Jaceuq 65:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Nga’maf-anr kakhof-eu Miqyaer-or! Nawr tsaq-awr dawr-eu jeq-euq lafkhoer, Yawzeu bawlar paq-aer ghae-eu jeq mr-awr, nga’maf-anr aerkhof naeqlaf taef-a. Nawr-aq, mqdzer mirdzer-anr keuvni jawr-eu tsawrhaq deuq hawr-eu, Kaq-eu iqmalavshav-anr jawr-eu tsawrhaq dawqtawvluf noeqtmqduq pyeuf-eu mae.

Akha

⁵ Gʼaˬ leˇ-eu jeˬ biꞈ laꞈ-eu laꞈ kʼoeˇ, nga maꞈ-euˬ shaˇ dawˬ-ahˇ nawˇ naˇ haˬ nehˬ laꞈ-awˇ, nga maꞈ-ahˇ ka kʼoꞈ nehˬ laꞈ-eu laꞈ kʼoeˇ, zahˬ leˇ paˬ-ehˇ gʼeh-eu jeˬ nawˇ mˇ-euˬ meh. Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ hawˇ-eu, iˬ ma laˆ shaˆ nui baˬ-ahˇ jawˇ-eu tsawˇ haˬ deuˬ nawˬ-ahˇ gʼoe-eu meh.

Jaceuq 65:5 Referans Kwoze

Jaceuq 66:3

Miqyaer-anr heulof-aer aernaeq-awq, “Nawq nae mr-euq gardeuq yawzeu arnavni bawlar paq-aer ghae-eu nga. Nawq-euq baoq huiqdui manr duidui-eu mirnae, Nawq-anr muir-eu deuq, nawq-euq uqmov jawrlar taef-a.

Jaceuq 45:4

Yawtsaq yawdawr, nuinanq nuiyu hawr-eu tsaq-awr dawr-eu gharduq, Nawq-euq jaqlaq khanqsaer-euq lafkhoer ghaqler-euq ghaq lof-aer dziq-awr dov-ir-awq; Nawq-euq armar laf, nawq-anr yawzeu bawlar paq-aer ghae-eu jeq maeqnaeqlaf taef-a.

Jaceuq 22:27

Mirtsaq-euq mirdzer yawqdzer navluf, Ya’we Miqyaer-anr noeqkeuv lar-awr, aqyawf jawr-eu paw ghofkhoflar taef-a. Mirkhanq-euq tsawrjeuq-euq zawfjir dawqtawvluf khawf, nawq-euq maeqshi uqduq tanqlar taef-a.

Lormav 2:5

Nawr nuima ghanr-awr nuima maq noeqpov maq noeqpar-eu mirnae, Miqyaer nuima paer-eu arnan khoernan-euq gharduq aqyawf nuima paer-eu jeq-anr nawr povuiq luf-eu mae. Khoernan keuvle ngae, Miqyaer tsaq-awr dawr-eu lafkhoer byacaevni yarkhaq dar-eu gar ya’mawr taef-a.

Panmaeq 16:5

Khoerngae, ngar, ircuf-euq mqtav ghaqkhaer heulof-aer aer-eu gar, yagaq-euq ma, “Arhu nae daef-eu nymq-mr keuvni daefluf-awr, aqkar keuvni daef-eu Sanqpaq Miqyaer-or! Nawr heulof-aer yarkhaq dar-eu-aq, tsaq-awr dawr-eu mae.

Jaceuq 145:17

Ya’we Miqyaer-euq garma dawqtawvluf tsaq-awr dawr-eu mae; Aqyawf kharmr kharshar-eu jeq guiqlanq yawdzanr byan-eu mae.

Jaceuq 85:4

Nga’maf-anr kakhof-eu ghaq pyeuf-eu Miqyaer-or! Nga’maf-anr lavmuiqkhof naeqlaf-awq. Nawr, nga’maf-anr nuima paer-eu jeq bibyov-ir naeqlaf-awq.

Jaceuq 107:23

Lawq-anr dziq-awr iqmalavshav-anr cancan-aer, Huiq-eu ircuf-euq khoertav jeqgaf gaf-eu deuq;

Jaceuq 36:9

Aqjeq mirnae aernar-aq, nawr daef-eu jeq bif-eu cuq jav-awr; Nawq-euq yawshaef-euq lafkhoer, nga’maf yawshaef mawrnya-eu ma.

Jaceuq 84:5

Guiqlanq povgeuf-eu laer garma dov-ir-eu nuima anr-awr, Nawq-euq lafkhoer ghaq ghoe-eu tsawrhaq-aq, guiqlanqhuiq taef-a.