Jaceuq 57:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Miqyaer-or! Ngaq-anr ghawqshaq gaqnaeq laf-awq! Ngaq-euq nuima saflar, nawq-anr ghoe-eu mirnae, Ngaq-anr ghawqshaq gaqnaeq laf-awq! Lavbyov lavbyav-eu jeq maqdzeur-ir-euq khoerkeuvni, Ngar, nawq-euq aqdanr narshmr-euq uqmov caevzaflar ma.

Akha

¹ Miˬyehˇ-oˇ, ngaˬ-ahˇ gʼawˬ shaˬ gaˬ nehˬ laꞈ-awˬ. Ngaˇ nui saˇ oꞈ ni nawˇ jawˇ gaˇ laˇ-euˬ loꞈ-ehˇ, ngaˬ-ahˇ gʼawˬ shaˬ gaˬ nehˬ laꞈ-awˬ. Nawˬ-euˬ aˬ dahˇ naˇ shmˇ uˬ moˆ, mˬ jeˬ jaˬ lehˇ tsiˇ leˇ ngeh keuˆ ni, ngaˇ awˆ kʼaˇ za-eu ma.

Jaceuq 57:1 Referans Kwoze

Jaceuq 91:4

Aqyawf-euq aqdanr nae nawq-anr danrkhawv khawvkaq-awr; Nawr, aqyawf-euq aqdanr-euq uqmov caevzaflar taef-a. Aqyawf-euq yawtsaq yawdawr-aq, Nawq-euq daeqdaqduq hawr-eu tanqdaqduq pyeuf taef-a.

Jaceuq 36:7

Miqyaer-or! Nawr ghoer-awr gaq-eu jeq, Arnavni poeq-awr lawq-eu nga! Heu-euq baqda’nae, nawq-euq aqdanr-euq narshmr-euq uqmov, Tsawrhaqzaq ghoelar-eu mae.

Jaceuq 61:4

Ngar, nawq-euq aqdanr-euq uqmov jav-eu caevzafduq-anr ghoe ma. Ngar, mqmaq maqbyav yarzir nawq-euq saeqghawv-euq lafkhoer jawr ma. Sela.

Jaceuq 63:7

Nawr, ngaq-anr cawba naeqlaf-euq mirnae, Ngar, nawq-euq aqdanr-euq narshmr-euq uqmov, laqkhaq caer-eu ma.

Jaceuq 9:10

Nawq-euq tsawrmyanr-anr siqnya-eu tsawrhaq deuq, nawq-anr ghoe taef-a. Aqjeq mirnae aernar-aq, Ya’we Miqyaer-or! Nawq-anr pov-eu tsawrhaq-anr, nawr maq byaerdzae naeq-a.

Jaceuq 91:1

Gor duidui-eu ghaq nae zaftaq-euq jawrduq-anr jawr-eu tsawrhaq-aq, Baoq zawr huiq-eu Miqyaer-euq narshmr-euq uqmov yajawr taef-a.

Panmaeq 21:4

Miqyaer, aqyawf maf-euq myavbir dawqtawv luf-anr sivdzaenaeq taef-a. Shir-eu jeq maqpar jav-aer, noeqshaq-eu jeq hawr-eu ngoer-eu jeq maqpar jav-eu uqtaf, nar-awr gawr-eu jeq khawf maqpar jav-eu mae. Aqjeq mirnae aernar-aq, yawbae jav-euq jeq dawqtawvluf byovjir-euq mae.”

Jaceuq 56:1

Miqyaer-or! Aqcawq, ngaq-anr myeufanr-eu laer nyaefsuf-awr nan’ga-i deuvlar luf-eu mirnae; Ngaq-anr ghawqshaq gaqnaeq laf-awq.

Jaceuq 91:9

Nawr, Ya’we Miqyaer-anr nawq-euq caevzafduq bipyeuf-awr, Gor duidui-eu ghaq-anr, nawq-euq jawrduq khawf bipyeuf-euq mirnae;

Jaceuq 13:5

Aerkhawf, ngar, nawq-euq ghawqshaq gaq-eu jeq-anr ghoeluf ma. Ngaq-euq nuima, nawq-euq kakhof-eu jeq-anr laqkhaq yacaer taef-a.

