Jaceuq 90:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Gawqjawq deuq maq javlar-euq minav-aer, Nawr, mirtsaq hawr-eu mqmir dawqtawv luf-anr maqbae-euq minav-aer; Nawr-aq, mqmaq maqbyav yarzir-anr nae mqmaq maqbyav yarzir-anr keuvni, Miqyaer pyeuf-eu mae.

Akha

² Gawˬ jawˬ gawˬ duˇ deuˬ-ahˇ nawˇ maˬ beh mi naˆ-ehˇ, miˇ tsaˬ tahˬ kʼawˇ-ahˇ nawˇ maˬ beh mi naˆ-ehˇ, nawˇ Miˬyehˇ pyeuꞈ luꞈ-awˇ, mˬ maˬ maˬ byaˆ zaˇ ziˇ Miˬyehˇ pyeuꞈ tehꞈ-a.

Jaceuq 90:2 Referans Kwoze

HeˬByehˇ 13:8

Yeqsur Kali-aq, mirnan, iqnan hawr-eu mqmaq maqbyav yarzir tiqkawv mae.

Panmaeq 1:8

Sanqpaq Miqyaer aer-eu, “Ngar-aq, Ardanq bae-awr Arsaq saq-eu ghaq, Aqlaqpar hawr-eu Ormeqgar ma. Ngar-aq, arhu nae daef-eu, nymq-mr keuvni daefluf-awr aqkar zafka le-eu laer ghae-eu baoq huiq duidui-eu ghaq ma.”

Jaceuq 93:2

Nawq-euq nuirmanq-aq, arhuba nae lavzif taq-euq mae. Nawr-aq, ardanq bae-eu maqbawni daefluf-eu mae.

Jaceuq 33:9

Aqjeq mirnae aernar-aq, aqyawf nae kharaer-euq jeq javlar-awr; Aqyawf nae dawq bif-euq lof-aer zifdanni javluf-eu mae.

Jaceuq 146:6

Miqyaer-aq, mq khawf, mir khawf, iqmalavshav khawf, Heudeuq-euq lafkhoer kharjawr kharjav-eu jeq-anr khawf bae-euq mae. Aqyawf, li-eu maqbawni yawtsaq yawdawr-anr nyaeftaeq taq-eu mae.

Jaceuq 103:17

Aerkhawf, Ya’we Miqyaer-aq, Mqmaq maqbyav yarzir-anr nae mqmaq maqbyav yarzir-anr keuvni, Aqyawf-anr guv-eu deuq-anr ghawqshaq gaq-awr; Aqyawf maf-euq zaqdeuq uvdeuq-anr, aqyawf-euq tsaq-awr dawr-eu jeq bif-eu mae.

Jaceuq 102:13

Nawr turlar-awr Ziroq-anr ghawqshaq gaqnaeq taef-a. Aqjeq mirnae aernar-aq, ghawqshaq gaq-eu aryamq tsaqlar-awr, Nanpax paxtaq-euq aryamq keuvlar-euq mae.