Jaceuq 6:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Ngar manrmanr-aer shaq-awr ghaqdoerdoer nya. Ngaq-euq yufduq mirlan-aer myavbir nae danqbyan jir-awr, Ngaq-euq myavbir nae yufzar-anr yoeraq jir-euq mae.

Akha

⁶ Noeˬshaˬ-awˇ gʼaˬbaˬdui dui nya. Yawˬmiˇnaluꞈ ngoeˇ-eu oꞈ-awˇ, yuꞈzaˇ myaˆbiˇ iˇjeuˬjeuˬnya.

Jaceuq 6:6 Referans Kwoze

Jaceuq 69:3

Ngar gurgur-aer ngoer-euq mirnae ghaq baq-ir-awr, Ngaq-euq kuqbyanq guicorni ghae-ir taq-euq mir-a. Ngaq-euq myavnuiv, ngaq-euq Miqyaer-anr dawq-eu gar ghaq baq-ir-euq mir-a.

Jaceuq 42:3

Aqcawq, ngaq-anr maq tsaevlerni aer-eu, “Aqlaeq, nawq-euq Miqyaer aqgeugar jawr-eu la?” Khoermirnae, uqcif nan’ghanr maqaer, Ngaq-euq myavbir-aq, ngaq-euq dzaqdzaq dawrdawr pyeuflar taq-euq mae.

Jaceuq 38:9

Sanqpaq Miqyaer-or! Ngar geufmawf-eu jeq, nawq-euq maeqshi javluf-eu mae. Ngar yawkhav-aer manrluf-eu heu-aq, Nawq-anr nae zaftaq-euq jeq maqngeur-a.

Luˇkaꞈ 7:38

Yeqsur-euq narkhan paw aqkuir-euq dawqpae yawf-awr ngoerluf-eu mae. Myavbir, Yeqsur-euq aqkuir-anr dzavaq-awr, aqyawf-euq uqduq-euq tsaerkanr nae sivgui naeq-euq mae. Khoernar-aq, Yeqsur-euq aqkuir-anr maeqsaw sawsaw-aer, yawsaw jeq laefnaeq-euq mae.

Jaceuq 88:9

Shaqzanq-euq baqda’nae, ngaq-euq myavnuiv maqpar ganr mir-a. Ya’we Miqyaer-or! Yawqnan navluf, ngar, nawq-anr kurluf-awr; Ngaq-euq aqlaf, nawq-anr cawqjalaf luf-eu ma.

Jaceuq 39:12

“Ya’we Miqyaer-or! Ngaq-euq guiqlanq shardawq-anr narhaq naeqlaf-awr, Ngar gur-eu gar, nawq-euq naqbawr ciqkhmr naeqlaf-awq. Ngar myavbir dovluf-eu gar haw-awr ciqcurni taq jawrbyov naeqlaf. Ngar khawf, ngaq-euq aqpoeq aqbawr deuq lof-aer, Nawq naeq-aer mirkhanq-anr can-eu daqyan tiq ghaq pyeuf-awr jawrluf-eu ma.

Jaceuq 30:10

Ya’we Miqyaer-or! Narhaq naeqlaf-awr, ngaq-anr ghawqshaq gaqnaeq laf-awq. Ya’we Miqyaer-or! Ngaq-anr cawba-eu ghaq pyeufnaeq laf-awq.”

Jaceuq 88:11

Nawq-euq ghoer-awr gaq-eu garkawv, Lmqbymr-euq lafkhoer dawqdzawr mr taef-a laq? Lavcawv-eu jawrduq-euq lafkhoer, Nawr sarjax zif-eu garkawv dawqdzawr mr taef-a lor?

Jaceuq 115:17

Shir-euq tsawrhaq-aq, Ya’we Miqyaer-anr maqya jaceuq-a. Ciqcur savni ghae-eu jawrduq-anr irka-euq deuq khawf, maq jaceuq-a.