Jaceuq 71:20 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Nawr, ngaq-euq khoertav zawr-aer huiq-awr kan-eu shaqzanq nargawr bi keuvle-euq mae. Aerkhawf, nawr, ngaq-anr lavdaef naeqlaf-awr, Naf-eu shir-eu mirkhanq-anr nae par sheuqdov naeqlaf taef-a.

Akha

²⁰ Ngaˬ-euˬ kʼoeˇ taˆ shaˬ zahˬ naˇ gawˇ nawˇ bi keuˆ le-euˬ meh. Ehˇ kʼawꞈ, nawˇ ngaˬ-ahˇ gʼaˬ paˇ bi kʼoꞈ laˇ-awˇ, shiˇ-eu miˇ kʼahˬ-ahˇ maˬ ya keuˆ ni ka kʼoꞈ nehˬ laꞈ tehꞈ-a.

Jaceuq 71:20 Referans Kwoze

Jaceuq 138:7

Ngar gardzaq garkawv-euq ghanrcae canluf khawf, Nawr, ngaq-anr tiq pov par lavdaef naeqlaf taef-a; Nawr, nawq-euq aqlaf cawqja-awr nae, ngaq-anr muir-eu deuq-euq nuima paer-eu gar caekhofnaeq taef-a. Khoernar-aq, nawq-euq armar laf, ngaq-anr bibuq-ir naeqlaf taef-a.

Jaceuq 60:3

Nawr, nawq-euq tsawrhaq-anr yawshaq jeq bimawr naeqlaf-euq mae; Nawr, nga’maf-anr yawbanq yawlanr-aer bi ghaelar-eu aqgaf dzaruir bidawr naeqlaf-euq mae.

Jaceuq 86:13

Aqjeq mirnae aernar-aq, Nawr, ngaq-anr ghawqshaq gaq-eu jeq zawr huiq-eu mae. Nawr, ngaq-euq nuima saflar-anr, Naf-eu shiqbuir lanma-anr nae bibuq-ir naeqlaf-euq mae.

Jaceuq 80:18

Khoernar-aq, nga’maf, nawq-anr narkhan maqpar ciqpyawrnaeq ma. Nga’maf-anr lavdaef naeqlaf-awq. Nga’maf, nawq-euq tsawrmyanr-anr kur ma.

Jaceuq 119:25

Ngaq-euq nuima saflar khaqlaer-anr gapanq taq-euq nya. Nawq-euq dawq aertaq-euq lof-aer, Ngaq-anr lavdaef naeqlaf-awq.

Jaceuq 16:10

Aqjeq mirnae aernar-aq, nawr, ngaq-euq saflar-anr shir-eu mirkhanq-anr maq byaerdzae yaf-aer, Nawq-euq Yawshawr ghaq-anr buf-ir shov-ir-eu gar maqbi keuv-a.

Panmaeq 7:14

Khoerngae, ngar, aqyawf-anr, “Ngaq-euq sanqpaq-or! Nawr siqnya mae” laer aerkhof naeq-euq ma. Khoernar-aq, aqyawf, ngaq-anr heulof-aer aernaeq laf-euq mae: “Tsawrhaq heudeuq-aq, shaqdui zanq duidui-eu aryamq-euq lafkhoer nae dovlar-euq mae. Aqyawf maf-aq, yawqha-euq paerkhanq paermanr pyurdeuqni ghaelarni, Yawrzaq-euq shiq nae laeqtsiq ghaq-euq mae.

Eˇpeˇsu 4:9

“Aqyawf ghofdav ler-euq” laer aer-eu-aq, mirtsaq-euq dawqdan jeqhu irka-euq maqngeur-a lor?

Maˬkuˆ 15:34

Uqciftaw naqliq smr laf keuvlar ngae, Yeqsur tersar yawkhav-aer gur-eu, “Erlir, Erlir, laqmaq saqbartaqniq?” Dawqtsuif-aq heulof-aer aermawf-eu mae, “Ngaq-euq Miqyaer-or! Ngaq-euq Miqyaer-or! Aqjeq mirnae nawr, ngaq-anr byaerdzae naeqlaf-euq le?” (Jc 22:1)

Jaceuq 85:6

Nawq-euq tsawrhaq, nawq-euq lafkhoer laqkhaqcaer larni; Nawr, nga’maf-anr tiq pov maqpar lavdaef naeqlaf-eu laer ma laq?

Gʼaˬkʼehˇ 2:24

Aerkhawf, Miqyaer, aqyawf-anr shir-eu jeq-euq shaqzanq-anr nae puirpyaeq naeq-awr, bi ghofdaef lar-euq mae. Aqjeq mirnae aernar-aq, shir-eu jeq aqyawf-anr maq paftawftaq nya-a.

Jaceuq 60:5

Nawr gaq-eu tsawrhaq yabuq-ir ni, Nga’maf-euq shardawq-anr narhaq naeqlaf-awr, Nawq-euq armar laf nae nga’maf-anr kakhof naeqlaf-awq.

Jaceuq 95:4

Mirtsaq-euq khoertav, naf-eu jawrduq deuq, Aqyawf-euq aqlaf-euq lafkhoer jav-awr, Gawqjawq gawqdur-euq yawgor deuq khawf aqyawf-euq mae.