Jaceuq 2:12

Zaqyo-anr maeqsaw saw-awq, maqngeur nar-aq, aqyawf nuima paerlar-awr, Nawr, garma-anr yacawv-ir-eu baw-mr. Aqjeq mirnae aernar-aq, aqyawf-euq nuipaer yawkawr-aer keuvle nya-eu mae. Aqyawf-anr ghoe-eu tsawrhaq dawqtawvluf, guiqlanq huiq-eu mae.

Panmaeq 7:14

Khoerngae, ngar, aqyawf-anr, “Ngaq-euq sanqpaq-or! Nawr siqnya mae” laer aerkhof naeq-euq ma. Khoernar-aq, aqyawf, ngaq-anr heulof-aer aernaeq laf-euq mae: “Tsawrhaq heudeuq-aq, shaqdui zanq duidui-eu aryamq-euq lafkhoer nae dovlar-euq mae. Aqyawf maf-aq, yawqha-euq paerkhanq paermanr pyurdeuqni ghaelarni, Yawrzaq-euq shiq nae laeqtsiq ghaq-euq mae.

Jaceuq 142:1

Ngar, ngaq-euq tersar nae Ya’we Miqyaer-anr gurgaq ma. Ngar, ngaq-euq tersar nae Ya’we Miqyaer-anr tanqshar-eu dawqdzawr mr ma.

Yoˇhaˬ 16:20

Ngar, nawmaf-anr aqdirma-aer aernaeq nyar, nawmaf yawkhav-aer ngoer-awr, tsawrngoer ya’ngoer taef-a. Aerkhawf, mirtsaqzaq laqkhaqcaer taef-a. Nawmaf ya noeqshaq-eu khawf, nawmaf noeqshaq-eu khoer laqkhaq caer-eu jeq pyeuflar taef-a.

Maꞈtehˬ 24:22

Arnan aryamq khoer maq lavnymr nar-aq, tsawrhaq tiqghaq-iq maqbuq-ir nya-ar. Aerkhawf, tserdov taq-euq tsawrhaq deuq-euq gharduq sharnoeq-awr, arnan aryamq khoer lavnymr taef-a.

Jaceuq 125:1

Ya’we Miqyaer-anr ghoe-eu tsawrhaq deuq-aq, Tiqjawr-iq maq nyilar-aer, mqmaq maqbyav yarzir zif-eu Ziroq gawqjawq-anr dur-eu mae.

Jaceuq 59:1

Ngaq-euq Miqyaer-or! Ngaq-anr muir-eu deuq-anr nae bibuq-ir naeqlaf-awq. Tur-awr, ngaq-anr caelar-eu deuq-anr nae deuvpir naeqlaf-awq.

Jaceuq 58:1

Nawmaf ciqcurni jawr-eu deuq-or, Nawmaf tsaq-awr dawr-eu jeq aqdir ngaeqluf-eu ma lor? Nawmaf, tsawrhaq-euq zaqdeuq yarkhaq dawrcoeni darluf ma laq?

Luˇkaꞈ 13:34

“Yeqlursaqlaeq-or! Or, Yeqlursaqlaeq, nawr, Miqyaer gharduq ngaeqdan-eu tsawrhaq deuq-anr saef-awr, nawr jawr-eu gar bi’oe-euq deuq-anr khawf, khaqlo nae biqsaef-eu mae. Yaciv ya’ma, yazaq deuq-anr danrkhawv khawvuiq-eu lof-aer, ngar, nawq-euq zaqdeuq-anr armyav pov khawvuiq mawf-eu khawf, nawmaf maqbi khawvuiq naeqlaf-a.

Jaceuq 75:1

Miqyaer-or! Nga’maf, nawq-euq guiqlanq-anr jaceuq ma. Nawq-euq tsawrmyanr dawqpae jawrluf mae laer, Nawq-euq zanqler paq-aer ghae-eu gardeuq dzawrgaq luf-eu mirnae, Nawq-euq guiqlanq-anr jaceuq ma!