Jaceuq 73:24 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Nawr, ngaq-anr nawq-euq maeqbawq nae sheuqghae naeqlaf-awr; Arsaq saqlar ngae nawr, ngaq-anr yawshaef khanqsaer-euq lafkhoer, Hageuf naeqlaf taef-a.

Akha

²⁴ Nawˇ ngaˬ-ahˇ mehˬ-awˇ tsoˆ-awˇ sheuˬ gʼeh-eu laꞈ kʼoeˇ, aˇ saˬ saˬ laˇ ngeh nawˇ ngaˬ-ahˇ ciˬ huiˬ ciˬ mahˇ nehˬ laꞈ tehꞈ-a.

Jaceuq 73:24 Referans Kwoze

Jaceuq 32:8

Miqyaer aer-eu, “Ngar, nawr ya’ir-eu garma, nawq-anr maeqnaeq-awr bi ganrlar ma. Ngar, nawq-anr, ngaq-euq myavnuiv nae sheuqghaenaeq ma.

Jaceuq 48:14

Aqjeq mirnae aernar-aq, Miqyaer heughaq-aq, Li-eu maqbawni, mqmaq maqbyav yarzir aqdui-euq Miqyaer pyeuf-eu mae. Aqyawf, aqdui-anr shir ngae keuvni sheuqghae naeqlaf taef-a.

Jaceuq 25:9

Aqyawf, nuinanq nuiyu anr-eu deuq-anr, dawr-awr tsaq-eu paw sheuqghae naeq-awr; Aqyawf, nuinanq nuiyu anr-eu tsawrhaq-anr, aqyawf-euq garma maeqnaeq-eu mae.

Yaˬkoˆ 1:5

Nawmaf-euq lafkhoer tiqghaqnav zaqsiq tsawrganr teqluf nar-aq, Miqyaer-anr shar-eu tsaq mae. Miqyaer, aqyawf-anr bif taef-a. Aqjeq mirnae aernar-aq, Miqyaer-aq, aqyawf-anr kharshar-eu tsawrhaq-anr maqdaeq-aer ghawqmya’ni bif-eu mae.

Yoˇhaˬ 16:13

Aerkhawf, yawtsaq yawdawr-euq Saflar oekeuv ngae, nawmaf yawtsaq yawdawr dawqtawv luf-anr siqnya larni aqyawf sheuqmaeq naeqlaf taef-a. Aqjeq mirnae aernar-aq, aqyawf-aq, aqyawf-euq aryaq zmq-awr maqngaeq-a. Aerkhawf, aqyawf nae kharya gaq-euq jeq aqyawf ngaeq-awr, aqkar pyeuflar-eu garkawv deuq khawf, aqyawf, nawmaf-anr aernaeqlaf taef-a.

Jaceuq 84:11

Aqjeq mirnae aernar-aq, Miqyaer pyeuf-eu Ya’we Miqyaer-aq, Nanrma hawr-eu daeqdaqduq pyeuf-eu mae. Ya’we Miqyaer, guiqlanq yawdzanr hawr-eu, Yawshaef khanqsaer bif-awr; Aqyawf dawrcoeni can-eu deuq-anr, Yawmuiq jeq maqbif-aer maqghae-a.

Jaceuq 49:15

Aerkhawf, Miqyaer, ngaq-euq nuima saflar-anr, Lmqbymr-euq baoq-anr nae kakhof naeqlaf taef-a. Aqjeq mirnae aernar-aq, aqyawf, ngaq-anr hageuf naeqlaf taef-a. Sela.

Jaceuq 16:7

Ngar, ngaq-anr maeqbawq bifnaeq laf-eu Ya’we Miqyaer-anr jaceuq ma. Uqcif paw khawf, ngaq-euq nuima, yawqhar yawqha maeqdawq bifluf-eu mae.

Yoˇhaˬ 17:5

Aqda-or! Mirtsaq maqbae-euq minav-aer, ngar, nawq naeq-aer jawr ngae jav-euq yawshaef khanqsaer khoer, nymq-mr nawq naeq-aer tiqkawv lof-aer yawshaef khanqsaer biza naeqlaf-awq.

Yoˇhaˬ 17:24

“Aqda-or! Mirtsaq maqbae-euq minav-aer nawr, ngaq-anr gaqluf-eu mirnae, nawq nae ngaq-anr bifnaeq laf-euq yawshaef khanqsaer khoer-anr aqyawfmaf ya’mawrni, nawq nae ngaq-anr bifnaeq laf-euq tsawrhaq-anr ngar kharjawr-eu gar aqyawfmaf khawf bi jawrmawf mir-a.

Yoˇhaˬ 14:3

Ngar ghofler-awr, nawmaf-euq gharduq jawrzar lavsav ghaq-euq nar-aq, ngar tiq pov paroe-awr, nawmaf-anr sheuqlaqle ma. Aqjeq mirnae aernar-aq, ngar aqgar jawr nar-aq, nawmaf khawf khoergar yajawr taef-a.

Luˇkaꞈ 11:13

Nawmaf, tsawrdoer pyeuf-eu khawf, yawqha-euq zaq-anr lafsawq yawmuiq bifnaeq-eu siqnya-eu mae. Khoernav maqtser, mq-euq khoertav jawr-eu nawmaf-euq Aqda, aqyawf-anr shar-eu deuq-anr Yawshawr Saflar bifnaeq mawf-eu mae!”

Dawqdaq 8:20

Ngar-aq, tsaq-awr dawr-eu garma-anr can-awr, Dawr-awr tsaq-eu cankawv-euq ghanrcae can-eu ma.

2 Gawˇliˬtu 5:1

Aqjeq mirnae aernar-aq, aqdui-euq mirtsaq-euq nymr heu-aq, saeqghawv lof-aer dur-eu mae. Saeqghawv heu cawv-ir nar-aq, tsawrhaq-euq aqlaf nae tsov-euq nymr maqngeur-eu, mq-euq khoertav, Miqyaer nae aqdui-euq gharduq tsovtaq-euq, mqmaq maqbyav yarzir zif-eu nymr jav mae laer siqnya ma.

Luˇkaꞈ 23:46

Khoerngae, Yeqsur tersar yawkhav-aer gur-eu, “Aqda-or! ‘Ngar, ngaq-euq saflar, nawq-euq aqlaf-euq lafkhoer a’naeq ma. ’ ” (Jc 31:5) Aqyawf khoerlof-aer aerghaq-euq nar-aq, saf tsaev-euq mae.

Gʼaˬkʼehˇ 7:59

Aqyawfmaf, Saqteqpaq-anr khaqlo biqluf ngae, Saqteqpaq, Miqyaer-anr kurkur-aer aer-eu, “Sanqpaq Yeqsur-or! Ngaq-euq saflar-anr hageuf naeqlaf-awq.”