Jaceuq 89:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Ngar heulof-aer aer-euq ma, “Ghawqshaq gaq-eu jeq li-eu maqbawni tsovzif-awr; Nawq-euq sarjax zif-eu jeq, Nawq nae mq-euq khoertav lavzif taq-euq mae.”

Akha

² Nawˬ-euˬ gʼoeˇ-eu gaˬ-eu jeˬ byoˆ-iˇ-eu maˬ baw-ehˇ, nawˇ saˇ jaˇ ziꞈ-eu jeˬ mˬ maˬ maˬ byaˆ zaˇ ziˇ ziꞈ-eu gaˇ kawˆ ngaˇ siˬ nya ma.

Jaceuq 89:2 Referans Kwoze

Jaceuq 36:5

Ya’we Miqyaer-or! Nawq-euq ghawqshaq gaq-eu jeq-aq, mq-euq khoertav jav-awr; Nawq-euq sarjax zif-eu jeq-aq, mqdmr-anr tuv-eu mae.

Luˇkaꞈ 1:50

Aqyawf-anr yawzeu baw-eu tsawrhaq-euq khoertav, Aqyawf-euq ghawqshaq gaq-eu jeq tiqzir sair tiqzir jav-eu mae.

Jaceuq 103:17

Aerkhawf, Ya’we Miqyaer-aq, Mqmaq maqbyav yarzir-anr nae mqmaq maqbyav yarzir-anr keuvni, Aqyawf-anr guv-eu deuq-anr ghawqshaq gaq-awr; Aqyawf maf-euq zaqdeuq uvdeuq-anr, aqyawf-euq tsaq-awr dawr-eu jeq bif-eu mae.

HeˬByehˇ 6:18

Khoer-aq, maq parlar nya-eu nyiq jeq-euq garkawv mae. Miqyaer-aq, jaqmyawf maq myawfnya-a laer aqdui nuima bi sarni kamq-eu jeq khoer-anr ghoe-awr nae, aqdui-euq maeqhu paw jav-eu noeqtmq-eu jeq-anr zifdanni nyaeftaeq taq-awq laer, caevzafduq-anr caevur taq-euq aqdui-anr ghaq yawkhav-aer bifnaeqlaf luf-eu mae.

Jaceuq 89:37

Bala lof-aer li-eu maqbawni zifdanni jav-awr, Mq-euq khoertav sarjax zif-eu sarkir lof-aer khawf pyeuf taef-a.” Sela.

Jaceuq 89:5

Ya’we Miqyaer-or, Mqdeuq, nawq-euq zanqler paq-aer ghae-eu garkawv jaceuq-awr; Tsawrshawr deuq uiqler taq-awr jawr ngae, Nawq-euq sarjax zif-eu garkawv khawf jaceuq taef-a.

Jaceuq 146:6

Miqyaer-aq, mq khawf, mir khawf, iqmalavshav khawf, Heudeuq-euq lafkhoer kharjawr kharjav-eu jeq-anr khawf bae-euq mae. Aqyawf, li-eu maqbawni yawtsaq yawdawr-anr nyaeftaeq taq-eu mae.

Jaceuq 119:89

Ya’we Miqyaer-or! Nawq-euq dawq-aq, mqmaq maqbyav yarzir mq-euq khoertav lavzif taq-euq mae.

Jaceuq 42:1

Khaqtsaev ircuf lawrgawv-anr nuikhanr jav-eu lof-aer, Miqyaer-or! Ngaq-euq nuima saflar khawf, nawq-anr nuikhanr jav-eu ma.

Maꞈtehˬ 24:35

Mqmir byov-ir taef-a. Aerkhawf, ngaq-euq dawq tiqjawr-iq maqbyov-ir-ar.

Jaceuq 40:11

Ya’we Miqyaer-or! Nawr nanqyuni ghawqshaq gaq-eu jeq, Ngaq-anr maqbi keuvle-aer taqghae naeqlaf. Nawr, ngaq-anr nawq-euq ghoer-awr gaq-eu jeq hawr-eu nawq-euq yawtsaq yawdawr nae, Ngaq-anr aqmyanluf hawpir naeqlaf-awq.