Jaceuq 59:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Aerkhawf, ngar, nawq-euq baoq-euq garkawv car ma; Uqshawq paw, ngar, nawq-euq ghawqshaq gaq-eu garkawv gurgur-aer car ma. Aqjeq mirnae aernar-aq, nawr, ngaq-anr deuvpir naeqlaf-euq ghaq pyeuf-awr, Ngaq-anr gardzaq garkawv keuvle-euq arnan-anr caevzafduq pyeufnaeq laf-euq mae.

Akha

¹⁶ Ehˇ kʼawꞈ, nawˇ gʼaˬ huiˬ-eu gaˇ kawˆ ngaˇ caˇ ma. Maˬ tsehˆ leˇ nya-eu nawˬ-euˬ gʼoeˇ-eu gaˬ-eu gaˇ kawˆ yawˬ shawˬ na luꞈ ngaˇ guˇ guˇ-ehˇ caˇ ma. Nawˇ ngaˬ-euˬ gʼoe duˬ lo guˇ pyeuꞈ-awˇ, shaˬ ngeh zahˬ ngeh tahˬ shaˇ duˬ pyeuꞈ-eu meh.

Jaceuq 59:16 Referans Kwoze

Jaceuq 21:13

Ya’we Miqyaer-or! Nawr ghaq khav-eu gar ciqpoeq ciqgor ma. Nga’maf car-awr nawq-euq baoq-anr jaceuq-eu ma.

Eˇpeˇsu 3:20

Aqdui-euq lafkhoer gar mrluf-eu aqyawf-euq baoq-anr ghoe-awr, aqdui sharnoeq-awr tanqshar nya-eu navmaqtser, ardzaeq paw-aer tiqbyan tiqlof mrpyeuf nya-eu Miqyaer-anr taqhuiq taqmanr kar-eur.

Lormav 15:9

Khoeruqtaf, Miqyaer-euq ghawqshaq gaq-eu jeq-euq baqda’nae, aqcawq tsawrjeuq tsawrca deuq khawf, Miqyaer-anr bi ciqhuiq bi ciqmanr-eu gharduq mae. Yaerbof-euq lafkhoer boftaq-euq lof-aer, “Khoermirnae, ngar, nawq-euq garkawv, aqcawq tsawrjeuq tsawrca-euq ghanrcae aerdov-awr, Nawq-euq tsawrmyanr-anr carcar-aer jaceuq ma.” (Jc 18:48; 2Sml 22:50)

Jaceuq 30:5

Aqjeq mirnae aernar-aq, aqyawf nuima paer-eu tiqkhaeq larkhaeq taef-aer paer-awr; Aqyawf ghoer mr-eu jeq-aq, tiqzir zif-eu mae. Uqcif mirlan-aer ya’ngoer-eu law-awr khawf, Uqshawq paw laqkhaq caer-eu jeq keuvle-eu mae.

Jaceuq 143:8

Uqshawq paw, ngaq-anr nawq-euq ghoer-awr gaq-eu garkawv bigaq naeqlaf, Aqjeq mirnae aernar-aq, ngar, nawq-anr ghoe ma. Ngar, can paq-aer ghae-eu garma, ngaq-anr bi siqnya naeqlaf-awq, Aqjeq mirnae aernar-aq, ngar, ngaq-euq nuima saflar, nawq-anr ciqgornaeq ma.

Jaceuq 138:7

Ngar gardzaq garkawv-euq ghanrcae canluf khawf, Nawr, ngaq-anr tiq pov par lavdaef naeqlaf taef-a; Nawr, nawq-euq aqlaf cawqja-awr nae, ngaq-anr muir-eu deuq-euq nuima paer-eu gar caekhofnaeq taef-a. Khoernar-aq, nawq-euq armar laf, ngaq-anr bibuq-ir naeqlaf taef-a.

2 Gawˇliˬtu 1:10

Aqyawf-aq, khoernavni khav-eu shir-eu jeq-euq lafkhoer nga’maf-anr bibuq-ir naeqlaf-awr, nymq-mr khawf bibuq-ir naeqlaf luf-eu uqtaf, aqkar khawf parbi buq-ir naeqlaf taef-a laer nga’maf, aqyawf-anr noeqtmq luf-eu ma.

