Jaceuq 79:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Khoerngae, nawq-euq daega-anr jawr-eu yawr, Nawq-euq tsawrhaq pyeuf-eu nga’maf, Nawq-euq guiqlanq-anr li-eu maqbawni jaceuq-awr, Yawqzir navluf nawq-anr jaceuq-eu jeq bi mawryaf ma.

Akha

¹³ Kʼoeˇ ngeh, nawˬ-euˬ yawˇ kuˆ-ahˇ uˇ-eu yawˇ pyeuꞈ-eu nga maꞈ nawˬ-euˬ tsawˇ haˬ deuˬ, nawˬ-euˬ guiˬ lahˬ-ahˇ aˬ myah luꞈ noeˬ mawˇ-awˇ, mˬ maˬ maˬ byaˆ zaˇ ziˇ nawˬ-ahˇ ja ceuˬ ma.

Jaceuq 79:13 Referans Kwoze

Jaceuq 95:7

Aqjeq mirnae aernar-aq, aqyawf-aq, aqdui-euq Miqyaer mae. Aqdui-aq, aqyawf-euq daega-anr jawrluf-eu tsawrhaq pyeuf-awr, Aqyawf-euq aqlaf-euq yawrmaf ma. Iqnan, nawmaf, aqyawf-euq tersar-anr yagaq-euq ngeur nar-aq.

Jaceuq 100:3

Ya’we Miqyaer-aq, Miqyaer mae laer siqnya-awq. Aqdui, yawqhar yawqha bae-euq maqngeur, Aqdui-anr bae-euq ghaq-aq, aqyawf mae. Aqdui-aq, aqyawf-euq tsawrhaq hawr-eu, Aqyawf-euq daega-anr jawr-eu yawr pyeuf-eu ma.

Jaceuq 74:1

Miqyaer-or! Aqjeq mirnae nawr, nga’maf-anr li-eu maqbawni taedzae naeqlaf-eu le? Aqjeq mirnae, nawr, nawq-euq daega-euq yawrmaf-anr nuima paersaef-eu le?

Jaceuq 145:4

Nawq nae mr-euq gardeuq-euq garkawv, tiqzir sair tiqzir jaceuq taef-a; Nawq nae baoq-euq lafkhoer mr-euq deuq, dzawrgaqnaeq taef-a.

Jaceuq 74:22

Miqyaer-or! Turlar-awr nawq-euq yarkhaq ja-awq. Aqdzawq argan deuq, nan-anr nae nawq-anr ngaeqdoer-euq gar taqngaer de-eq.

Jaceuq 74:18

Ya’we Miqyaer-or! Muir-eu deuq ngaeqdoer-awr, Aqdzawq argan deuq, nawq-euq tsawrmyanr-anr, Yaeqbawq saerlu-aer aer-eu gar taqngaer de-eq.

Jaceuq 45:17

Nawq-euq tsawrmyanr-anr yawqzir yawqjo navluf noeqmawr nya’ni, ngar mr-ir ma; Khoer-euq baqda’nae, tsawrhaqzaq li-eu maqbawni, mqmaq maqbyav yarzir nawq-anr jaceuq taef-a.

Jaceuq 44:8

Nga’maf nan’ga-i Miqyaer-euq lafkhoer khanqsaer jaev-awr, Li-eu maqbawni, nawq-euq tsawrmyanr-anr jaceuq ma. Sela.