Jaceuq 64:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Tsaq-awr dawr-eu tsawrhaq-aq, Ya’we Miqyaer-euq lafkhoer, Laqkhaq caer-awr, aqyawf-anr ghoe taef-a. Nuima-euq lafkhoer dawrcoeni ghae-eu tsawrhaq dawqtawvluf, Aqyawf-anr jaceuq taef-a.

Akha

¹⁰ Sahˬpaˬ Miˬyehˇ neh mˇ-euˬ jeˬ baˬ da neh, yaw tsaˬ yaw dawˇ tsawˇ haˬ dawˬ tawˆ luꞈ laˬ kʼaˬ cehˇ tehꞈ-a. Sahˬpaˬ Miˬyehˇ laꞈ kʼoeˇ aˬ yawꞈ maꞈ nui saˇ oꞈ-awˇ, tsawˇ muiˬ dawˬ tawˆ luꞈ aˬ yawꞈ-ahˇ ja ceuˬ tehꞈ-a.

Jaceuq 64:10 Referans Kwoze

Jaceuq 32:11

Tsaq-awr dawr-eu tsawrhaq deuq-or! Ya’we Miqyaer-euq lafkhoer laqkhaq caer-awr lurgha caergha-awq. Nuima dawrcoeni ghae-eu tsawrhaq dawqtawvluf, laqkhaqcaer duidui-awr gur-awq.

Jaceuq 40:3

Aqyawf, ngaq-euq khaqmae-euq lafkhoer, Aqdui-euq Miqyaer-anr jaceuq-eu cardawq yawshuif dawvanr naeqlaf-euq mae. Tsawrhaq ghawqmya’ni ya’mawr-awr Ya’we Miqyaer-anr guv-eu lafkhoer, aqyawf-anr ghoelar taef-a.

Gaˬlaˬtiˆ 6:14

Aerkhawf, ngar lawnmr-aq, aqdui-euq Sanqpaq Yeqsur Kali-euq lafyaq-anr taef-aer nuima huiq-awr, nuijeq tiqjeq-anr-iq nuima maqhuiq. Aqyawf-euq baqda’nae, mirtsaq heu-aq, ngaq-euq gharduq lafyaq-euq khoertav taftaeq dzeur-awr, ngar khawf, mirtsaq-euq gharduq-aq, lafyaq-euq khoertav bi tafsaef dzeur-euq ma.

Jaceuq 112:2

Aqyawf-euq zaqdeuq uvdeuq, mirtsaq-euq khoertav ghaq khav-awr; Dawrcoeni daef-eu deuq-euq nanqzir-aq, guiqlanqhuiq taef-a.

Jaceuq 97:11

Tsaq-awr dawr-eu tsawrhaq-euq khoertav yawshaef saeqdav naeq-awr, Nuima-euq lafkhoer dawrcoeni ghae-eu tsawrhaq-euq khoertav, Laqkhaq caer-eu jeq saeqdavnaeq taef-a.

Jaceuq 25:20

Ngaq-anr bibuq-ir naeqlaf-awr, ngaq-euq nuima saflar hawpir naeqlaf-awq. Ngaq-anr taqbi shafdawr-ir naeqlaf. Aqjeq mirnae aernar-aq, ngar, nawq-euq lafkhoer caevzaflar ma.

Piˇliˇpiˆ 4:4

Aqmyanluf Sanqpaq Miqyaer-euq lafkhoer laqkhaq caer-awq. Ngar tiq pov par aernaeq nyar, laqkhaq caer-awq!

Jaceuq 58:10

Tsaq-awr dawr-eu tsawrhaq heulof-aer janrkhof naeq-eu gar ya’mawr ngae laqkhaqcaer taef-a; Aqyawf, aqyawf-euq aqkuir-anr tsawrcawv deuq-euq shiq nae lavshawr taef-a.

Jaceuq 11:1

Ngar, Ya’we Miqyaer-euq lafkhoer caevzaf ma. Nawr, ngaq-anr heulof-aer aqjox-aer aernya-eu le: “Arjir lof-aer, nawq-euq gawqjawq paw zawbyov lef-awq.