Jaceuq 85:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Nawq-euq tsawrhaq, nawq-euq lafkhoer laqkhaqcaer larni; Nawr, nga’maf-anr tiq pov maqpar lavdaef naeqlaf-eu laer ma laq?

Akha

⁶ Nga maꞈ-ahˇ gʼaˬ yaw shuiꞈ biꞈ nehˬ laꞈ. Nawˬ-euˬ tsawˇ haˬ pyeuꞈ-eu nga maꞈ nawˬ-ahˇ ja ceuˬ ma.

Jaceuq 85:6 Referans Kwoze

Jaceuq 80:18

Khoernar-aq, nga’maf, nawq-anr narkhan maqpar ciqpyawrnaeq ma. Nga’maf-anr lavdaef naeqlaf-awq. Nga’maf, nawq-euq tsawrmyanr-anr kur ma.

Jaceuq 90:14

Nga’maf-euq arnan aryamq dawqtawvluf, Nuikhanr shir-awr laqkhaq caercaer-aer daefnya’ni; Uqshawq paw, nga’maf-anr nawq-euq ghawqshaq gaq-eu jeq, Tiqbyanni bifnaeq laf-awq.

Jaceuq 71:20

Nawr, ngaq-euq khoertav zawr-aer huiq-awr kan-eu shaqzanq nargawr bi keuvle-euq mae. Aerkhawf, nawr, ngaq-anr lavdaef naeqlaf-awr, Naf-eu shir-eu mirkhanq-anr nae par sheuqdov naeqlaf taef-a.

Jaceuq 53:6

Irsaqleqlav-anr kakhof-eu jeq, Ziroq-anr nae dovle taef-a! Miqyaer, aqyawf-euq tsawrhaq-anr zaqkhav geuf-ir-euq gar nae sheuqkhoflaf ngae; Yaqkov laqkhaq bicaer-awr, Irsaqleqlav bi lurgha bi caergha-awq.

Jaceuq 138:7

Ngar gardzaq garkawv-euq ghanrcae canluf khawf, Nawr, ngaq-anr tiq pov par lavdaef naeqlaf taef-a; Nawr, nawq-euq aqlaf cawqja-awr nae, ngaq-anr muir-eu deuq-euq nuima paer-eu gar caekhofnaeq taef-a. Khoernar-aq, nawq-euq armar laf, ngaq-anr bibuq-ir naeqlaf taef-a.

Jaceuq 149:2

Aqyawf maf-anr bae-euq ghaq-euq lafkhoer, Irsaqleqlav laqkhaq bicaer luf-ur; Aqyawf maf-euq sanqpaq-euq baqda’nae, Ziroq-euq zaqdeuq bi lurgha bi caergha luf-ur.

Jaceuq 74:1

Miqyaer-or! Aqjeq mirnae nawr, nga’maf-anr li-eu maqbawni taedzae naeqlaf-eu le? Aqjeq mirnae, nawr, nawq-euq daega-euq yawrmaf-anr nuima paersaef-eu le?

Jaceuq 77:8

Aqyawf-euq ghawqshaq gaq-eu jeq, li-eu maqbawni jirshaw-euq la lor? Aqyawf-euq sarjax, saq-eu maqbawni gardanr maqpar tsoeq-eu mae laq?