Jaceuq 65:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Nawq-euq dawqpae bilar-awr nawq-euq nymr-euq povka bijawr-eu laer, Nawq nae tserdov-euq tsawrhaq-aq, guiqlanq huiq-eu mae. Nga’maf, nawq-euq nymr hawr-eu nawq-euq shawr-eu uqduq tanqnymr nymrma-euq yawmuiq jeq-euq baqda’nae nuima tmqjawvni yaghae taef-a.

Akha

⁴ Nawˬ-euˬ muiˬ-eu shawˇ-eu jawˇ duˬ-ahˇ bi jawˇ-euˬ, nawˬ neh tseˇ doˆ-euˬ tsawˇ haˬ kʼoeˇ deuˬ, laˬ kʼaˬ cehˇ luꞈ-uˇ. Nawˬ-euˬ nymˇ-euˬ muiˬ-eu jaˬ-eu jeˬ hawˇ-eu, muiˬ-eu shawˇ-eu nawˬ-euˬ Uˬ duˬ tahˬ nymˇ nymˇ ma-euˬ guiˬ lahˬ yaw dzahˇ-ahˇ, nga maꞈ nui kʼahˇ shiˇ-eu ma.

Jaceuq 65:4 Referans Kwoze

Jaceuq 84:4

Nawq-euq nymr-euq lafkhoer jawr-eu tsawrhaq-aq, Guiqlanq huiq-eu mae. Aqyawfmaf, nawq-anr jaceuq luf-a siq. Sela.

Eˇpeˇsu 1:4

Aqdui, Miqyaer-euq maeqshi iqbax tiqpawf-iq taqkhar maqza-eu shawr-eu tsawrhaq pyeuflarni, mirtsaq tanqkhawr maqbae-euq minav-aer, gaq-eu lafkhoer Kali-anr ghoe-awr aqdui-anr tserdov taq-euq mae.

Jaceuq 23:6

Yawduq bawni, yawmuiq jeq hawr-eu ghawqshaq gaq-eu jeq, Ngaq-euq maeqnan, maqshir tiqzir yawqnan navluf cantae taef-a; Ngar, Ya’we Miqyaer-euq nymr-euq lafkhoer, mqmaq maqbyav yarzir jawr ma.

Jaceuq 36:8

Nawq-euq nymr-euq lafkhoer javbyan taq-euq jeq-euq baqda’nae, Aqyawfmaf tiqbyan tiqlof nuikhanr shir-awr; Nawr, aqyawf maf-anr, nawq-euq laqkhaq caer-eu lawrgawv-anr nae bidawr-euq mae.

Jaceuq 33:12

Miqyaer nae aqyawf-euq jeqbir lof-aer tserdov-euq tsawrhaq; Ya’we Miqyaer-anr, aqyawf maf-euq Miqyaer bipyeuf-eu tsawrjeuq tsawrca-aq, guiqlanq huiq-eu mae.

Jaceuq 4:3

Aerkhawf, nawmaf heu-anr siqnya-awq. Ya’we Miqyaer, aqyawf-euq gharduq aqyawf-anr yawzeu baw-eu tsawrhaq tserdov taq-euq mae. Ngar, Ya’we Miqyaer-anr kur ngae, aqyawf, ngaq-anr narhaq naeqlaf-eu mae.

Panmaeq 3:12

Ngar, ghaqler-eu tsawrhaq-anr ngaq-euq Miqyaer-euq uqduq tanqnymr nymrma-euq khawrzeur bigeuf-awr, aqyawf-anr aqmyanluf khoergar bijawr ma. Ngaq-euq Miqyaer-euq tsawrmyanr, hawr-eu ngaq-euq Miqyaer jawr-eu mq-anr nae oeka-euq Yeqlursaqlaeq yawshuif pyeuf-eu, ngaq-euq Miqyaer-euq meuq-euq tsawrmyanr hawr-eu ngaq-euq tsawrmyanr yawshuif, ngar, aqyawf-euq khoertav bofdavnaeq ma.

Jaceuq 63:5

Ngaq-euq nuima saflar, shaqtsur hawr-eu purnmf dzaqdaev-euq lof-aer, Tmqjawvni ghae-awr, laqkhaq caer-eu maeqluq nae, Ngaq-euq khaqmae, nawq-anr jaceuq ma.

Jaceuq 15:1

Ya’we Miqyaer-or! Nawq-euq saqpar saeqghawv-euq lafkhoer aqsur ghaq yajawr-eu la? Nawq-euq shawr-eu gawqjawq-anr aqsur ghaq jawrnya-eu la?

Jaceuq 24:7

Ghovkhaeq deuq-or, nawq-euq uqduq bafdir-awq! Mqmaq maqbyav yarzir-euq larghov deuq-or, bafdir-awq! Khoernar-aq, yawshaef khanqsaer-euq Sanqpaq urlar taef-a.

Jaceuq 17:15

Aerkhawf, ngar lawnmr-aq, tsaq-awr dawr-eu lafkhoer nawq-euq myavpyawq-anr ya’mawr ma. Ngar noeqlar ngae, nawq-anr dur-eu shaevdzeuf za-euq mirnae, ngaq-euq nuima tmqjawvni ghae taef-a.

2 Teˇsaˬloˇni 2:13

Sanqpaq Miqyaer zawr gaq-eu aqyuif aqnyir deuq-or! Nga’maf aqmyanluf nawmaf-euq gharduq Miqyaer-euq guiqlanq-anr jaceuq paq-aer ghae-eu mae. Aqjeq mirnae aernar-aq, Muiq-eu Saflar, nawmaf-anr lavshawr naeq-awr, nawmaf yawtsaq yawdawr-anr jan-eu mirnae kakhof-eu jeq za’ni, yawbae ngae nae Miqyaer, nawmaf-anr tserdov taq-euq mae.

Jaceuq 135:4

Aqjeq mirnae aernar-aq, Ya’we Miqyaer, aqyawf-euq gharduq Yaqkov-anr tserdov-awr, Aqyawf-euq poeq-eu myawqganq pyeufni, Irsaqleqlav-anr tserdov-euq mae.

Jaceuq 38:5

Ngaq-euq yawdzawq yawgan-euq baqda’nae, Ngaq-euq marnar marbyanr byanrler taq-awr baeflaf-eu mae.