Jaceuq 101:1

Ya’we Miqyaer-or! Ngar, nawq-anr car-awr jaceuq ma. Ngar, ghawqshaq gaq-eu jeq hawr-eu dawr-awr tsaq-eu garkawv car ma.

HeˬByehˇ 5:7

Kali shiqshaq pi-awr daefluf ngae, aqyawf-anr shir-eu jeq-anr nae bibuq-ir nya-eu Miqyaer-anr, tersar yawkhav-aer gurgur-aer myavbir dov-eu lafkhoer, guiqlanq shar-awr tanqshar duidui-euq mae. Aqyawf, Miqyaer-anr yawzeu baw-eu lafkhoer guv-eu mirnae, Miqyaer, aqyawf-euq shardawq-anr narhaq-euq mae.

Jaceuq 145:11

Aqyawfmaf, nawr uvlanr-eu jeq-euq yawshaef khanqsaer-euq garkawv ja-awr, Nawq-euq baoq-euq garkawv ja taef-a.

Jaceuq 36:5

Ya’we Miqyaer-or! Nawq-euq ghawqshaq gaq-eu jeq-aq, mq-euq khoertav jav-awr; Nawq-euq sarjax zif-eu jeq-aq, mqdmr-anr tuv-eu mae.

Jaceuq 31:7

Nawr ghawqshaq gaqnya-eu gar, ngar laqkhaq caer-awr lurgha caergha ma. Aqjeq mirnae aernar-aq, ngar shaqzanq daqluf-eu gar, Nawr hawmawr-awr, ngaq-euq nuima saflar shaq-awr zanq-eu siqnya-eu mae.

Jaceuq 4:1

Ngaq-euq tsaq-awr dawr-eu Miqyaer-or! Ngar kur-eu gar narhaq naeqlaf-awq! Ngar guv-awr gav-eu jeq-anr ya’mawr ngae, nawr, ngaq-anr ngaeqghaedzeur naeqlaf-euq mae. Ngaq-anr ghawqshaq gaq-awr, ngaq-euq guiqlanq shardawq-anr narhaq naeqlaf-awq.

Jaceuq 89:1

Ngar, li-eu maqbawni, Ya’we Miqyaer-euq ghawqshaq gaq-eu garkawv car ma. Ngar, ngaq-euq khaqmae nae, nawq-euq sarjax zif-eu garkawv, Yawqzir navluf-anr bisiqni dzawrgaq ma.

Jaceuq 88:13

Aerkhawf, Ya’we Miqyaer-or! Ngar, nawq-anr gurgaq-eu ma. Uqshawq paw, ngaq-euq guiqlanq shardawq, nawr jawr-eu gar bilar ma.

Jaceuq 77:2

Ngaq-anr gardzaq garkawv keuvle-eu arnan-anr, Ngar, Sanqpaq Miqyaer-anr pov-euq ma. Ngar, uqcif paw maq naqlerni, ngaq-euq aqlaf cawqdir-euq khawf, Ngaq-euq nuima saflar maqmuiq maq sarlar nya-a.

Jaceuq 46:1

Miqyaer-aq, aqdui-euq caevzafduq hawr-eu aqdui-euq ghaq pyeuf-awr, Gardzaq garkawv khar keuvle ngae, cawba naeqlaf-eu ghaq mae.

Jaceuq 5:3

Ya’we Miqyaer-or! Uqshawq paw nawr, ngaq-euq tersar-anr ya gaqluf-eu mae. Uqshawq yawnaf-aer, ngar, nawr jawr-eu paw hawdav laf-awr, Ngaq-euq tersar, nawr jawr-eu paw bi larluf-eu ma.

Jaceuq 106:8

Aerkhawf, aqyawf-euq tsawrmyanr-euq gharduq, aqyawf maf-anr kakhof naeq-awr; Aqyawf baoq huiq-eu bisiq-eu gharduq mr-euq mae.

Jaceuq 86:13

Aqjeq mirnae aernar-aq, Nawr, ngaq-anr ghawqshaq gaq-eu jeq zawr huiq-eu mae. Nawr, ngaq-euq nuima saflar-anr, Naf-eu shiqbuir lanma-anr nae bibuq-ir naeqlaf-euq mae.