Jaceuq 9:15 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Mirkhanq tsawrjeuq deuq-aq, yawqha nae duq-euq duqkhanq-anr yawqha ga’anr byov-awr, Yawqha nae khmrzaf taq-euq lanrju-anr yawqha-euq aqkuir pafler-euq mae.

Akha

¹⁵ Aˬcawˬmiˇkʼahˬtsawˇjeuˬdeuˬ-aˬ, yawˬha neh kʼahˬ-euˬduˬkʼahˬ-ahˇ, yawˬhaˇyawˬha ga ahˇbyoˆ-awˇ, yawˬha neh kʼmˇ-euˬbaw gʼaꞈ-ahˇ, yawˬhaˇyawˬha nawˬpaꞈ-euˬmeh. 1

Jaceuq 9:15 Referans Kwoze

Jaceuq 57:6

Aqyawfmaf, ngaq-euq aqkuir-anr bawghaf khmrtaq-euq mae; Ngaq-euq nuima saflar awbyav-awr; Aqyawfmaf, ngaq-euq garma-anr shaqduq duqtaq-euq mae; Aerkhawf, aqyawfmaf, yawqha nae duq-euq gar yawqha ga’anr-euq mae. Sela.

Dawqdaq 5:22

Tsawrcawv-euq yawlaeq yawca-aq, aqyawf-anr lanrju khmr-awr, Yawqha-euq iqbax arcav-anr yawqha teuvpaf-eu mae.

Jaceuq 35:8

Aqyawf maqnoeq-aer jawr-eu gar, aqyawf-euq khoertav cawv-ir-eu jeq keuvle luf-ur. Yawqha nae khmrzaf taq-euq bawghaf-anr yawqha pafler luf-ur. Cawv duidui-eu lafkhoer, aqyawf ga’anrghae luf-ur.

Dawqdaq 22:8

Yawlaeq yawca saeq-eu tsawrhaq-aq, Nuima ghawqshaq-aer ghae-eu jeq yayaeq-awr, Aqyawf-euq nuima paer-eu gawqyoeq-aq, Gardanr maqtsoeq-eu jeq pyeuf-ir taef-a.

Jaceuq 94:23

Aqyawf, aqyawfmaf nae mr-euq yawlaeq yawca, Aqyawf maf-euq khoertav bi keuvle-awr, Aqyawf maf-euq yawdoer jeq-euq baqda’nae, aqyawf maf-anr deuvtsaevdzae taef-a. Aqdui-euq Miqyaer pyeuf-eu Ya’we Miqyaer, aqyawf maf-anr deuvtsaevdzae taef-a.

Jaceuq 37:15

Aqyawf maf-euq micaer-aq, yawqha-euq nuima-anr tsawvbyoe-awr, Aqyawf maf-euq kavmyaq khawf, yabi ngawqkhaefjir taef-a.

Jaceuq 13:6

Ngar dawqcar car-awr, Ya’we Miqyaer-anr jaceuq ma. Aqjeq mirnae aernar-aq, aqyawf, ngaq-anr yawmuiq-aer ngaeqghae naeqlaf-eu mae.

Jaceuq 20:6

Ya’we Miqyaer, aqyawf nae tsaqtsov-euq ghaq-anr kakhofnaeq nga laer, nymq-mr ngar siqnya lar-euq ma. Aqyawf kakhof-eu ghaq anr-eu aqyawf-euq armar laf nae, Aqyawf-euq shawr-eu mqtav mirkhanq-anr nae ngaeqghae naeq-eu mae.

Jaceuq 35:9

Khoerngae, ngaq-euq nuima saflar, Ya’we Miqyaer-euq lafkhoer laqkhaq yacaer-awr; Aqyawf-euq kakhof-eu jeq-euq lafkhoer caergha taef-a.

Jaceuq 107:22

Aqyawfmaf, guiqlanq-anr jaceuq-eu lawr-eu jeq bilawr-awr; Laqkhaq caercaer-aer aqyawf-euq gardeuq-euq garkawv dawqdzawr bimr-awq.