Jaceuq 71:24 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Ngaq-anr lavnar-eu laer pov-eu deuq-anr, myavpyawq narmaer bicawv-ir-awr, Shafdawr-eu jeq bi keuvle-euq mirnae, nawr tsaq-awr dawr-eu garkawv, Ngaq-euq maeqlar nan’ga-i jaceuq ma.

Akha

²⁴ Ngaˬ-ahˇ laˆ coeˬ laˆ ciˆ mawꞈ-eu deuˬ kʼoeˇ taˆ, shaꞈ dawˇ-eu jeˬ bi keuˆ le-euˬ miˇ neh, nawˬ-euˬ yaw tsaˬ yaw dawˇ jeˬ gaˇ kawˆ, nah ga-ehˇ ngaˇ ja ceuˬ ma.

Jaceuq 71:24 Referans Kwoze

Jaceuq 71:13

Ngaq-euq daefzir-anr muir-eu deuq, Myavpyawq narmaer bicawv-ir-awr bi myeufanrjir luf-ur. Ngaq-anr lavtanq lavnar-eu laer pov-eu deuq, Dawqdoer bidaq-awr bi shafdawrsaef luf-ur.

1 Gawˇliˬtu 15:25

Miqyaer, muir-eu deuq dawqtawv luf-anr Kali-euq aqkuir-euq uqmov bi jawrlar ngae keuvni, Kali ya uvlanr taef-a.

Jaceuq 92:11

Ngaq-anr muir-eu deuq-anr ngar bi keuvle mawf-eu lof-aer, Ngaq-euq myavnuiv ya’mawr-awr; Tsawrdoer deuq-anr ngar bi keuvle mawf-eu lof-aer, Ngaq-euq naqbawr yagaq-euq ma. Aqyawf maf-aq, tur-awr ngaq-anr caelar-eu deuq mae.

Jaceuq 35:28

Khoernar-aq, ngaq-euq maeqlar, Nawq-euq tsaq-awr dawr-eu garkawv ngaeq-awr, Nan’ga-i nawq-anr jaceuq ma.

Eˇpeˇsu 4:29

Nawmaf-euq khaqmae-anr nae dawqdoer taqbi dovle. Yagaq-eu tsawrhaq guiqlanq yawdzanr za’ni, huiqlar manrlar-eu gar gardanr tsoeq-eu dawqmuiq ngaeq-awq.

Maꞈtehˬ 12:35

Tsawrhaq yawmuiq deuq-aq, aqyawf-euq lafkhoer myawqganq yawmuiq shardawv taq-euq gar nae, yawmuiq jeq yurdov laf-awr, tsawrhaq yawdoer deuq-aq, aqyawf-euq lafkhoer myawqganq yawdoer shardawv taq-euq gar nae, yawdoer jeq yurdov laf-eu mae.

Jaceuq 71:15

Ngaq-euq khaqmae, nan’ga-i nawq-euq tsaq-awr dawr-eu garkawv, Hawr-eu nawq-euq kakhof-eu jeq-euq garkawv ja ma. Aqjeq mirnae aernar-aq, garkawv heudeuq armyavni jav-eu, ngar maq siqnya nya.

Jaceuq 71:8

Ngaq-euq khaqmae-anr, nan’ga-i nawq-euq yawshaef khanqsaer-anr jakeuv-awr, Nawq-anr jaceuq-eu jeq bibyan naeqlaf-awq.

Jaceuq 37:30

Tsaq-awr dawr-eu tsawrhaq-euq khaqmae-aq, Zaqsiq tsawrganr anr-eu jeq ngaeq-awr, Aqyawf-euq maeqlar-aq, dawr-awr tsaq-eu jeq ja-eu mae.

Jaceuq 70:3

Ngaq-anr “Haeq lawr, haeq lawr” laer aer-eu deuq, Aqyawfmaf shafdawr-ir-euq baqda’nae narkhan paw ciqpyawrkhof ghaeluf-ur.