Jaceuq 56:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Miqyaer-or! Aqcawq, ngaq-anr myeufanr-eu laer nyaefsuf-awr nan’ga-i deuvlar luf-eu mirnae; Ngaq-anr ghawqshaq gaqnaeq laf-awq.

Akha

¹ Sahˬpaˬ Miˬyehˇ-oˇ, aˬ cawˬ ngaˬ-ahˇ diˬ laˇ ceh laˇ-awˇ, muiˇ-eu deuˬ maˬ tsehˆ leˇ ni kʼehˬ nehˬ kʼaˆ nehˬ laꞈ-eu miˇ neh, ngaˬ-ahˇ gʼawˬ shaˬ gaˬ nehˬ laꞈ-awˬ.

Jaceuq 56:1 Referans Kwoze

Jaceuq 59:1

Ngaq-euq Miqyaer-or! Ngaq-anr muir-eu deuq-anr nae bibuq-ir naeqlaf-awq. Tur-awr, ngaq-anr caelar-eu deuq-anr nae deuvpir naeqlaf-awq.

Jaceuq 31:9

Ya’we Miqyaer-or! Ngar shaq-awr zanqluf-eu mirnae, Ngaq-anr ghawqshaq gaqnaeq laf-awq. Ngar nuima cawv-eu mirnae, ngaq-euq myavnuiv ghaq baq-awr, Ngaq-euq nuima saflar hawr-eu ngaq-euq mawrdo khawf, ghaq baq mir-a.

Jaceuq 16:1

Miqyaer-or! Ngaq-anr hawpir naeqlaf-awq. Ngar, nawq-euq lafkhoer caevzaflar ma.

Jaceuq 60:1

Miqyaer-or! Nawr, nga’maf-anr nuikhanr maqshir-aer; Nawr, nga’maf-anr daepyavdzae naeqlaf-awr; Nawr, nga’maf-anr taedzae naeqlaf-euq mae. Or-oq, nga’maf-anr tiq pov lavmuiqkhof naeqlaf-awq.

Jaceuq 27:2

Ngaq-anr muir-eu deuq hawr-eu ngaq-anr caelar-eu tsawrdoer deuq, Ngaq-euq shaqjir kawfdzaq-eu laer lar ngae, aqyawfmaf sanqtif tif-awr gacoq ghae-euq mae.

1 Gawˇliˬtu 15:54

Buf-ir shov-ir nya-eu heu-anr, maqbuf maqshov-ir nya-eu jeq dmdav-awr, shirnya-eu heu-anr, maq shirnya-eu jeq nae dmdav ghaq ngae, Yaerbof-euq lafkhoer boftaq-euq dawq heudawq byanlar taef-a. “Ghaqler-eu jeq nae shir-eu jeq-anr myeufanr-euq mae.” (Isy 25:8)

Dawqdaq 1:12

Aqduimaf, shir-eu mirkhanq lof-aer aqyawf maf-anr yawdaef-aer myeufanr-awr, Mawrdo dolanni duqkhanq-anr ga’anrbyov ghae-euq lof-aer myeufanrnaeq kar-eur.

Jaceuq 143:12

Nawr, ngaq-anr ghawqshaq gaq-eu lafkhoer, Ngaq-anr muir-eu deuq-anr deuvtsaev dzae-awr, Ngaq-euq nuima saflar-anr shaqzanq bi keuvle-euq deuq-anr lavcawv jir-awq. Aqjeq mirnae aernar-aq, Ngar-aq, nawq-euq kuirlaf zaqkhav ma.

Jaceuq 136:15

Aerkhawf, Paqlawr hawr-eu aqyawf-euq guirmaf-anr, Irner iqmalavshav-anr daeqpuf naeq-euq mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

Jaceuq 136:10

Aqyawf, Irjirtuv-euq huqbaw deuq-anr saef-euq mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

Jaceuq 124:3

Aqyawfmaf, aqdui-anr miqdzaq dof-eu lof-aer nuima paer ngae, Aqdui-anr yawdaef-aer myeufanr jir-euq ngeur-eu dur;

Jaceuq 58:1

Nawmaf ciqcurni jawr-eu deuq-or, Nawmaf tsaq-awr dawr-eu jeq aqdir ngaeqluf-eu ma lor? Nawmaf, tsawrhaq-euq zaqdeuq yarkhaq dawrcoeni darluf ma laq?

Jaceuq 35:25

Aqyawf maf-euq nuima-euq lafkhoer heulof-aer taqbi aer law, “Haeq, aqdui nae kharnoeq-euq lof-aer pyeuflar-euq ngar-a.” Aqyawfmaf heulof-aer taqbi aer law, “Aqduimaf nae aqyawf-anr myeufanr-euq ma.”

Jaceuq 21:9

Nawr nuima paer-eu aryamq-anr, nawr, aqyawf maf-anr miqdzaq tsawqbym lof-aer bi pyeuflar-awr; Ya’we Miqyaer nuima yawkhav-aer paer-eu lafkhoer, aqyawf maf-anr myeufanr jir-awr; Khoernar-aq, miqdzaq, aqyawf maf-anr puivdzaqjir taef-a.

Jaceuq 106:17

Khoerngae, mirtsaq tsawqnga lar-awr, Daqtaq-anr myeufanr-awr, Aqbirlamq hawr-eu aqyawf-euq baqmur-anr byavtaeq byov-euq mae.

Jaceuq 59:10

Ngaq-euq Miqyaer, ngaq-anr ghawqshaq gaq-awr, ngar jawr-eu gar oe taef-a. Miqyaer, ngar geufmawf-eu lof-aer, ngaq-anr muir-eu deuq-euq khoertav keuvle-eu gar bimawr naeqlaf taef-a.