Jaceuq 8:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Nawr noeqkeuvnaeq paq-aer, tsawrhaqzaq aqjeq pyeuf-eu la? Nawr oemawr paq-aer tsawrhaq-euq zaqyo aqsur ghaq la?

Akha

⁴ tsawˇhaˬzaˬ-ahˇnawˇnoeˬpaˬ-ehˇ, tsawˇhaˬzaˬ aˬjeˬ-a. Teˬ-eu tsawˇhaˬloˆni gʼeh gaˇ, nawˇkʼahˇkʼoꞈnehˬ-eu meh.

Jaceuq 8:4 Referans Kwoze

Jaceuq 144:3

Ya’we Miqyaer-or! Nawr hawcawq-awr siqnya paq-aer tsawrhaq aqjeq la? Nawr, aqyawf-euq garkawv sharnoeq paq-aer, tsawrhaqzaq teu aqjeq nga?

Jaceuq 146:3

Nawr, dzoeqda deuq-anr taqghoe. Nawr, maq cawba nya-eu tsawrhaqzaq-anr khawf taqghoe.

Luˇkaꞈ 1:68

“Irsaqleqlav-euq Sanqpaq Miqyaer-anr jaceuq-eu tsaq mae. Aqjeq mirnae aernar-aq, aqyawf-euq zaqlanr-anr aqyawf ngaeqghae le-awr, aqyawf maf-anr kakhof-euq mae.

Maꞈtehˬ 8:20

Khoer-anr Yeqsur aernaeq-eu, “Byaqhir-aq, khaeqbanq baw-awr, mqtav zaw-eu arjir khawf banq jav-eu mae. Aerkhawf, Tsawrhaq-euq Zaqyo-aq, uqduq bafdarduq khawf maqjav.”

Jaceuq 80:17

Nawq-euq aqlaf, nawq-euq armar paw jawr-euq ghaq-euq khoertav bijav-awr; Nawq-euq gharduq ghaq bikhav-euq tsawrhaqzaq-euq khoertav bijav-awq.

Jaceuq 106:4

Ya’we Miqyaer-or! Nawr, nawq-euq tsawrhaq-anr ghoer mr-eu lafkhoer, ngaq-anr noeqkeuv naeqlaf. Nawr, kakhof-eu jeq yur-awr ngar jawr-eu gar oemawr-awq.

Luˇkaꞈ 19:44

Nawq-anr muir-eu deuq, nawr hawr-eu nawq-euq lafkhoer jawr-eu nawq-euq zaqdeuq-anr mirtsa dini lavcawvjir naeqlaf taef-a. Nawq-euq lafkhoer anr-eu khaqlo deuq khawf tiqsiq-euq khoertav tiqsiq maqbi javyaf-eu gar keuvni janrnaeqlaf taef-a. Aqjeq mirnae aernar-aq, Miqyaer, nawq-anr hawle-euq aryamq-anr nawr maq siqnya-eu beu!”

Jaceuq 4:2

Tsawrhaq-euq zaqdeuq-or! Nawmaf aqmyan keuvni, ngaq-euq khanqsaer yur-awr, daqga-eu jeq lavpyeuf-eu laer ghae-eu le? Nawmaf, aqmyan keuvni gardanr maqtsoeq-eu jeq-anr gaq-awr, jaqmyawf-anr pov-eu laer le? Sela.

1 Beˬtuˆluˆ 2:12

Nawmaf, Miqyaer-anr maqjan-eu tsawrhaq deuq-euq ghanrcae, yawmuiq jeq mrmr-aer daef-awq. Nawmaf yawdoer jeq mr-eu tsawrhaq-a laer aqyawfmaf jadoer-eu khawf, nawmaf yawmuiq jeq mr-eu gar ya’mawr-euq mirnae, Miqyaer-anr dzoer ngae nan, aqyawfmaf, Miqyaer-anr ciqhuiq ciqmanr taef-a.

Jaceuq 19:2

Arnan tiqnan sair tiqnan dawqngaeq ngaeq duidui luf-awr, Uqcif tiqmir sair tiqmir siqnya-eu tsawrganr panmaeq naeqluf-eu mae.

Jaceuq 96:5

Aqjeq mirnae aernar-aq, aqcawq-euq tsawrjeuq-euq miqyaer-aq, Tanqpanq aqma mawrkawr taef mae. Aerkhawf, Ya’we Miqyaer-aq, mq bae-euq ghaq mae.

Jaceuq 136:5

Aqyawf-euq zaqsiq tsawrganr nae, mqdeuq-anr bae-euq mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

Jaceuq 136:9

Bala hawr-eu aqguir deuq-aq, uqcif paw bi uvlanr-euq mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.