-aer jawr-awr, ghaq bifnaeqlaf luf-eu mae. Khoermirnae, ngar, arlaqjaqshir-euq khaqmae-anr nae yabuq-ir-euq ma.

Panmaeq 3:21

Ngar ghaqler-euq mirnae, ngaqDa-euq nuirmanq-anr ngaqDa naeq-aer tiqkawv lof-aer nuirluf-eu lof-aer, ngar khawf ghaqler-eu tsawrhaq-anr ngaq naeq-aer ngaq-euq nuirmanq-anr binuir ma.

Yoˇhaˬ 12:43

Aqyawfmaf, Miqyaer nae jaceuq-eu gar geufmawf-eu navmaqtser, tsawrhaqzaq nae jaceuq-eu gar geufmawf-eu mae.

Yoˇhaˬ 5:44

“Nawmaf-euq yawkaq tiqghaq tirghaq taqhuiq taqmanr-eu jeq povluf-awr, nawmaf, aqyawf tiq ghaq taef-aer Miqyaer pyeuf-eu ghaq-anr nae oe-euq taqhuiq taqmanr-eu jeq-anr maqpov-eu mirnae, nawmaf, ngaq-anr aqjox-aer jannya nmr-mq?

Jaceuq 18:15

Ya’we Miqyaer-or! Nawr lmqnaeq ngae, Nawq-euq narmaer narsaf bawghae lef-awr, Iqmalavshav dawqdan mawrlar jir-awr, mirtsaq-euq dawqpaeq duqpur byacaevni javluf-eu mae.