Jaceuq 82:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqyawfmaf maq siqnya-aer, aqyawfmaf maq ghovshaw nya’ni, Aqyawfmaf, yawzanr-euq lafkhoer canluf-eu mae. Mirtsaq-euq dawqpaeq duqpur dawqtawvluf maqzif-a.

Akha

⁵ “Naw maꞈ aˇ naˆ naˆ-ehˇ laꞈ-i-awˇ, aˇ naˆ naˆ-ehˇ gah te. Naw maꞈ geuꞈ-eu tiˬ pawꞈ-iˬ maˬ ahˇ ni cawˆ jiˇ-awˇ, miˇ tsaˬ kʼoeˇ taˆ yaw tsaˬ yaw dawˇ jeˬ maˬ paˇ jaˆ meh.

Jaceuq 82:5 Referans Kwoze

Jaceuq 11:3

Dawqpaeq duqpur bi lavcawv-euq nar-aq, Tsaq-awr dawr-eu tsawrhaq aqjeq par janrnya-eu?”

Lormav 1:28

Aqyawfmaf dirdaq-aer Miqyaer-anr maq siqnya mawf-eu lof-aer, maq noeqsiq maq noeqmawr nya-eu nuima bi anrlar-awr, maqtsaq-eu jeq mrni, Miqyaer, aqyawf maf-anr pyaeqnaeq-euq mae.

Dawqdaq 2:13

Yawzanr-euq garma-anr can-ir-eu gharduq, Dawrcoeni daef-eu cankawv-anr byaerdzae-eu mae.

1 Yoˇhaˬ 2:11

Aerkhawf, yawqha-euq maernmr-anr byae-eu tsawrhaq-aq, yawzanr-euq lafkhoer jawr-awr, yawzanr-euq lafkhoer canluf-eu mae. Yawzanr khoer aqyawf-anr myavbaef bibaef-ir-euq mirnae, aqyawf aqgar irluf-eu le laer maq siqnya-a.

Yoˇhaˬ 12:35

Yeqsur, aqyawf maf-anr heulof-aer aernaeq-euq mae, “Nawmaf jawr-eu gar yawshaef tiqkhaeq bya-a siq. Yawzanr nawmaf-anr maqbi taemini, yawshaef bya ngae can-awq. Yawzanr-euq lafkhoer can-eu tsawrhaq-aq, aqyawf aqgeugar irluf-eu le laer maq siqnya-a.

Dawqdaq 1:29

Aqjeq mirnae aernar-aq, Aqyawfmaf, siqnya-eu tsawrganr-anr byae-awr, Ya’we Miqyaer-anr guv-eu jeq-anr maq tsergeuf-a.

Jaceuq 14:4

Ya’we Miqyaer-anr maqkur-aer, ngaq-euq tsawrhaq-anr kaqmur dzaq-eu lof-aer dzaqjir-euq, Yawlaeq yawca jeq mr-eu khoerdeuq dawqtawvluf siqnya-eu tsawrganr maqanr-eu la laq?

2 Tiˆmoˇseˬ 2:19

Aerkhawf, Miqyaer nae zeurdanr danrtaq-euq jeq-aq, zifdanni javluf-eu mae. Zeurdanr-euq khoertav jmq heulof-aer diqtaq-euq mae: “Sanqpaq Miqyaer-aq, aqyawf-euq tsawrhaq deuq-anr siqnya-eu mae,” (Bts 16:5) hawr-eu, “Kali-euq tsawrmyanr-anr kharkur-eu tsawrhaq yawqghaq navluf, maqtsaq maqdawr-eu jeq-anr aqdir byaerdzae-awq” laer boftaq-euq mae.

Yoˇhaˬ 3:19

Yarkhaq dar-eu jeq-aq heulof-aer mae. Mirtsaq-euq khoertav yawshaefbya le-euq khawf, tsawrhaqzaq yawdoer jeq mr-eu mirnae, yawshaef-anr navmaqtser yawzanr-anr gaq-eu mae.

Jaceuq 53:4

Ngaq-euq tsawrhaq-anr kaqmur dzaq-eu lof-aer dzaq-eu tsawrhaq, Yawlaeq yawca jeq mr-eu deuq, siqnya-eu tsawrganr maqanr-aer, Aqyawfmaf, Miqyaer-anr maqkur-eu la laq?

Dawqdaq 4:19

Tsawrcawv-euq garma-aq, yawzanr-anr dur-awr, Aqyawfmaf aqjeq-anr paevtov-euq nya laer khawf maq siqnya-a.

Jaceuq 75:3

Mirtsaq tanqkhawr hawr-eu mirtsaq-euq khoertav jawr-eu deuq guirbyov-ir luf ngae; Ngar, mirtsaq-euq khawrzeur deuq lavzif ma. Sela.

Jaceuq 99:1

Ya’we Miqyaer uvlanrluf mae. Tsawrhaqzaq yawdzuq bidzuq-awq! Aqyawf, Jeqlurbeq-euq yawkaq-anr jawr-eu mae. Mirtsaq mirluv bi luvlar-awq!