Jaceuq 71:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Ngaq-euq daefzir-anr muir-eu deuq, Myavpyawq narmaer bicawv-ir-awr bi myeufanrjir luf-ur. Ngaq-anr lavtanq lavnar-eu laer pov-eu deuq, Dawqdoer bidaq-awr bi shafdawrsaef luf-ur.

Akha

¹³ Ngaˬ-ahˇ laˆ coeˬ laˆ ciˆ le-eu tsawˇ haˬ deuˬ, laˆ luˬ laˆ seˇ nehˬ gaˇ ya daˬ luꞈ-uˇ. Ngaˬ-ahˇ laˆ tahˬ laˆ naˇ mawꞈ-eu deuˬ kʼoeˇ taˆ, shaꞈ dawˇ-eu jeˬ hawˇ-eu nui ma cawˆ-eu jeˬ keuˆ le luꞈ-uˇ.

Jaceuq 71:13 Referans Kwoze

Jaceuq 35:26

Ngar narluf-eu gar laqkhaq caer-eu deuq, Daq biga-ir-awr yawbanq yawlanr-aer bipyeuf-ir law. Ngaq-anr janrghaehaw lar-eu deuq, Daqga-eu jeq hawr-eu shafdawr-eu jeq yadm luf-ur.

Jaceuq 71:24

Ngaq-anr lavnar-eu laer pov-eu deuq-anr, myavpyawq narmaer bicawv-ir-awr, Shafdawr-eu jeq bi keuvle-euq mirnae, nawr tsaq-awr dawr-eu garkawv, Ngaq-euq maeqlar nan’ga-i jaceuq ma.

Jaceuq 109:29

Ngaq-anr iqbax taq-eu deuq-anr daqga-eu jeq bidm-awr; Aqyawfmaf paerkhanq paerma dm-eu lof-aer, Yawqha-euq shafdawr-eu jeq nae tsanrkaq luf-ur.

Jaceuq 35:4

Ngaq-euq daefzir yur-eu laer pov-eu deuq, bi shafdawr-ir-awr daqga-ir luf-ur. Ngaq-anr lavnar-eu laer tov-eu deuq, yawbanq yawlanr-aer pyeuf-ir-awr narkhan paw ghof-ir luf-ur.

1 Beˬtuˆluˆ 5:5

Khoerlof-aer durni, nawmaf zaqguq deuq khawf, aqyuif aqtsu deuq-euq lafov yawmuiq-aer jawr-awq. Nawmaf yawqghaq navluf paerkhanq dm-eu lof-aer nuinanq nuiyu dmdav-awr, tiqghaq tirghaq-euq lafov yawmuiq-aer jawr-awq. Aqjeq mirnae aernar-aq, “Miqyaer, nuima huiq-eu tsawrhaq-anr lavtsoeq-awr, Nuinanq nuiyu anr-eu tsawrhaq-anr guiqlanq yawdzanr bif-eu mae.” (Dd 3:34)

Jaceuq 132:18

Ngar, aqyawf-anr muir-eu deuq-anr daqga-eu maeqtsoeq bidm ma. Aerkhawf, aqyawf-euq uqduq-anr khovluf-eu shuir-euq uqkhov-aq, yawshaef bya taef-a.”

Jaceuq 6:10

Ngaq-anr kharmuir-eu deuq, daq biga-ir-awr shaqzanq binaf duidui law; Aqyawfmaf ciqpyawrkhof ngae, myavnuiv tiq taev-euq lafkhoer, daqga-eu jeq ya’mawr taef-a.

Jaceuq 70:3

Ngaq-anr “Haeq lawr, haeq lawr” laer aer-eu deuq, Aqyawfmaf shafdawr-ir-euq baqda’nae narkhan paw ciqpyawrkhof ghaeluf-ur.