Jaceuq 73:28 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Aerkhawf, Sanqpaq Miqyaer-euq dawqpae jawr-eu-aq, Ngaq-euq gharduq yawmuiq mir-a. Ngar, nawq nae mr-euq gardeuq dawqtawv luf-euq garkawv dawqdzawr mrni; Ngar, Sanqpaq Miqyaer pyeuf-eu Ya’we Miqyaer-anr ngaq-euq caevzafduq bipyeuf-euq ma.

Akha

²⁸ Ehˇ kʼawꞈ, Miˬyehˇ-euˬ dawˬ peh ya jawˇ-eu jeˬ ngaˬ-euˬ gʼaˇ duˬ muiˬ dui dui nya. Ngaˬ-euˬ ziꞈ duˬ gʼoe duˬ-aˬ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ma. Aˬ yawꞈ neh kʼaˇ mˇ-euˬ jeˬ dawˬ tawˆ luꞈ ngaˇ ja gaˬ ma.

Jaceuq 73:28 Referans Kwoze

Jaceuq 40:5

Ngaq-euq Miqyaer pyeuf-eu Ya’we Miqyaer-or, Nawq nae mr-euq zanqler paq-aer muiq-eu jeq, Ghawqmya’ni myaq-eu mae. Nga’maf-euq gharduq, nawq-euq nuinoeq teu-aq, Tiqjeq sair tiqjeq gui ngae maq guijir coer-a. Ngar dzawr-awr ngaeq-eu lawnmr khawf, Ardzaeq-aer myaq-eu mirnae maq sawxdovjir coer-a.

Yaˬkoˆ 4:8

Miqyaer-euq dawqpae taeqni jivler-awq. Jivler nar-aq, Miqyaer khawf nawmaf-euq dawqpae jivle taef-a. Iqbaxzaq-or! Nawmaf-euq aqlaf dzuifshawr-awq. Nuinoeq nyiq noeq anr-eu tsawrhaq-or! Nawmaf-euq nuima lavmuiq lavshawr-awq.

Jaceuq 65:4

Nawq-euq dawqpae bilar-awr nawq-euq nymr-euq povka bijawr-eu laer, Nawq nae tserdov-euq tsawrhaq-aq, guiqlanq huiq-eu mae. Nga’maf, nawq-euq nymr hawr-eu nawq-euq shawr-eu uqduq tanqnymr nymrma-euq yawmuiq jeq-euq baqda’nae nuima tmqjawvni yaghae taef-a.

1 Beˬtuˆluˆ 3:18

Aqjeq mirnae aernar-aq, Kali khawf iqbax-euq gharduq shaqzanq tiq pov daq-euq mae. Maqtsaq maqdawr-eu tsawrhaq-euq gharduq, tsaq-awr dawr-eu ghaq yadaq-euq mae. Aqyawf, aqdui-anr Miqyaer-euq maeqshi sheuqlef nya’ni, shiqshaq paw-aq, bi tafsaef-euq khawf, muiq-eu Saflar nae bi ghofdaef lar-euq mae.

Jaceuq 118:17

Ngar maq shirbyovni daef-awr, Ya’we Miqyaer nae mr-euq gardeuq-euq garkawv dawqdzawr mr ma.

Jaceuq 71:24

Ngaq-anr lavnar-eu laer pov-eu deuq-anr, myavpyawq narmaer bicawv-ir-awr, Shafdawr-eu jeq bi keuvle-euq mirnae, nawr tsaq-awr dawr-eu garkawv, Ngaq-euq maeqlar nan’ga-i jaceuq ma.

Jaceuq 84:10

Nawq-euq nymr-euq povka tiq nan jawr-eu-aq, Nuigar 1,000 nan jawr-eu navmaqtser poeq nya. Tsawrcawv-euq saeqghawv-euq lafkhoer jawr-eu navmaqtser, Miqyaer-euq nymr-euq ghovkhaeq-anr yawf-awr lof-eu-aq, Ngar nuikhanr shirdzaeq ma.

Jaceuq 116:7

Ngaq-euq nuima saflar-or! Nawq-euq ghaqnaq naqduq-anr ghofkhof ler-awq. Aqjeq mirnae aernar-aq, Ya’we Miqyaer, nawq-anr yawkhav-aer muiqnaeq laf-euq mae.

Jaceuq 107:22

Aqyawfmaf, guiqlanq-anr jaceuq-eu lawr-eu jeq bilawr-awr; Laqkhaq caercaer-aer aqyawf-euq gardeuq-euq garkawv dawqdzawr bimr-awq.

Jaceuq 71:17

Miqyaer-or! Nyir ngae nae nawr, ngaq-anr maeqnaeq tsovnaeq laf-awr, Nawq nae mr-euq zanqler paq-aer ghae-eu gardeuq-anr, iqnan keuvni ngar dawqdzawr mrluf-eu ma.

Jaceuq 66:16

Miqyaer-anr guv-eu nawmaf dawqtawvluf lar-awr narhaq lar-awq. Ngar, nawmaf-anr aqyawf nae ngaq-euq nuima saflar-euq gharduq, Mrnaeq laf-euq jeq dzawrnaeq nyar.

Jaceuq 14:6

Nawr, irshaqzaq-euq maeqbawq daq biga-ir-eu laer ghae-eu khawf, Ya’we Miqyaer-aq, aqyawf maf-euq caevzafduq pyeuf-eu mae.

Jaceuq 71:15

Ngaq-euq khaqmae, nan’ga-i nawq-euq tsaq-awr dawr-eu garkawv, Hawr-eu nawq-euq kakhof-eu jeq-euq garkawv ja ma. Aqjeq mirnae aernar-aq, garkawv heudeuq armyavni jav-eu, ngar maq siqnya nya.