Jaceuq 71:22 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Ngar, nawq-anr arcav tsof-eu keuka mui-awr jaceuq ma. Ngaq-euq Miqyaer-or! Nawr sarjax zif-eu gar ngar jaceuq ma. Irsaqleqlav-euq Yawshawr ghaq pyeuf-eu nawq-anr, Deur-mq cuq diq-awr jaceuq-eu cardawq car ma.

Akha

²² Ngaˇ nawˬ-ahˇ deuˇ-mˬ diˬ-awˇ ja ceuˬ ma. Ngaˬ-euˬ Miˬyehˇ-oˇ, nawˇ saˇ jaˇ ziꞈ gaˇ ngaˇ ja ceuˬ ma. Iˇsaˬleˬlaˆ-euˬ Muiˬ-eu shawˇ-eu Gʼaˬ pyeuꞈ-eu nawˬ-ahˇ, deuˇ-mˬ diˬ-awˇ ja ceuˬ-eu caˇ dawˬ caˇ ma.

Jaceuq 71:22 Referans Kwoze

Jaceuq 33:2

Deur-mq cuq diq-awr Ya’we Miqyaer-anr jaceuq-awq! Tser cav tsof-eu deur-mq ma, diqdiq-aer car-awr aqyawf-anr jaceuq-awq.

Jaceuq 89:18

Aqjeq mirnae aernar-aq, Ya’we Miqyaer-aq, aqdui-euq daeqdaqduq pyeuf-awr, Irsaqleqlav-euq Yawshawr ghaq-aq, aqdui-euq sanqpaq mae.

Jaceuq 144:9

Miqyaer-or! Ngar, nawq-anr cardawq yawshuif carnaeq ma; Ngar, tser cav tsof-eu deur-mq diq-awr carcar-aer, nawq-anr jaceuq ma.

Jaceuq 98:3

Aqyawf, Irsaqleqlav-euq nymrkhanq-euq gharduq, Aqyawf-euq ghawqshaq gaq-eu jeq hawr-eu, Sarjax zif-eu jeq noeqkeuv naeq-euq mae. Mqdzer mirdzer dawqtawvluf, aqdui-euq Miqyaer-euq kakhof-eu jeq ya’mawr-euq mae.

Jaceuq 138:2

Nawq-euq ghoer-awr gaq-eu jeq hawr-eu nawq-euq yawtsaq yawdawr-euq baqda’nae, Nawr, nawq-euq tsawrmyanr dawqtawv luf-euq khoertav nawq-euq dawq-anr taqhuiq taq-euq baqda’nae, Ngar, nawq-euq shawr-eu uqduq tanqnymr nymrma jav-eu paw ciqpyawr-awr uqduq tanq-eu lafkhoer, nawq-euq tsawrmyanr-anr jaceuq ma.

Jaceuq 89:1

Ngar, li-eu maqbawni, Ya’we Miqyaer-euq ghawqshaq gaq-eu garkawv car ma. Ngar, ngaq-euq khaqmae nae, nawq-euq sarjax zif-eu garkawv, Yawqzir navluf-anr bisiqni dzawrgaq ma.

Jaceuq 78:41

Aqyawfmaf, Miqyaer-anr tiqpov sair tiqpov tsermr haw-awr, Irsaqleqlav-euq Yawshawr ghaq-anr nyaefsuf naeq-euq mae.

Jaceuq 56:4

Ngar, Miqyaer-euq lafkhoer, aqyawf-euq dawq-anr jaceuq ma; Ngar, Miqyaer-anr ghoe ma; Ngar maqguv. Shiqshaq, ngaq-anr aqjeq janrlar nya-eu?

Jaceuq 25:10

Aqyawf-euq dawqma sarjax hawr-eu aqyawf-euq dawqdzawr-anr cantae-eu tsawrhaq-euq gharduq-aq, Ya’we Miqyaer-euq cankawv dawqtawvluf, yawtsaq yawdawr hawr-eu ghawqshaq gaq-eu jeq pyeuf-eu mae.

Lormav 15:8

Nymq-mr ngar aermawf-eu-aq, arhu Miqyaer nae aqpoeq deuq-anr sarjax dzaqtaq-euq khoerdeuq biduq bi marlarni hawr-eu, Miqyaer-euq yawtsaq yawdawr bi dovlar-eu gharduq, Yeqsur Kali, bawkhov maeqdzaq yaeq-euq tsawrhaq deuq-euq kuirlaf zaqkhav geufle-euq mae.

Jaceuq 43:4

Khoernar-aq, huiq duidui-eu ngaq-euq laqkhaq caerduq pyeuf-eu Miqyaer jawr-eu, Miqyaer-euq lawrduq-anr ngar le ma. Ngaq-euq Miqyaer pyeuf-eu Miqyaer-or, Ngar, deur-mq diq-awr nawq-anr jaceuq ma.

Jaceuq 98:4

Mirtsaq dawqtawvluf laqkhaq tiqcaer, Ya’we Miqyaer-anr gurnaeq-awr; Dawqcar car-awr, laqkhaq caer-eu uqtaf, car-awr jaceuq-awq.

Jaceuq 98:5

Ya’we Miqyaer-anr deur-mq diq-awr carnaeq-awq. Deur-mq hawr-eu jaceuq-eu tersar nae jaceuq-awq.