Jaceuq 51:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Ngar, nawq-anr iqbax mrlaeq-euq mir-a, nawq-anr taef-aer mrlaeq-euq ma. Nawq-euq maeqshi yawdoer jeq mr-euq heu-aq; Nawr ngaeqlar ngae dawr-awr tsaq-eu uqtaf, Nawr yarkhaqdar ngae, aerkhar maqza nga laer ya dovlar-eu mae.

Akha

⁴ Nawˬ-ahˇ ngaˇ mˇ lehˬ gʼaˬ-euˬ ma. Nawˬ-ahˇ tehꞈ-ehˇ mˇ lehˬ-euˬ ma. Nawˬ neh yaw haiˬ lehˇ sawˇ taˬ-euˬ jeˬ-ahˇ ngaˇ mˇ dzeuˇ-euˬ ma. Kʼoeˇ miˇ neh nawˇ ngaˬ-ahˇ yaˇ kʼaˬ daˇ-euˬ dawˇ dui dui meh. Ngaˇ yaw lehˬ meh lehˇ nawˇ daˇ-euˬ tsaˬ dui dui meh.

Jaceuq 51:4 Referans Kwoze

Luˇkaꞈ 15:21

Khoerngae, aqli khoerghaq aer-eu, ‘Aqda-or! Ngar-aq, mq hawr-eu nawq-euq maeqshi iqbax mr-euq mir-a. Aqkar nar-aq, nawq-euq zaqyo laer bikur-eu maqgeux nya.’

Lormav 3:4

Tiqpawf-iq maqngeur-a. Tsawrhaq dawqtawvluf jaqmyawf pyeufjir-euq khawf, (Jc 116:11) Miqyaer-aq, tsaq-awr dawr-eu mae. Yaerbof-euq lafkhoer boftaq-euq lof-aer, “Nawq-euq dawq baqda’nae, nawr-aq, dawr-awr tsaq-eu nga laer dovlar-awr, Nawq-anr yarkhaq darlar ngae nawr ghaqler taef-a.” (Jc 51:4)

Panmaeq 16:5

Khoerngae, ngar, ircuf-euq mqtav ghaqkhaer heulof-aer aer-eu gar, yagaq-euq ma, “Arhu nae daef-eu nymq-mr keuvni daefluf-awr, aqkar keuvni daef-eu Sanqpaq Miqyaer-or! Nawr heulof-aer yarkhaq dar-eu-aq, tsaq-awr dawr-eu mae.

Yaˬkoˆ 2:9

Aerkhawf, nawmaf myavpyawq huiqnyir tser nar-aq, iqbax mrluf-eu mae. Khoeruqtaf, nawmaf mrbanq mrlaeq-euq tsawrhaq nga laer zanrdawq khoer dar-eu mae.

Lormav 2:5

Nawr nuima ghanr-awr nuima maq noeqpov maq noeqpar-eu mirnae, Miqyaer nuima paer-eu arnan khoernan-euq gharduq aqyawf nuima paer-eu jeq-anr nawr povuiq luf-eu mae. Khoernan keuvle ngae, Miqyaer tsaq-awr dawr-eu lafkhoer byacaevni yarkhaq dar-eu gar ya’mawr taef-a.

Gʼaˬkʼehˇ 17:31

Aqjeq mirnae aernar-aq, aqyawf nae aryaq biftaq-euq ghaq-anr ghoe-awr, mirtsaqzaq-anr tsaq-awr dawr-eu lafkhoer aqyawf yarkhaq dar-eu laer nanpax paxtaq-euq mae. Aqyawf-anr shir-euq gar nae bi ghofdaef lar-euq gar ghoe-awr, Miqyaer nae khoerghaq-anr aryaq biftaq-euq mae laer tsawrhaqzaq dawqtawv luf-anr yawduq baw-eu jeq bifnaeq-euq mae.”

Luˇkaꞈ 7:29

Yorhaq nae bartirsaq bi mrnaeq-euq tsawrhaq deuq hawr-eu jeq taf-eu tsawrhaq dawqtawv luf-aq, dawq khoerdawq-anr yagaq ngae, Miqyaer-aq, tsaq-awr dawr-eu mae laer aer-eu mae.

Jaceuq 50:6

Mqdeuq, aqyawf-euq tsaq-awr dawr-eu jeq dawqdzawr bimr-awq; Aqjeq mirnae aernar-aq, Miqyaer-aq, yarkhaq dar-eu ghaq mae.

Jaceuq 50:4

Aqyawf, aqyawf-euq tsawrhaq-anr yarkhaq dar-eu laer, Aqyawf laftav jav-eu mq hawr-eu mir-anr kur-eu mae.

Panmaeq 19:11

Ngar, mq pantaq-euq gar ya’mawr-awr hawghaelef ngae, manq manqpyur tiq mawr jawr-awr, manq-anr dziqluf-eu ghaq-aq, sarjax zif-awr, tsaq duidui-eu ghaq laer kur-eu mae. Aqyawf-aq, tsaq-awr dawr-eu lafkhoer yarkhaq dar-awr, guirdeuv deuv-eu mae.

Yaˬkoˆ 2:11

“Taqbanq taqjoe” laer aer-eu khoerghaq, “Tsawrhaq-anr taqsaef,” (Di 20:13-14; Dm 5:17-18) laer khawf aer-eu mae. Khoermirnae, nawr maqbanq maqjoe-euq khawf, tsawrhaq-anr saef nar-aq, zanrdawq-anr mrbanq-euq tsawrhaq mae.