Jaceuq 86:14 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Miqyaer-or! Nuima huiq-eu tsawrhaq tsawqtur-awr, Ngaq-anr caelar luf-eu mae. Coeqler deuqler paq-aer mr-eu baqmaf, Ngaq-anr saef-eu laer povluf-eu mae. Aqyawf maf-euq maeqshi, nawq-anr maqbi jawr-a.

Akha

¹⁴ Miˬyehˇ-oˇ, nui ma huiˬ-eu tsawˇ haˬ deuˬ ngaˬ-ahˇ ceh le-eu lehˇ oe luꞈ meh. Haiˬ-eu tsawˇ haˬ tiˬ muˇ ngaˬ-ahˇ sehꞈ-eu lehˇ leh jeh luꞈ meh. Aˬ yawꞈ maꞈ nawˬ-ahˇ yaw zeu maˬ baw-a.

Jaceuq 86:14 Referans Kwoze

Jaceuq 54:3

Aqjeq mirnae aernar-aq, boermiq siqkhaq, Ngaq-euq daefzir yur-eu laer turlar taq-awr; Khaeq-awr khav-eu deuq ngaq-anr saef-eu laer povluf-eu mae. Aqyawf maf-aq, Miqyaer-anr yawzeu maqbaw-a.

Jaceuq 36:1

Tsawrcawv banq-awr laeq-eu garkawv, Ngaq-euq nuima-euq lafkhoer anr-eu dawq-aq, heulof-aer ma. Aqyawf-euq myavkhae, Miqyaer-anr guv-eu jeq maqjav nga.

Jaceuq 14:4

Ya’we Miqyaer-anr maqkur-aer, ngaq-euq tsawrhaq-anr kaqmur dzaq-eu lof-aer dzaqjir-euq, Yawlaeq yawca jeq mr-eu khoerdeuq dawqtawvluf siqnya-eu tsawrganr maqanr-eu la laq?

Jaceuq 140:5

Nuima huiq-eu tsawrhaq, ngaq-anr lanrju hawr-eu cavpyeuv khmrzaf taq-euq mae; Aqyawfmaf, garma gardzer bawghaf khmrtaq-awr, Ngaq-anr lafpeu khmrtaq-euq mae. Sela.

Jaceuq 119:85

Janrghae-eu tsawrhaq, ngar bi gasaef-eu laer duqkhanq khanqtaq-euq mae; Aqyawfmaf, nawq-euq zanrdawq-anr maq daefcaw-a.

Jaceuq 119:69

Janrghae-eu tsawrhaq jaqmyawf myawf-awr, ngaq-anr aerdoer-eu khawf, ngaq-euq nuima dawqtawvluf, Nawq-euq maeqdawq-anr mrcaw ma.

Jaceuq 119:51

Nuima huiq-eu deuq, ngaq-euq garkawv yawkhav-aer jaja-aer uir-eu mae. Aerkhawf, ngar, nawq-euq zanrdawq-anr maq byaerdzae.

Jaceuq 36:11

Nuima huiq-eu tsawrhaq-euq aqkuir, ngaq-anr taqbi caelar naeqlaf; Tsawrcawv-euq aqlaf nae, ngaq-anr taqbi taedzae naeqlaf.

Jaceuq 10:13

Aqjeq mirnae tsawrcawv, Miqyaer-anr yaeqbawq-aer aer-awr, Aqyawf-euq nuima-euq lafkhoer, “Miqyaer-aq, garkawv maqyur-ar” laer noeq-eu la?

Jaceuq 10:11

Tsawrcawv, aqyawf-euq nuima-euq lafkhoer aer-eu, “Miqyaer-aq, ngaerjir-awr, aqyawf-euq myavpyawq ciqzaf taq-awr, tiqjeq-anr-iq maqmawr nya-ar.”

Jaceuq 10:4

Tsawrcawv-aq, nuima huiq-eu lafkhoer Miqyaer-anr maqpov-a. Aqyawf maf-euq nuinoeq dawqtawv luf-euq lafkhoer, Miqyaer-anr maq noeqkeuv-a.

Jaceuq 54:5

Aqyawf, ngaq-anr muir-eu deuq-anr yawdoer mrpoeq janrkhofnaeq taef-a; Nawq-euq yawtsaq yawdawr nae, aqyawf maf-anr deuvtsaevdzae naeq-awq.