Jaceuq 63:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Miqyaer-or! Nawr-aq, ngaq-euq Miqyaer ma; Uqshawq yawnaf-aer ngar, nawq-anr pov-eu ma; Ngaq-euq nuima saflar, ircuf maef-eu lof-aer nawq-anr maef mir-a; Ircuf maqjav-aer guicorni ghae-ir taq-euq mirtsaq tiq tsanr ircuf maef-eu lof-aer, Ngaq-euq shiqshaq, nawq-anr za’mawf mir-a.

Akha

¹ Miˬyehˇ-oˇ, nawˇ-aˬ ngaˬ-euˬ Miˬyehˇ pyeuꞈ-awˇ, nawˬ-ahˇ ngaˇ noeˬ tmˬ luꞈ-eu ma. Ngaˬ-euˬ nui ma gʼawˇ mawˇ dawˬ tawˆ luꞈ nawˬ-ahˇ noeˬ tmˬ luꞈ-eu ma. Iˇ cuꞈ maˬ jaˆ ehˇ koˆ kaˆ ni tsawˬ paˆ-iˇ taˬ-euˬ miˇ tsaˬ tiˬ tsahˇ iˇ cuꞈ mehꞈ-eu loꞈ-ehˇ, ngaˬ-euˬ saꞈ laˇ nawˬ-ahˇ noeˬ tmˬ luꞈ-eu ma.

Jaceuq 63:1 Referans Kwoze

Jaceuq 143:6

Ngar, ngaq-euq aqlaf nawr jawr-eu paw cawqdir laf-eu ma; Ngaq-euq nuima saflar, ircuf maef-eu mirtsaq lof-aer, nawq-anr maef mir-a. Sela.

Jaceuq 84:2

Ya’we Miqyaer-euq nymr-euq povka jawrler mawfsaef-awr, Ngaq-euq nuima saflar ngeurdzaeq myafler paq-aer ghae nya. Ngaq-euq nuima hawr-eu shiqshaq, Daefluf-eu Miqyaer-anr kurluf-eu ma.

Maꞈtehˬ 6:33

Nawmaf, Miqyaer uvlanr-eu jeq hawr-eu aqyawf-euq tsaq-awr dawr-eu jeq-anr jeqhu pov-awq. Khoerdeuq dawqtawvluf, aqyawf, nawmaf-anr biflanq naeqlaf taef-a.

Jaceuq 91:2

Ngar, Ya’we Miqyaer-euq garkawv heulof-aer aer ma, “Aqyawf-aq, ngaq-euq caevzafduq, ngaq-euq lanrlof hawr-eu, Ngaq-euq Miqyaer mae. Ngar, aqyawf-anr ghoe ma.”

Jaceuq 5:3

Ya’we Miqyaer-or! Uqshawq paw nawr, ngaq-euq tersar-anr ya gaqluf-eu mae. Uqshawq yawnaf-aer, ngar, nawr jawr-eu paw hawdav laf-awr, Ngaq-euq tersar, nawr jawr-eu paw bi larluf-eu ma.

Yoˇhaˬ 7:37

Yawbui bui-eu arsaqsaq ngae nan-aq, huiqdzaeq-eu nan mae. Yeqsur gawqyawf yawf-awr, tersar yawkhav-aer heulof-aer aer-eu mae, “Ircuf kharmaef-eu tsawrhaq, ngar jawr-eu gar lar-awr dawrlar-awq.

Jaceuq 118:28

Nawr-aq, ngaq-euq Miqyaer mae. Ngar, nawq-anr jaceuq ma. Nawr-aq, ngaq-euq Miqyaer mae. Ngar, nawq-anr ciqpoeq ciqgor ma.

Dawqdaq 8:17

Ngaq-anr gaq-eu tsawrhaq-anr ngar gaq-awr, Laejae-awr ngaq-anr pov-eu deuq, Ngaq-anr povmawr taef-a.

Jaceuq 143:10

Ngar, nawq-euq nuima tsaq-eu jeq mrnya’ni maeqnaeq laf-awq, Aqjeq mirnae aernar-aq, nawr-aq, ngaq-euq Miqyaer ma. Nawq-euq Saflar-aq yawmuiq mae. Ngaq-anr dawrcoeni ghae-eu deuq-euq mirtsaq-anr sheuqghae naeqlaf-eu mae.

Jaceuq 78:34

Aqyawf, aqyawf maf-anr saef ngae, aqyawfmaf, aqyawf-anr pov-euq mae. Aqyawfmaf, ghoflar-awr nuima keuv-eu lafkhoer Miqyaer-anr pov-euq mae.

Jaceuq 42:11

Ngaq-euq nuima saflar-or! Aqjeq ghae-eu mrnyoeq saef-eu le? Aqjeq mirnae nawr, ngaq-euq lafkhoer maqsar marsar-aer ghaesaef-eu le? Miqyaer-anr noeqtmq-awq. Aqjeq mirnae aernar-aq, ngaq-euq Miqyaer, Ngaq naeq-aer jawr-awr cawba naeqlaf-eu mirnae ngar, aqyawf-anr jaceuq le siq.

Jaceuq 31:14

Aerkhawf, Ya’we Miqyaer-or! Ngar lawnmr-aq, nawq-anr ghoe ma. “Nawr-aq, ngaq-euq Miqyaer ma” laer ngar aer ma.

Yoˇhaˬ 20:17

Yeqsur, aqyawf-anr heulof-aer aernaeq-euq mae, “Ngaq-anr taq gheutaeq. Aqjeq mirnae aernar-aq, ngar, ngaqDa jawr-eu gar maq ghofdav ler-aq siq. Nawr, ngaq-euq aqyuif aqnyir deuq jawr-eu gar le-awr nae, ‘NgaqDa hawr-eu nawmaf-euq Aqda pyeuf-awr, ngaq-euq Miqyaer hawr-eu nawmaf-euq Miqyaer khawf pyeuf-eu, ngaqDa jawr-eu gar ngar ghofdavler ma’ jer laer aernaeq ler-awq.”

Jaceuq 119:81

Ngaq-euq nuima saflar, Nawq-euq kakhof-eu jeq-anr za’mawf duidui-awr; Ngar, nawq-euq dawq-anr noeqtmq-eu ma.

Maꞈtehˬ 12:43

“Naef yawjawf tiq mawr, tsawrhaq tiq ghaq-euq lafkhoer nae dov-ir-awr, guicorni ghae-eu gar irir larlar-aer, ghaqnaq naqduq pov-ir-euq khawf maq povmawr nya-aq.