Jaceuq 64:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aqyawf, aqyawf maf-anr yawqha-euq maeqlar-euq baqda’nae sanqtif bitif taef-a. Aqyawf maf-anr kharmawr-eu tsawrhaq caevbyovjir taef-a.

Akha

⁸ Aˬ yawꞈ maꞈ ngehˬ-euˬ dawˬ kʼoeˇ deuˬ baˬ da neh, aˬ yawꞈ maꞈ-ahˇ Miˬyehˇ laˆ cawˆ tehꞈ-a. Aˬ yawꞈ maꞈ-ahˇ kʼaˇ ya mawˇ-eu tsawˇ haˬ deuˬ, uˬ duˬ juiꞈ gaˇ keuˆ tehꞈ-a.

Jaceuq 64:8 Referans Kwoze

Dawqdaq 18:7

Aqdzawq argan-aq, yawqha-euq khaqmae nae yabi lavcawv-awr, Aqyawf-euq maeqluq-aq, yawqha-euq nuima saflar-anr, khmrpaf-eu lanrju pyeuf-eu mae.

Dawqdaq 12:13

Tsawrdoer-aq, yawqha-euq maeqluq-euq yawbanq yawlaeq-euq lanrju-anr pafler-eu mae. Aerkhawf, tsaq-awr dawr-eu tsawrhaq-aq, Gardzaq garkawv-anr nae yadzeur-ir taef-a.

Jaceuq 140:9

“Ngaq-anr gajawq taq-euq deuq-euq uqduq-anr-aq, Aqyawf maf-euq maeqluq-euq yawdoer jeq nae gadav luf-ur;

Luˇkaꞈ 19:22

Khoerngae, sanqpaq, aqyawf-anr heulof-aer aernaeq-euq mae, ‘Zawr cawv-eu kuirlaf zaqkhav-or! Nawq-euq khaqmae-anr nae dovle-euq dawq nae ngar, nawq-anr yarkhaqdar ma. Ngar-aq, zawr zir-eu tiq ghaq pyeuf-awr, ngaq nae maqbif-euq gar yur-awr, ngaq nae maqsaeq-euq gar yaeq-eu mae laer nawr siqnya-eu jeq mar-iq,

Maꞈtehˬ 21:41

Aqyawfmaf, Yeqsur-anr aerkhof-eu, “Aqyawf, tsawrcawv khoerdeuq-anr yawkhav-aer janrnaeq taef-a. Khoernar-aq, aqyawf, aryamq tsaq ngae, aqgaf arsiq pyavnaeq-eu aqgaf yarkmr-anr mr-eu tsawrhaq yawqdeuq yawq-anr par ngaqnaeq taef-a.”

Jaceuq 31:11

Ngaq-anr muir-eu tsawrhaq dawqtawvluf, ngaq-anr aerdoer-awr, Ngaq-euq dawqpae jawr-eu deuq par aerdoer dzaeq-eu mae. Ngar myavpyawq shuq-eu tsawrhaq, ngaq-anr guv-awr, Lafnyir paw ngaq-anr mawr-euq tsawrhaq dawqpae maqoeni caev-eu mae.

Jaceuq 22:7

Ngaq-anr khar mawrle-eu deuq, uiruir-aer aqjaf jaflar-awr; Aqyawfmaf maeqluq mryawf naeqlaf-eu lafkhoer, uqduq juifjuif-aer aer-eu,

Panmaeq 18:10

Aqyawf lof-aer shaqzanq yadaq-eu gar guv-eu mirnae, garmanr kaq-eu gar yawf-awr aer-eu, ‘Ghawqshar shaq-aer ngar-a. Hui duidui-awr ghaq zawr khav-eu Baqburloq-or! Nawr-aq, ghawqshar shaq-aer ngar-a. Naqliq tiq laf-euq lafkhoer taef-aer nawq-anr yarkhaq dar-eu jeq keuvle-euq ngar-a.’

Panmaeq 18:4

Khoernar-aq, ngar, mq-anr nae tersar yawqsaryawq heulof-aer ngaeqdov lef-eu gar yagaq-euq ma: “Ngaq-euq tsawrhaq deuq-or! Aqyawf-euq lafkhoer nae dovlar-awq. Maqngeur nar-aq, nawr, aqyawf naeq-aer iqbax mr-euq lof-aer, aqyawf khaeq-awr khav-eu gar yadaq-eu lof-aer nawr khawf yadaq taef-a.

Jaceuq 59:12

Aqyawf maf-euq maeqluq-euq dawq hawr-eu aqyawf maf-euq khaqmae-euq iqbax-euq baqda’nae, Hawr-eu aqyawfmaf ngaeq ngae, yaqkhaer yaq-awr jaqmyawf myawf-eu mirnae; Aqyawf maf-anr yawqha nuima huiq-eu jeq-anr bi pafler-awq.

Jaceuq 52:6

Tsaq-awr dawr-eu tsawrhaq khoer-anr ya’mawr ngae guv taef-a; Aqyawf-anr uir-eu lafkhoer heulof-aer aernaeq taef-a;

Jaceuq 9:3

Ngaq-anr muir-eu deuq, narkhan paw zeuvpyawrkhof ngae, Aqyawfmaf, nawq-euq maeqshi coqdzae ghae-awr yacawv-ir taef-a.

Jaceuq 144:6

Mqjeq tsawqtaev bitaev-awr, aqyawf maf-anr taebyav ghae-awq. Nawq-euq kavmyaq beuvdov ghae-awr, aqyawf maf-anr lavcawv-awq.