Jaceuq 79:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Aqjeq ghae-eu aqcawq tsawrjeuq heulof-aer bi’aer-eu, “Aqyawf maf-euq Miqyaer aqgeugar jawr-eu la?” Nawq-euq kuirlaf zaqkhav deuq-anr shiq lavdov-euq deuq-anr, Lafpov povkhof naeq-eu garkawv, nga’maf-euq maeqshi, Tsawrjeuq tsawrca deuq-anr bisiq-awq.

Akha

¹⁰ Naw maꞈ-euˬ Miˬyehˇ aˬ gaˇ jawˇ ta lehˇ, aˬ cawˬ tsawˇ jeuˬ nga maꞈ-ahˇ aˬ jeˬ gʼeh bi naˇ haˬ laˇ ta. Nawˬ-euˬ zaˬ kʼaˆ deuˬ-ahˇ shiˬ laˆ doˆ nehˬ-eu tsawˇ jeuˬ kʼoeˇ deuˬ-ahˇ nawˇ kʼehˬ nehˬ gaˇ, nga maꞈ-ahˇ bi mawˇ laꞈ.

Jaceuq 79:10 Referans Kwoze

Jaceuq 42:10

Aqyawfmaf, yawqnan navluf ngaq-anr narhaq lar-eu, “Aqlaeq, nawq-euq Miqyaer aqgeugar jawr-eu la?” Ngaq-anr muir-eu deuq, ngaq-anr heulof-aer caeflaef kalar-eu khoer-aq, Ngaq-euq shaqyoeq bi ngawqkhaef-euq gar dur-eu mir-a.

Panmaeq 18:20

“Mqtav mirkhanq-or! Meuq heumeuq byov-ir-euq mirnae laqkhaq caer-awq. Nawmaf, shawr-eu ghaqkhaer hawr-eu Miqyaer gharduq ngaeqdan-eu deuq khawf laqkhaq caer-awq. Aqjeq mirnae aernar-aq, nawmaf-euq gharduq Miqyaer, aqyawf-anr janrkhof naeq-euq mae!”

Jaceuq 115:2

Aqjeq ghae-eu aqcawq tsawrjeuq heulof-aer narhaq-eu nga, “Aqyawf maf-euq Miqyaer aqgeugar jawr-eu la?”

Jaceuq 94:1

Ya’we Miqyaer-or! Lafpov povkhof-eu jeq-aq nawq-euq mae. Miqyaer-or! Lafpov povkhof-eu jeq-aq nawq-euq mae, Byadov lef-awq!

Jaceuq 42:3

Aqcawq, ngaq-anr maq tsaevlerni aer-eu, “Aqlaeq, nawq-euq Miqyaer aqgeugar jawr-eu la?” Khoermirnae, uqcif nan’ghanr maqaer, Ngaq-euq myavbir-aq, ngaq-euq dzaqdzaq dawrdawr pyeuflar taq-euq mae.

Lormav 12:19

Ngar zawr gaq-eu cawqdeuq-or! Yawqha yawqha lafpov taq povkhof. Aerkhawf, Miqyaer nuima paer-eu jeq-euq gharduq taq-awq. Aqjeq mirnae aernar-aq, Yaerbof-euq lafkhoer boftaq-euq, “Lafpov povkhof naeq-eu jeq-aq, ngaq-euq gar ma. Ngar janrkhofnaeq ma,” (Dm 32:35) laer Sanqpaq Miqyaer aer-eu mae.

Jaceuq 58:11

Khoer-euq baqda’nae, tsawrhaqzaq heulof-aer aer taef-a, “Tsaq-awr dawr-eu tsawrhaq deuq-euq gharduq, aqdir mrpoeq lafsawq jav-eu ngar-a; Mirtsaq tanqkhawr-anr yarkhaq dar-eu Miqyaer aqdir jawr-eu ngar-a.”

Jaceuq 9:16

Ya’we Miqyaer aqjox-aer ghae-eu la laer-aq, aqyawf yarkhaq dardov laf-eu gar nae siqlar-eu mae. Tsawrcawv-aq, yawqha-euq aqlaf nae mr-euq jeq-euq lanrju-anr pafler-eu lof-aer pafler-eu mae. Dzardziv dziv-awq. Sela.

Jaceuq 42:4

Ngar, tsawrhaq armaf mafma naeq-aer le-awr, Ngar, aqyawfmaf naeq-aer Miqyaer-euq nymr-anr le-euq ma. Laqkhaq caer-eu tersar hawr-eu jaceuq-eu lafkhoer, Tsawrhaq armaf mafma naeq-aer guiqlanq-euq yawbui bui-eu mae. Ngar heudeuq-anr noeqmawrlar ngae, Ngaq-euq nuima saflar shaevdov lef-euq ma.

Jaceuq 42:11

Ngaq-euq nuima saflar-or! Aqjeq ghae-eu mrnyoeq saef-eu le? Aqjeq mirnae nawr, ngaq-euq lafkhoer maqsar marsar-aer ghaesaef-eu le? Miqyaer-anr noeqtmq-awq. Aqjeq mirnae aernar-aq, ngaq-euq Miqyaer, Ngaq naeq-aer jawr-awr cawba naeqlaf-eu mirnae ngar, aqyawf-anr jaceuq le siq.