Jaceuq 9:14 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Ngar, nawq-anr jaceuq paq-aer ghae-eu kharngeur-eu jeq, Ziroq-euq zaqmiq-euq lanrkhaeq-anr dawqdzawr mr ma. Ngar, nawq-euq kakhof-eu jeq-euq lafkhoer laqkhaqcaer ma.

Akha

¹⁴ Yeˬluˇsaˬlehˬmehˬshi yawꞈ-awˇ, gaˇkawˆheu dzawˇmehˬ-eu laꞈkʼoeˇ, nawˬ-ahˇbi ja ceuˬnehˬlaꞈ-awˬ. Nawˇka kʼoꞈnehˬlaꞈ-euˬ miˇ neh, ngaˇlaˬkʼaˬcehˇ nui kʼahˇshiˇma.

Jaceuq 9:14 Referans Kwoze

Jaceuq 13:5

Aerkhawf, ngar, nawq-euq ghawqshaq gaq-eu jeq-anr ghoeluf ma. Ngaq-euq nuima, nawq-euq kakhof-eu jeq-anr laqkhaq yacaer taef-a.

Jaceuq 106:2

Ya’we Miqyaer nae baoq lafkhoer mr-euq deuq-anr, aqsur ghaq jajir coer-eu la? Aqsur ghaq, aqyawf-anr jaceuq-eu jeq dawqtawvluf dawqdzawr mrjir nya-eu la?

Jaceuq 51:12

Nawq-euq kakhof-eu jeq-euq laqkhaq caer-eu jeq, ngaq-anr par bifkhof naeqlaf-awr, Nawq-euq nuijer jer-eu Saflar nae ngaq-anr cawba naeqlaf.

Jaceuq 35:9

Khoerngae, ngaq-euq nuima saflar, Ya’we Miqyaer-euq lafkhoer laqkhaq yacaer-awr; Aqyawf-euq kakhof-eu jeq-euq lafkhoer caergha taef-a.

Jaceuq 20:5

Nawr bibuq-ir naeqlaf-euq mirnae, nga’maf laqkhaq caer-awr, Aqdui-euq Miqyaer-euq tsawrmyanr-euq lafkhoer, parloq parlaer katurnaeq ma! Nawr kharshar-eu yawqjeq navluf, Ya’we Miqyaer mrbyanjir naeq luf-ur.

Jaceuq 21:1

Ya’we Miqyaer-or! Nawq-euq ghaq-euq baqda’nae, sanqpaq laqkhaqcaer taef-a. Nawq-euq kakhof-eu jeq-euq lafkhoer, aqyawf yawkhav-aer lurgha caergha taef-a.

Luˇkaꞈ 1:47

Ngaq-euq saflar, ngaq-anr Kakhof-eu ghaq Miqyaer baqda’nae laqkhaqcaer nya.

Jaceuq 79:13

Khoerngae, nawq-euq daega-anr jawr-eu yawr, Nawq-euq tsawrhaq pyeuf-eu nga’maf, Nawq-euq guiqlanq-anr li-eu maqbawni jaceuq-awr, Yawqzir navluf nawq-anr jaceuq-eu jeq bi mawryaf ma.

Jaceuq 51:15

Sanqpaq Miqyaer-or! Ngaq-euq maeqluq pannaeq laf-awq; Khoernar-aq, ngaq-euq khaqmae, nawq-anr jaceuq-eu gar bimawr ma.

Jaceuq 42:4

Ngar, tsawrhaq armaf mafma naeq-aer le-awr, Ngar, aqyawfmaf naeq-aer Miqyaer-euq nymr-anr le-euq ma. Laqkhaq caer-eu tersar hawr-eu jaceuq-eu lafkhoer, Tsawrhaq armaf mafma naeq-aer guiqlanq-euq yawbui bui-eu mae. Ngar heudeuq-anr noeqmawrlar ngae, Ngaq-euq nuima saflar shaevdov lef-euq ma.

Jaceuq 35:18

Tsawrhaq baqmaf mafma uiqler taq-awr jawr-eu maeqshi, Nawq-euq guiqlanq-anr jaceuq ma. Tsawrhaq ghawqmya’ni ghae-eu maeqshi, ngar, nawq-anr jaceuq ma.

Jaceuq 22:25

Tsawrhaq tiqbyanni uiqler taq-euq gar, ngar, nawq-anr jaceuq ma. Ngar, nawq-anr guv-eu deuq-euq maeqshi, ngaq nae kamqtaq-euq lof-aer mrbyan ma.

Jaceuq 22:22

Ngar, ngaq-euq maernmr deuq-anr, nawq-euq tsawrmyanr dzawrgaq ma. Armur uiqler-awr jawr-eu ghanrcae, ngar, nawq-anr car-awr jaceuq ma.

Jaceuq 6:3

Ngaq-euq nuima saflar shaqzanq naf duidui nya. Ya’we Miqyaer-or! Nawr aqmyan keuvni ghae-awr, ngaq-anr cawba-eu laer ghae-eu le?

Jaceuq 75:9

Aerkhawf, ngar-aq, mqmaq maqbyav yarzir dawqdzawr mr ma. Ngar, Yaqkov-euq Miqyaer-anr car-awr jaceuq ma.