Jaceuq 90:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Nawr, nga’maf-euq yawlaeq yawca, nawq-euq maeqshi bijav-awr; Nga’maf nae mrkhoeq-euq iqbax, nawq-euq myavpyawq-euq yawshaef bya-eu gar bijav-euq mae.

Akha

⁸ Nga maꞈ-euˬ iˬ baˇ-ahˇ nawˬ-euˬ mehˬ shi nawˇ yuˇ taˬ-awˇ, nga maꞈ neh mˇ kʼoeˬ-euˬ iˬ baˇ deuˬ nawˇ mawˇ gaˇ pah taˬ-euˬ meh.

Jaceuq 90:8 Referans Kwoze

Jaceuq 19:12

Yawqha-euq yawlaeq ghovshaw nya-eu aqsur ghaq jawr-eu la? Zaftaq-euq yawbanq-anr nae ngaq-anr tsiqshawr naeqlaf-awq.

Panmaeq 20:12

Khoernar-aq, ngar, shir-euq tsawrhaq huiqzaq nyirzaq dawqtawvluf, Miqyaer-euq maeqshi yawfluf-eu gar ya’mawr-euq ma. Khoerngae, sanqbof ghawqmya dmq pantaq-euq mae. Daef-eu jeq bif-eu sanqbof khawf pantaq-euq mae. Shir-euq tsawrhaq deuq nae mr-awr shar-euq deuq, sanqbof khoerdeuq-euq lafkhoer bofanr taq-euq mae. Bofanr taq-euq khoerdeuq-anr hawhaw-aer geuxni aqyawf maf-anr yarkhaq darnaeq-eu mae.

1 Yoˇhaˬ 3:20

Aqdui-euq nuima yawqhar yawqha yarkhaqdar nar-aq, Miqyaer-aq, aqdui-euq nuima navmaqtser huiq-awr, dawqtawv luf-anr siqnya-eu mae.

Jaceuq 10:11

Tsawrcawv, aqyawf-euq nuima-euq lafkhoer aer-eu, “Miqyaer-aq, ngaerjir-awr, aqyawf-euq myavpyawq ciqzaf taq-awr, tiqjeq-anr-iq maqmawr nya-ar.”

1 Gawˇliˬtu 4:5

Khoermirnae, aryamq maq keuvlar-euq minav-aer, Sanqpaq Miqyaer maqoe-euq nmrkaq, tiqjeq-anr-iq yarkhaq taqdar siq. Aqyawf oekeuv ngae, yawzanr-euq lafkhoer zaftaq-euq deuq yawbya-anr bi dovlar-awr, tsawrhaq-euq nuima khawf aqyawf panmawrnaeq taef-a. Khoerngae, Miqyaer, tsawrhaq yawqghaq navluf-anr geux-eu lof-aer jaceuqnaeq taef-a.

Lormav 2:16

Ngar guiqlanqdawq maeq-eu lof-aer, Miqyaer, Yeqsur Kali-anr ghoe-awr tsawrhaqzaq nae zaftaq-euq jeq-anr yarkhaqdar ngae nan, heulof-aer pyeuflar taef-a.

Dawqdaq 5:21

Aqjeq mirnae aernar-aq, tsawrhaqzaq-euq garma-aq, Ya’we Miqyaer-euq maeqshi javluf-awr, Tsawrhaq-euq cankawv dawqtawv luf-anr, aqyawf sharnoeq sharsawx-eu mae.

Jaceuq 80:16

Aqgaf cirni bi coerdzae-awr, miqdzaq nae bi keuqpuiv-euq mae. Nawq-euq myavpyawq mrzanr ngae, aqyawfmaf cawv-ir-eu mae.

Jaceuq 50:21

Nawmaf heudeuq mr-euq khawf, ngar ciqcurni jawr-euq ma; Nawmaf, ngar, nawmaf-anr dur taef-a laer noeq-eu mae; Aerkhawf, ngar, nawmaf-anr daeq-awr, Nawmaf-euq myavkhae aqyawf jeq aqyawf-aer lavtsaq ma.

Jaceuq 109:15

Heudeuq aqmyanluf, Ya’we Miqyaer-euq maeqshi jav-eu mirnae; Miqyaer, aqyawf maf-anr maqbi noeqkeuvni, mirtsaq-anr nae deuvtsaevdzae naeq luf-ur.