Jaceuq 60:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Miqyaer-or! Nawr, nga’maf-anr nuikhanr maqshir-aer; Nawr, nga’maf-anr daepyavdzae naeqlaf-awr; Nawr, nga’maf-anr taedzae naeqlaf-euq mae. Or-oq, nga’maf-anr tiq pov lavmuiqkhof naeqlaf-awq.

Akha

¹ Miˬyehˇ-oˇ, nawˇ nga maꞈ-ahˇ byehˇ dzeh-awˇ, nga maꞈ-euˬ taˆ bi byaˆ-iˇ-euˬ meh. Nawˇ nga maꞈ-ahˇ nui ma pehˇ-eu meh. Ehˇ kʼawꞈ nymˬ-mˇ nga maꞈ-ahˇ haw cawˬ nehˬ laꞈ-awˬ.

Jaceuq 60:1 Referans Kwoze

Jaceuq 44:9

Aerkhawf, nawr, nga’maf-anr taedzae-awr bi shafdawr-ir naeqlaf-euq uqtaf, Nawr, nga’maf-euq guirmaf naeq-aer maqpar dov-ir naeqlaf-eu mae.

Jaceuq 90:13

Ya’we Miqyaer-or! Ciqpyawr lef-awq, Aqmyan keuvni heulof-aer bijav-eu laer ghae-eu le? Nawq-euq kuirlaf zaqkhav-anr ghawqshaq gaqnaeq laf-awq.

Jaceuq 85:4

Nga’maf-anr kakhof-eu ghaq pyeuf-eu Miqyaer-or! Nga’maf-anr lavmuiqkhof naeqlaf-awq. Nawr, nga’maf-anr nuima paer-eu jeq bibyov-ir naeqlaf-awq.

Jaceuq 89:19

Arhuba, mawrle-euq lafkhoer, Nawr, nawq-euq Yawshawr ghaq-anr heulof-aer aernaeq-euq mae. “Ngar, ghaq zawr khav-eu tiq ghaq-anr cawba naeq-euq ma. Ngar, tsawrhaq-euq ghanrcae nae tserdov-euq ghaq-anr ciqgor naeq-euq ma.

Jaceuq 89:3

“Ngar, ngaq nae tserdov-euq ghaq naeq-aer, Dawqma sarjax dzaqtaq-euq ma. Ngar, ngaq-euq kuirlaf zaqkhav Daqbir-anr kamqnaeq-euq ma.

Jaceuq 80:3

Miqyaer-or! Nga’maf-anr lavmuiqkhof naeqlaf-awq. Nga’maf kakhof-eu jeq za’ni, nawq-euq myavpyawq-anr nae, Yawshaef bi byadov lef-awq!

Jaceuq 79:5

Ya’we Miqyaer-or! Nawr aqmyan keuvni nuima paer-eu laer ghae-eu le? Li-eu maqbawni lor? Nawr myavnav nav-eu, miqdzaq dof-eu lof-aer bidof-eu laer ma laq?

Jaceuq 74:1

Miqyaer-or! Aqjeq mirnae nawr, nga’maf-anr li-eu maqbawni taedzae naeqlaf-eu le? Aqjeq mirnae, nawr, nawq-euq daega-euq yawrmaf-anr nuima paersaef-eu le?

Jaceuq 60:10

Miqyaer-or! Nawr, nga’maf-anr taedzae naeqlaf-euq maqngeur lor? Miqyaer-or! Nawr, nga’maf-euq guirmaf naeq-aer maqdov-ir-euq maqngeur laq?

Jaceuq 59:11

Ngaqha-euq daeqdaqduq pyeuf-eu Sanqpaq Miqyaer-or! Aqyawf maf-anr taqsaef, ngaq-euq tsawrhaq, aqyawf maf-anr ngaer-eu baw-mr; Nawq-euq baoq nae, aqyawf maf-anr gheuka-awr taebyavjir naeq-awq.

Jaceuq 59:1

Ngaq-euq Miqyaer-or! Ngaq-anr muir-eu deuq-anr nae bibuq-ir naeqlaf-awq. Tur-awr, ngaq-anr caelar-eu deuq-anr nae deuvpir naeqlaf-awq.

Jaceuq 108:11

Miqyaer-or! Nga’maf-anr taedzae naeqlaf-euq ghaq, nawr maqngeur lor? Miqyaer-or! Nawr, nga’maf-euq guirmaf naeq-aer maqpar irnaeq laf-euq maqngeur laq?

Jaceuq 79:9

Nga’maf-anr kakhof-eu ghaq pyeuf-eu Miqyaer-or, Nawq-euq tsawrmyanr yawshaef khanqsaer za’ni, Nga’maf-anr cawba naeqlaf-awq. Nawq-euq tsawrmyanr muiqni, nga’maf-anr bibuq-ir-awr, Nga’maf-euq iqbax-euq gharduq lawrdan-eu jeq laeqhmq naeqlaf-awq.

Jaceuq 89:38

Aerkhawf, nawr, nawq nae tsaqtsov taq-euq ghaq-anr nuima yawkhav-aer paer-awr; Nawr, aqyawf-anr byaer-awr taedzae naeq-euq mae.

Jaceuq 89:7

Tsawrshawr deuq uiqler taq-awr jawr-eu lafkhoer, Miqyaer-anr yawkhav-aer yaguv-eu mae. Aqyawf-euq tiqjawq jawr-eu deuq dawqtawvluf yawzeu yabaw-eu mae.

Jaceuq 80:1

Yawrmaf-anr sheuqghae-eu lof-aer Yorsaev-anr sheuqghae-awr, Yawr bo-eu lof-aer Irsaqleqlav-anr bosav-eu ghaq-or, Nga’maf-anr naqbawr ciqkhmr naeqlaf-awq. Jeqlurbeq-euq yawkaq-anr jawrluf-eu ghaq-or, Yawshaef byadov lef-awq.