Jaceuq 72:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Sanqpaq dawqtawvluf, aqyawf-euq maeqshi ya gabyav-awr; Mirkhanq tsawrjeuq dawqtawvluf, aqyawf-euq kuirlaf yageuf taef-a.

Akha

¹¹ Sahˬ paˬ dawˬ tawˆ luꞈ aˬ yawꞈ mehˬ shi ya awˆ byaˆ-awˇ, tsawˇ jeuˬ dawˬ tawˆ luꞈ aˬ yawꞈ zaˬ kʼaˆ ya geuꞈ tehꞈ-a.

Jaceuq 72:11 Referans Kwoze

Panmaeq 11:15

Khoernar-aq, mqtav ghaqkhaer shif ghaq tiqghaq darhae baw ngae, mq-euq khoertav ghawqmya jeq-euq tersar yawkhav-aer aer-eu, “Mirtsaq-anr uvlanr-eu baoq-aq, aqdui-euq Sanqpaq Miqyaer hawr-eu aqyawf-euq Kali-euq pyeuflar-euq mae. Aqyawf mqmaq maqbyav yarzir uvlanr taef-a.”

Jaceuq 86:9

Sanqpaq Miqyaer-or! Nawq nae baetaq-euq tsawrjeuq dawqtawvluf, Nawq-euq maeqshi lar-awr uqduq tanqlar taef-a. Nawq-euq tsawrmyanr-anr ciqhuiq taef-a.

Panmaeq 21:26

Mirkhanq yawqkhanq navluf-euq yawshaef khanqsaer hawr-eu taqhuiq taqmanr-eu jeq, aqyawfmaf, meuq heumeuq-anr yurlaf taef-a.

Panmaeq 21:24

Kakhof-eu jeq za-euq tsawrjeuq tsawrca deuq, meuq heumeuq-euq yawshaef-anr ghoe-awr can taef-a. Mirtsaq-euq sanqpaq deuq khawf, yawqha-euq khanqsaer hawr-eu taqhuiq taqmanr-eu jeq, meuq heumeuq-anr yurlaf taef-a.

Panmaeq 17:14

Aqyawfmaf, Yawrzaq-anr guirdeuvdeuv taef-a. Guirdeuvdeuv ngae, Yawrzaq, aqyawf maf-anr deuvghaq taef-a. Aqjeq mirnae aernar-aq, Yawrzaq-aq, yawsanr deuq-euq Yawsanr hawr-eu sanqpaq deuq-euq Sanqpaq pyeuf-eu mae. Yawrzaq naeq-aer jawr-eu tsawrhaq deuq-aq, kurdov taq-euq tsawrhaq, tserdov taq-euq tsawrhaq hawr-eu sarjax zif-eu tsawrhaq deuq mae.”

Lormav 11:25

Aqyuif aqnyir deuq-or! Nawmaf yawqhar yawqha zaqsiq tsawrganr anr ma laer maqya noeqni, ngar, nawmaf-anr zaftaq-euq garkawv heu-anr maq siqnya-aer maqbi ghaemawf nya. Aqcawq tsawrjeuq tsawrca maq urbyan lar-euq khoerkeuvni, Irsaqleqlav tsawrhaq tiqpavnav deuq myavbaefbaef taef-a.