Jaceuq 9:18 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Miqyaer, shaqzaq zanqzaq-anr maq ngaerbyov naeq-aer, Irshaqzaq nae noeqtmq-euq jeq, mqmaq maqbyav yarzir byovtsaev-eu gar maqbi keuv-a.

Akha

¹⁸ Mehꞈ-eu shuꞈ-eu tsawˇhaˬdeuˬ-ahˇ, SahˬpaˬMiˬyehˇ maˬbyehˇdzeh-ehˇ, shaˬ-eu zahˬ-eu tsawˇhaˬdeuˬ-ahˇ, ya cawˆ-iˇgaˇ maˬbi keuˆ-a.

Jaceuq 9:18 Referans Kwoze

Jaceuq 12:5

Aerkhawf, Ya’we Miqyaer aer-eu, “Irshaqzaq bikhaeq bi khavluf-awr, shaqzaq zanqzaq manrluf-eu mirnae, Aqyawfmaf za’mawf duidui-eu lof-aer, Guvkhar maqza-eu jawrduq bif-eu gharduq, nymq-mr ngar tur ma.”

Dawqdaq 23:18

Khoerlof-aer janr nar-aq, Nawr maeqhu paw yadaef-eu yawduq baw-awr, Nawq nae noeqtmq taq-euq jeq, Maqya bi deuvtsaev dzae-ar.

Dawqdaq 24:14

Zaqsiq tsawrganr-anr siqnya-eu jeq khawf, Nawq-euq nuima saflar gharduq, khoerlof-aer dur taef-a. Nawr povmawr-euq nar-aq, Maeqhu paw yadaef-eu yawduq baw-awr, Nawq nae noeqtmq taq-euq jeq maqya bi deuvtsaev dzae-ar.

Yaˬkoˆ 2:5

Ngar zawr gaq-eu aqyuif aqnyir deuq-or! Narhaq sher-eq. Miqyaer, mirtsaq-euq khoertav jawr-eu irshaqzaq-anr jan-eu paw smrmuiq muiqlarni, aqyawf maf-anr tserdov-awr aqyawf-anr gaq-eu tsawrhaq jeqbir of-awr, Miqyaer uvlanr-eu lafkhoer bijawr ma laer sarjax dzaqtaq-euq tsawrhaq maqngeur-a lor?

Jaceuq 102:20

Aqyawf, kuv-anr bi nyaefur taq-euq deuq manr-eu gar narhaq-awr; Yabi saef mae laer aertsaev taq-euq deuq-anr pyaeqnaeq-eu mae.

Luˇkaꞈ 6:20

Khoernar-aq, Yeqsur, aqyawf-euq myavnuiv zaqlanr deuq-anr hawhaw-aer heulof-aer aer-eu mae: “Nawmaf irshaq shaq-eu tsawrhaq deuq-aq, guiqlanq huiq-eu mae. Aqjeq mirnae aernar-aq, Miqyaer uvlanr-eu jeq nawmaf-anr of-eu mae.

Luˇkaꞈ 1:53

Maef-awr shuf-eu deuq-anr dzarkuir dzarmyaer tiqdaev bidzaq-awr, Smrmuiq smrbaw deuq-anr yawqngaef yawqkuq-aer bidov-ir-euq mae.

Jaceuq 109:31

Aqjeq mirnae aernar-aq, aqyawf, shaqzaq zanqzaq-euq armar paw yawf-awr; Aqyawf, laeq nga laer yarkhaq dartsaev-eu deuq-anr nae, Aqyawf-anr bibuq-ir-eu mae.

Jaceuq 102:17

Aqyawf tiqjeq-iq maq dzerlar-euq, aqyawf-euq tsawrhaq-euq guiqlanq shardawq-anr hageuf naeq-awr; Aqyawf maf-euq guiqlanq shardawq-anr maq hawdoer-a.

Jaceuq 72:4

Aqyawf, tsawrhaqzaq-euq irshaqzaq-anr dawr-awr tsaq-eu jeq nae yarkhaq dar-awr; Aqyawf, shaqzaq zanqzaq-euq zaqdeuq-anr bibuq-ir-awr; Nawqdzaq khavdzaq-eu deuq-anr nawqmeur nawqloerjir naeq taef-a.

Jaceuq 71:5

Aqjeq mirnae aernar-aq, Sanqpaq Miqyaer pyeuf-eu Ya’we Miqyaer-or! Ngar, nawq-anr noeqtmq-eu ma. Nyir ngae nae ngar, nawq-anr ghoe-euq ma.

Jaceuq 9:12

Miqyaer, aqyawf maf-anr noeqmawr-awr, shiq lavdov-euq arpoeq janrkhof naeq-eu mae. Aqyawf, yawshaqzaq nae ngoer-euq tersar-anr tiqjawr-iq maqngaer-a.

Jaceuq 50:22

“Nawmaf, Miqyaer-anr ngaer-euq tsawrhaq deuq-or, Nymq-mr garkawv heu sharnoeq-awq; Maqngeur nar-aq, ngar, nawmaf-anr caeqpyaeq caeqshavjir ngae, Tiqghaq-iq, nawmaf-anr maqbi buq-ir nya-ar.

Jaceuq 139:19

Miqyaer-or! Nawq nae tsawrcawv-anr bi saefdzaemawf mir-a. Nawmaf, shiq maef-eu tsawrhaq deuq-or! Ngar jawr-eu gar nae dov-ir-awq.