Jaceuq 77:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Ngar, Ya’we Miqyaer-euq gardeuq-anr noeqkeuv ma. Ngar, arhuba nawq nae zanqler paq-aer ghae-eu jeq, Mryaf-euq gar aqdir noeqkeuv ma.

Akha

¹¹ Sahˬpaˬ Miˬyehˇ-oˇ, nawˬ neh mˇ-euˬ huiˬ-eu gaˇ deuˬ-ahˇ ngaˇ noeˬ keuˆ ma. Dzeuˇ laˇ ngeh nawˬ neh mˇ yaꞈ-euˬ zahˬ leˇ paˬ-ehˇ gʼeh-eu gaˇ deuˬ-ahˇ ngaˇ noeˬ mawˇ ma.

Jaceuq 77:11 Referans Kwoze

Jaceuq 143:5

Ngar, arhu-euq arnan aryamq-anr noeqmawr-awr, Ngar, nawq nae mr-euq gardeuq dawqtawv luf-euq garkawv dzardziv dziv-eu lafkhoer, Ngar, nawq-euq aqlaf nae gar mr-euq garkawv sharnoeq sharsawx luf-eu ma.

Jaceuq 105:5

Miqyaer nae mr-euq zawr muiq-eu gardeuq hawr-eu; Aqyawf nae zanqler paq-aer ghae-eu jeq mr-euq uqtaf; Aqyawf-euq khaqmae nae yarkhaq dar-euq jeq-anr noeqmawr-awq,

Jaceuq 28:5

Aqyawfmaf, Ya’we Miqyaer-euq lafzar-anr hawr-eu, Aqyawf-euq aqlaf nae mryaf-euq jeq-anr maq sharnoeq-eu mirnae, Aqyawf, aqyawf maf-anr maq bihuiq maqbi manrlar-aer, aqyawf maf-anr lavcawv taef-a.

Jaceuq 111:4

Aqyawf, aqyawf-euq zanqler paq-aer ghae-eu gardeuq-anr bi noeqtaq-eu gharduq mr-euq mae. Ya’we Miqyaer-aq, guiqlanq yawdzanr, Hawr-eu ghawqshaq gaq-eu jeq byan-eu mae.

Jaceuq 78:11

Aqyawfmaf, aqyawf nae bimawr-euq aqyawf-euq gardeuq, Hawr-eu zanqler paq-aer ghae-eu jeq ngaer-euq mae.

Jaceuq 77:10

Khoernar-aq, ngar aer-eu, “Heu-aq, ngar nuima nar-eu tiqjeq ma. Aerkhawf, ngar, Gor duidui-eu ghaq-euq armar laf-euq arkhof arla-anr noeqkeuv ma.”