Jaceuq 88:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Nawr, ngaq-anr naf duidui-eu duqkhanq-euq lafkhoer, Zanrtsuini ghae-eu yawnaf-anr biga naeqlaf-euq mae.

Akha

⁶ Naꞈ dui dui-eu lmˬ bymˇ lo kʼahˬ laꞈ kʼoeˇ, zahˇ tsui ni gʼeh-eu duˬ kʼahˬ laꞈ kʼoeˇ, ngaˬ-ahˇ nawˇ biˬ ahˇ-euˬ meh.

Jaceuq 88:6 Referans Kwoze

Jaceuq 69:15

Tanqghae lef-eu irjeuq nae, ngaq-anr taqbi danqpymq naeqlaf. Yawnaf nae khawf, ngaq-anr taqbi myeufanr naeqlaf. Mirtsaq duqkhanq-euq khaqmae, ngaq-euq khoertav taqbi piqtaeq naeqlaf.

Jaceuq 86:13

Aqjeq mirnae aernar-aq, Nawr, ngaq-anr ghawqshaq gaq-eu jeq zawr huiq-eu mae. Nawr, ngaq-euq nuima saflar-anr, Naf-eu shiqbuir lanma-anr nae bibuq-ir naeqlaf-euq mae.

Yoˇhaˬ 12:46

Ngaq-anr kharjan-eu tsawrhaq yawzanr-euq lafkhoer maqya jawrni, ngar yawshaef lof-aer mirtsaq-euq khoertav oe-euq ma.

Jaceuq 143:3

Muir-eu ghaq, ngaq-euq nuima saflar-anr khaeq-awr khavnaeq laf-awr, Ngaq-euq daefzir mirtsa nawqpyaev naeqlaf-euq mae; Aqyawf, ngaq-anr arhuba nae shirtaq-euq deuq-anr lof-aer, Zanrtsuini ghae-eu lafkhoer bijawr naeqlaf-euq mae.

Jaceuq 40:2

Aqyawf, ngaq-anr lan’yaq lansix hawr-eu zawr doer-eu duqkhanq-anr nae gheudov naeqlaf-awr, Ngaq-euq aqkuir khaqlo-euq khoertav ciqdav naeqlaf-euq uqtaf, Ngaq-euq kuirtof lavzif naeqlaf-euq mae.

Yuˇdaˆ 1:13

Aqyawf maf-aq, iqmalavshav-euq lafkhoer irluv dzae duidui-awr, buirmeuf bi meuflar-eu lof-aer yawqha-euq shafdawr-eu jeq-anr bi dovlar-eu mae. Aqyawf maf-aq, yawqha-euq garma-anr maqcan-eu aqguir lof-aer dur-awr, aqyawf maf-euq gharduq, li-eu maqbawni zanr duidui-eu yawzanr laeqhmq taq-euq mae.

Yuˇdaˆ 1:6

Khoeruqtaf, yawqha ya’mr-eu yawbae jeq-anr byaerdzae-awr, yawqha-euq jawrduq jawrzar-anr maqjawr-euq mqtav ghaqkhaer deuq-anr, Miqyaer mqmaq maqbyav yarzir-euq shmrcav nae paf-awr, zanrtsuini ghae-eu jawrduq-euq lafkhoer kalanr taq-awr, yarkhaq dar-eu arnan nanma khoernan-euq gharduq laeqhmq taq-euq mae.

Dawqdaq 4:19

Tsawrcawv-euq garma-aq, yawzanr-anr dur-awr, Aqyawfmaf aqjeq-anr paevtov-euq nya laer khawf maq siqnya-a.

Jaceuq 130:1

Ya’we Miqyaer-or! Naf duidui-eu gar nae, ngar, nawq-anr gurgaq luf-eu ma.