Jaceuq 73:25 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Mq-euq khoertav, nawr maqngeur nar-aq, ngar, aqsur ghaq parjawr-eu? Mirtsaq-euq khoertav, nawr maqngeur nar-aq, Ngar geufmawf-eu tiqghaq-iq maqjawr.

Akha

²⁵ Nawˇ maˬ ngeuˇ ngaˬ-euˬ gʼaˇ duˬ mˬ kʼoeˇ taˆ aˬ suˇ gʼaˬ paˇ jawˇ ta. Nawˇ maˬ ngeuˇ miˇ tsaˬ kʼoeˇ taˆ aˬ suˇ gʼaˬ-ahˇ ngaˇ paˇ loˬ ta.

Jaceuq 73:25 Referans Kwoze

Piˇliˇpiˆ 3:8

Aqdir aernar-aq, ngar, ngaq-euq Sanqpaq Yeqsur Kali-anr yawmuiq-aer siqnya-eu tsawrganr baqda’nae, khoerdeuq-anr smq-eu jeq laer sawxtaq-euq ma. Ngar, Kali-anr za’ni, aqyawf-euq gharduq yawqjeq navluf smq-euq gar yadaq-awr, khoerdeuq dawqtawv luf-anr javguv javmeuq lof-aer sawxtaq-euq ma.

Jaceuq 16:2

Ngar, Sanqpaq Miqyaer-anr heulof-aer aer-eu ma, “Nawr-aq, ngaq-euq Ya’we Miqyaer ma. Nawr maqngeur nar-aq, ngar yawmuiq nuijeq tiqjeq-iq maqjav.”

Jaceuq 63:3

Nawq-euq ghoer-awr gaq-eu jeq-aq, daefzir navmaqtser muiqdzaeq-eu mirnae, Ngaq-euq maeqluq, nawq-anr jaceuq ma.

Jaceuq 16:5

Ya’we Miqyaer-or, nawr-aq, ngaq-euq jeqbir-euq shaqbymr hawr-eu ngaq-euq khmqmaq ma. Nawr, ngaq-anr of-eu shaqbymr hawsav naeqlaf-euq mae.

Maꞈtehˬ 10:37

“Ngaq-anr gaq-eu navmaqtser, aqma aqda-anr gaq-eu tsawrhaq-aq, ngaq-anr maqgeux-a. Ngaq-anr gaq-eu navmaqtser, zaq-anr gaq-eu tsawrhaq-aq, ngaq-anr maqgeux-a.

Jaceuq 104:34

Ngar dzardziv dziv-eu jeq, aqyawf nuikhanr shir-eu jeq pyeuf luf-ur! Ngar, Ya’we Miqyaer-euq lafkhoer laqkhaqcaer ma.

Jaceuq 37:4

Ya’we Miqyaer-euq lafkhoer laqkhaq caer-awq; Aqyawf, nawq-euq nuima geufmawf-eu jeq bifnaeqlaf taef-a.

Jaceuq 89:6

Mq-euq khoertav, Ya’we Miqyaer-anr ciqcaev nya-eu aqsur ghaq jawr-eu la? Ghaq anr-eu deuq-euq zaqdeuq, Ya’we Miqyaer-anr dur-eu aqsur ghaq jawr-eu la?

Jaceuq 43:4

Khoernar-aq, huiq duidui-eu ngaq-euq laqkhaq caerduq pyeuf-eu Miqyaer jawr-eu, Miqyaer-euq lawrduq-anr ngar le ma. Ngaq-euq Miqyaer pyeuf-eu Miqyaer-or, Ngar, deur-mq diq-awr nawq-anr jaceuq ma.

Jaceuq 16:11

Nawr, ngaq-anr daef-eu jeq bif-eu garma toeqmaeq naeqlaf-euq mae; Nawq-euq maeqshi laqkhaq caer-eu jeq byan-awr; Nawq-euq armar laf-anr, mqmaq maqbyav yarzir lurgha caergha-eu jeq jav-eu mae.

Panmaeq 21:3

Khoerngae, ngar, mq-anr nae tersar yawkhav-aer heulof-aer ngaeqdov lef-eu gar yagaq-euq ma: “Hawsher-eq. Miqyaer-euq jawrduq, tsawrhaq jawr-eu gar javle-euq mae. Aqyawf, aqyawfmaf naeq-aer jawr-awr, aqyawfmaf, Miqyaer-euq zaq pyeuflar taef-a. Miqyaer, aqyawfghaq, aqyawfmaf naeq-aer jawr-awr, aqyawf maf-euq Miqyaer pyeuf taef-a.

1 Yoˇhaˬ 3:2

Ngar zawr gaq-eu cawqdeuq-or! Nymq-mr aqdui-aq, Miqyaer-euq zaq ma. Aqkar aqdui aqjox-aer pyeuflar-eu gar maq panmaeq laf-aq siq. Aerkhawf, Kali dovle ngae, aqdui, aqyawf lof-aer pyeuflar taef-a laer siqnya ma. Aqjeq mirnae aernar-aq, aqyawf aqjox-aer pyeuf-eu gar aqdui byacaevni ya’mawr taef-a.

Maꞈtehˬ 5:8

“Nuima shawrjaevni ghae-eu tsawrhaq deuq-aq, guiqlanq huiq-eu mae. Aqjeq mirnae aernar-aq, aqyawfmaf, Miqyaer-anr ya’mawr taef-a.

Jaceuq 17:15

Aerkhawf, ngar lawnmr-aq, tsaq-awr dawr-eu lafkhoer nawq-euq myavpyawq-anr ya’mawr ma. Ngar noeqlar ngae, nawq-anr dur-eu shaevdzeuf za-euq mirnae, ngaq-euq nuima tmqjawvni ghae taef-a.