Jaceuq 63:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Nawq-euq ghoer-awr gaq-eu jeq-aq, daefzir navmaqtser muiqdzaeq-eu mirnae, Ngaq-euq maeqluq, nawq-anr jaceuq ma.

Akha

³ Maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ, ngaˇ yaw dehꞈ dehꞈ luꞈ-eu naˆ maˬ tseˇ poeˬ-eu miˇ neh, nawˬ-ahˇ ngaˇ ja ceuˬ-eu ma.

Jaceuq 63:3 Referans Kwoze

Jaceuq 69:16

Ya’we Miqyaer-or! Nawq-euq ghoer-awr gaq-eu jeq muiq-eu mirnae, Ngaq-anr narhaq naeqlaf-awq. Nawq-euq nanqyuni ghae-eu zawr-aer myaq-eu ghawqshaq gaq-eu jeq-euq baqda’nae, Ngar jawr-eu paw ciqpyawr lef-awq.

Jaceuq 51:15

Sanqpaq Miqyaer-or! Ngaq-euq maeqluq pannaeq laf-awq; Khoernar-aq, ngaq-euq khaqmae, nawq-anr jaceuq-eu gar bimawr ma.

Piˇliˇpiˆ 1:23

Ngaq-anr yawkhav-aer nyaefsuf lar-eu heu nyiq jeq-euq yawkaq-anr jawrluf-eu ma. Ngar geufmawf-eu jeq-aq, mirtsaq-anr ghawq-awr, Kali naeq-aer jawrlermawf mir-a. Heu-aq, muiqdzaeq-eu jeq pyeuf-eu mae.

HeˬByehˇ 13:15

Khoermirnae, aqdui, Yeqsur-anr ghoe-awr, aqmyanluf Miqyaer-anr jaceuq-eu lawr-eu jeq lawrnaeq kar-eur. Khoer-aq, aqyawf-euq tsawrmyanr-anr jaceuq-eu laer aqdui-euq maeqluq-anr nae siqle-eu arsiq mae.

Jaceuq 30:5

Aqjeq mirnae aernar-aq, aqyawf nuima paer-eu tiqkhaeq larkhaeq taef-aer paer-awr; Aqyawf ghoer mr-eu jeq-aq, tiqzir zif-eu mae. Uqcif mirlan-aer ya’ngoer-eu law-awr khawf, Uqshawq paw laqkhaq caer-eu jeq keuvle-eu mae.

1 Gawˇliˬtu 6:20

Aqjeq mirnae aernar-aq, arpoeq bif-awr nawmaf-anr zeurtsaev taq-euq mae. Khoermirnae, Miqyaer-euq pyeuf-eu nawmaf-euq mawrdo hawr-eu saflar-anr nae, Miqyaer-euq yawshaef khanqsaer bi dovlar-awq.

Lormav 12:1

Khoermirnae, aqyuif aqnyir deuq-or! Miqyaer-euq ghawqshaq gaq-eu jeq-euq baqda’nae, ngar, nawmaf-anr shar-eu ma. Miqyaer nuima tsaq-eu, shawrjaevni ghae-eu, daefluf-eu lawrnaeq-eu jeq lof-aer, nawmaf-euq mawrdo a’naeq-awq. Nawmaf heulof-aer mr-eu-aq, aqdir uqduq tanq-eu jeq pyeuf-eu mae.

Lormav 6:19

Nawmaf shiqshaq paw ghaq baq-eu mirnae, tsawrhaq yaw’awq awq-aer ghovshaw nya’ni, dawq heudeuq ngar, nawmaf-anr aernaeq-eu ma. Dzeurlaf ngae, nawmaf-euq arsaer deuq zanrdawq-anr leur-eu jeq mrni, maqshawr-eu jeq hawr-eu, zanrdawq-anr leur-eu jeq-euq zaqkhav bigeuf-eu laer a’naeq-euq mae. Aerkhawf, nymq-mr nawmaf shawrlarni, tsaq-awr dawr-eu jeq-euq zaqkhav bigeuf-eu gharduq, nawmaf-euq arsaer deuq a’naeq-awq.

Jaceuq 30:12

Khoermirnae, ciqcurni maqjawr-aer, ngaq-euq khanqsaer-anr nae, Car-awr nawq-anr jaceuq-eu ma. Ngaq-euq Miqyaer pyeuf-eu Ya’we Miqyaer-or! Ngar, nawq-anr mqmaq maqbyav yarzir jaceuq ma.

1 Yoˇhaˬ 3:2

Ngar zawr gaq-eu cawqdeuq-or! Nymq-mr aqdui-aq, Miqyaer-euq zaq ma. Aqkar aqdui aqjox-aer pyeuflar-eu gar maq panmaeq laf-aq siq. Aerkhawf, Kali dovle ngae, aqdui, aqyawf lof-aer pyeuflar taef-a laer siqnya ma. Aqjeq mirnae aernar-aq, aqyawf aqjox-aer pyeuf-eu gar aqdui byacaevni ya’mawr taef-a.

Jaceuq 66:17

Ngar, aqyawf-anr ngaq-euq khaqmae nae gurgaq-euq ma. Ngaq-euq maeqlar nae aqyawf-anr ciqpoeq ciqgor-euq ma.

Jaceuq 21:6

Nawr, aqyawf-anr mqmaq maqbyav yarzir guiqlanq biza duidui-awr; Nawq-euq maeqshi, nawr, aqyawf-anr laqkhaq yawkhav-aer bicaer-euq mae.

Jaceuq 4:6

Tsawrhaq ghawqmya’ni aer-eu, “Aqsur ghaq, aqdui-anr yawmuiq tiqjeqnav bimawr naeqlaf-eu?” Ya’we Miqyaer-or! Yawshaef bya-eu nawq-euq myavpyawq, nga’maf jawr-eu paw ciqpyawr lef-awq.

Jaceuq 42:2

Ngaq-euq nuima saflar-aq, Miqyaer-anr maef mir-a, Daefluf-eu Miqyaer-anr mawrmawf mir-a. Ngar, nawr jawr-eu gar aqmyan yalar-awr, nawq-euq maeqshi ya larmawr-eu la?

Jaceuq 68:25

Cardawq car-eu deuq maeqhu paw can-awr, Tersar lavmanr-eu keuka lavmanr-eu deuq cantae luf-eu lafkhoer, Caexlaer civ-eu aqbur zaqguq deuq khawf keuq-eu mae.

Jaceuq 96:6

Aqyawf-euq maeqshi, taqhuiq taqmanr-eu jeq hawr-eu jaqlaq yawbya javluf-awr; Aqyawf-euq yawshawr jawrduq-anr ghaq hawr-eu hawmuiq-eu jeq javluf-eu mae.